ಲಕ್ನೋ: ಉತ್ತರ ಪ್ರದೇಶದ ಸೀತಾಪುರ್ ನಲ್ಲಿ ನಡೆದ ರಸ್ತೆ ಅಪಘಾತವೊಂದರಲ್ಲಿ ಬಿಜ್ನೋರ್ ನೂರ್ಪುರ್ ಕ್ಷೇತ್ರದ ಬಿಜೆಪಿ ಶಾಸಕರೊಬ್ಬರು ಮೃತಪಟ್ಟ ಘಟನೆ ಬುಧವಾರ ನಡೆದಿದೆ.
ಕಾರು ಮತ್ತು ಟ್ರಕ್ ಮಧ್ಯೆ ಸಂಭವಿಸಿದ ಅಪಘಾತದಲ್ಲಿ ಶಾಸಕ ಲೋಕೇಂದ್ರ ಸಿಂಗ್(41) ಮೃತಪಟ್ಟಿದ್ದಾರೆ. ಅಲ್ಲದೇ ಘಟನೆಯಲ್ಲಿ ಶಾಸಕರ ಇಬ್ಬರು ಭದ್ರತಾ ಸಿಬ್ಬಂದಿಗಳು ಕೂಡ ದುರ್ಮರಣಕ್ಕೀಡಾಗಿದ್ದಾರೆ. ಘಟನೆಯಲ್ಲಿ ಟ್ರಕ್ ಚಾಲಕ ಸಹ ಮೃತಪಟ್ಟಿದ್ದಾರೆ ಎಂದು ವರದಿಯಾಗಿದೆ.
ಬಿಜ್ನೋರ್ ಜಿಲ್ಲೆಯ ಧಾಂಪುರ್ ನಿವಾಸಿಯಾಗಿರೋ ಶಾಸಕ ಸಿಂಗ್ ಅವರು 2012ನೇ ಇಸವಿಯಲ್ಲಿ ನೂರ್ಪುರ್ ಕ್ಷೇತ್ರದಿಂದ ಸ್ಪರ್ಧಿಸಿ ಮೊದಲ ಬಾರಿಗೆ ಆಯ್ಕೆಯಾಗಿದ್ದರು. ಆ ಬಳಿಕ ಮತ್ತೆ 2017ರಲ್ಲಿ ಚುನಾವಣೆಯಲ್ಲಿ ಗೆದ್ದಿದ್ದರು. ಪತ್ನಿ ಹಾಗೂ ಇಬ್ಬರು ಗಂಡು ಮಕ್ಕಳನ್ನು ಲೋಕೇಂದ್ರ ಸಿಂಗ್ ಅಗಲಿದ್ದಾರೆ.
ಶಾಸಕರ ಅಕಾಲಿಕ ಮರಣಕ್ಕೆ ಪ್ರಧಾನಿ ನರೇಂದ್ರ ಮೋದಿ ಸಂತಾಪ ಸೂಚಿಸಿದ್ದಾರೆ. ಸಿಂಗ್ ಅವರ ಸಮಾಜ ಸೇವೆ ಹಾಗೂ ಉತ್ತರಪ್ರದೇಶದಲ್ಲಿ ಬಿಜೆಪಿಯ ಬೆಳವಣಿಗೆಯಲ್ಲಿ ಅವರು ವಹಿಸಿದ್ದ ಪಾತ್ರವನ್ನ ಎಂದಿಗೂ ಸ್ಮರಿಸುತ್ತೇವೆ ಅಂತ ಮೋದಿ ಟ್ವೀಟ್ ಮಾಡಿದ್ದಾರೆ.
Anguished by the demise of BJP MLA from Noorpur, Shri Lokendra Singh Ji due to an accident. His service towards society and role in building the BJP in UP will always be remembered. My thoughts are with his family and supporters in this hour of grief.
— Narendra Modi (@narendramodi) February 21, 2018
Lokendra Singh, BJP MLA from Bijnor's Noorpur, lost his life in a road accident in Sitapur pic.twitter.com/CoccxmfWYv
— ANI UP/Uttarakhand (@ANINewsUP) February 21, 2018
#SpotVisuals Lokendra Singh, BJP MLA from Bijnor's Noorpur, died in a collision between his vehicle & a truck in Sitapur; two of his gunners & driver of the truck also died in the accident pic.twitter.com/OdGXJu1FSJ
— ANI UP/Uttarakhand (@ANINewsUP) February 21, 2018
