ಒಟ್ಟಾವ: ಬೋಟ್‍ನಲ್ಲಿ ಕುಳಿತಿದ್ದ ಬಾಲಕಿಯನ್ನು ಕಡಲ ಸಿಂಹ ಸೀಲ್ ಎಳೆದೊಯ್ದ ಘಟನೆ ಕೆನಡಾದ ಪಶ್ಚಿಮ ಕರಾವಳಿಯಲ್ಲಿ ನಡೆದಿದೆ. ಈ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಬೋಟ್‍ನಿಂದ ಈಜುತ್ತಿದ್ದ ಸೀಲ್‍ಗೆ ಆಹಾರ ಎಸೆದಿದ್ದಾರೆ. ಇತ್ತ ಬಾಲಕಿಯೊಬ್ಬಳು ಮಾತನಾಡುತ್ತಾ ನಗುತ್ತಾ ಬೋಟ್ ಬದಿಯಲ್ಲಿ ಬಂದು ಕುಳಿತಿದ್ದಾಳೆ. ಆಹಾರವನ್ನು ಅರಸುತ್ತಿದ್ದ ಸೀಲ್ ಗೆ ಬಾಲಕಿ ಬಿಳಿ ಬಟ್ಟೆ ಧರಿಸಿ ಕುಳಿತಿರುವುದು ಕಂಡಿತು. ಹೀಗಾಗಿ ತನಗೆ ಆಹಾರ ಸಿಕ್ಕಿತ್ತೆಂದು ಸೀಲ್ ಹಾರಿ ಆಕೆಯ ಅಂಗಿಯನ್ನು ಕಚ್ಚಿ ನೀರಿಗೆಳೆದಿದೆ. ಈ ವೇಳೆ ಅಲ್ಲಿದ್ದವರು ಆಶ್ಚರ್ಯಗೊಂಡು ಕೂಗಾಡಿದ್ದಾರೆ. ಆದ್ರೆ ಅಲ್ಲೇ ಇದ್ದ ವ್ಯಕ್ತಿಯೊಬ್ಬರು ಕೂಡಲೇ ಸಮುದ್ರಕ್ಕೆ ಹಾರಿ ಹುಡುಗಿಯನ್ನು ರಕ್ಷಿಸಿದ್ದಾರೆ. ಘಟನೆಯಲ್ಲಿ ಹುಡುಗಿ ಪಾರಾಗಿದ್ದು, ವ್ಯಕ್ತಿಯ ಕೈಗೆ ಗಾಯಗಳಾಗಿವೆ. ಆದ್ರೆ ನೀರಿನಿಂದ ರಕ್ಷಿಸಿದ ಕೂಡಲೇ ಬಾಲಕಿಯನ್ನು ಆಕೆಯ ಪೋಷಕರು ಕರೆದುಕೊಂಡು ಹೋಗಿದ್ದಾರೆ.
ಘಟನೆಯ ಸಂಪೂರ್ಣ ದೃಶ್ಯವನ್ನು ಮೈಕೆಲ್ ಫುಜಿವಾರಾ ಎಂಬವರು ಸೆರೆಹಿಡಿದಿದ್ದು, ಬಳಿಕ ಸಾಮಾಜಿಕ ಜಾಲತಾಣ ಯೂಟ್ಯೂಬ್ ಗೆ ಕಳೆದ ಶನಿವಾರ ಅಪ್ ಲೋಡ್ ಮಾಡಿದ್ದಾರೆ. ಅಪ್ ಲೋಡ್ ಮಾಡಿದ ದಿನನೇ ಸುಮಾರು ಒಂದೂವರೆ ಲಕ್ಷ ವ್ಯೂ ವಿಡಿಯೋವನ್ನು ನೋಡಿದ್ದು, ಇದೂವರೆಗೆ 67.49 ವ್ಯೂ ಕಂಡಿದೆ.
