– ಇರಾನ್ ವಿರುದ್ಧದ ದಾಳಿಗೆ 50,000 ಕ್ಕೂ ಹೆಚ್ಚು ಸೈನಿಕರು, 200ಕ್ಕೂ ಹೆಚ್ಚು ಯುದ್ಧವಿಮಾನಗಳ ಬಳಕೆ
ವಾಷಿಂಗ್ಟನ್: ಆಯತೊಲ್ಲಾ ಅಲಿ ಖಮೇನಿ ಹತ್ಯೆಗೆ ಪ್ರತೀಕಾರವಾಗಿ ಇರಾನ್ ನಡೆಸಿದ ಡೆಡ್ಲಿ ಡ್ರೋನ್ ದಾಳಿಯಲ್ಲಿ ಮೃತಪಟ್ಟ ಅಮೆರಿಕದ 6 ಸೈನಿಕರ (US Army Members) ಪೈಕಿ ನಾಲ್ವರನ್ನು ಪೆಂಟಗನ್ (Pentagon) ಗುರುತಿಸಿದೆ ಎಂದು ವರದಿಗಳು ತಿಳಿಸಿವೆ.
ಡ್ರೋನ್ ದಾಳಿಗೆ ಬಲಿಯಾದ ಯುಎಸ್ ಸೈನಿಕರು
* ಫ್ಲೋರಿಡಾದ ವಿಂಟರ್ ಹೆವನ್ನ ಕ್ಯಾಪ್ಟನ್ ಕೋಡಿ ಎ. ಖೋರ್ಕ್ (35 ವರ್ಷ)
* ನೆಬ್ರಸ್ಕಾದ ಬೆಲ್ಲೆವ್ಯೂನ ಸಾರ್ಜೆಂಟ್ ಕ್ಲಾಸ್-1 ನೋಹ್ ಎಲ್. ಟೈಟ್ಜೆನ್ಸ್ (42 ವರ್ಷ)
* ಮಿನ್ನೇಸೋಟದ ವೈಟ್ ಬೇರ್ ಲೇಕ್ನ ಸಾರ್ಜೆಂಟ್ ಕ್ಲಾಸ್-1 ನಿಕೋಲ್ ಎಂ. ಅಮೋರ್ (39 ವರ್ಷ)
* ಅಯೋವಾದ ವೆಸ್ಟ್ ಡೆಸ್ ಮೊಯಿನ್ಸ್ನ ಸಾರ್ಜೆಂಟ್ ಡೆಕ್ಲಾನ್ ಜೆ. ಕೋಡಿ (20 ವರ್ಷ)
ಈ ನಾಲ್ವರನ್ನು ಅಮೆರಿಕದ ಅಯೋವಾದಲ್ಲಿರುವ ಆರ್ಮಿ ರಿಸರ್ವ್ ಸಸ್ಟೈನ್ಮೆಂಟ್ ಘಟಕದ 103ನೇ ಸಸ್ಟೈನ್ಮೆಂಟ್ ಕಮಾಂಡ್ಗೆ ಕರ್ತವ್ಯಕ್ಕೆ ನಿಯೋಜಿಸಲಾಗಿತ್ತು. ಆದ್ರೆ ಭಾನುವಾರ ಇರಾನ್ ಪ್ರತೀಕಾರದ ದಾಳಿಯಲ್ಲಿ (Iranian Strike) ಸಾವನ್ನಪ್ಪಿದ್ದಾರೆ. ಇನ್ನುಳಿದ ಇಬ್ಬರು ಸೈನಿಕರ ಗುರುತು ಪತ್ತೆಹಚ್ಚುವ ಕೆಲಸವನ್ನು ಪೆಂಟಗನ್ ಮುಂದುವರಿಸಿದೆ.
50,000 ಸೈನಿಕರು, 200 ಜೆಟ್ಗಳಿಂದ ದಾಳಿ
ಅಲ್ಲದೇ ಇಸ್ರೇಲ್ ಜೊತೆಗೂಡಿರುವ ಅಮೆರಿಕ ಇರಾನ್ ವಿರುದ್ಧ ʻಆಪರೇಷನ್ ಎಪಿಕ್ ಫ್ಯೂರಿʼ ಕಾರ್ಯಾಚರಣೆಯನ್ನು ಮತ್ತಷ್ಟು ತೀವ್ರಗೊಳಿಸಿದೆ. ಈಗಾಗಲೇ 50,000 ಕ್ಕೂ ಹೆಚ್ಚು ಅಮೆರಿಕನ್ ಸೈನಿಕರು, 200 ಕ್ಕೂ ಹೆಚ್ಚು ಯುದ್ಧವಿಮಾನಗಳು, 2 ವಿಮಾನ ವಾಹಕ ಯುದ್ಧನೌಕೆಗಳು, ದೀರ್ಘಶ್ರೇಣಿಯ ಬಾಂಬರ್ಗಳು ಇರಾನ್ ವಿರುದ್ಧದ ಕಾರ್ಯಾಚರಣೆಯಲ್ಲಿ ಸಕ್ರಿಯವಾಗಿವೆ ಎಂದು ಅಮೆರಿಕ ಸೆಂಟ್ರಲ್ ಕಮಾಂಡ್ ಕಮಾಂಡರ್ ಅಡ್ಮಿರಲ್ ಬ್ರಾಡ್ ಕೂಪರ್ ತಿಳಿಸಿದ್ದಾರೆ.
