ಭೋಪಾಲ್: ಟ್ಯೂಶನ್ ಶಿಕ್ಷಕಿಯೊಬ್ಬಳು ಅಪ್ರಾಪ್ತೆಯರ ಗುಪ್ತಾಂಗಕ್ಕೆ ಪೆನ್ಸಿಲ್ ಹಾಕಿ ಅದನ್ನು ವಿಡಿಯೋ ಮಾಡಿ ತನ್ನ ಪ್ರಿಯಕರನಿಗೆ ಕಳುಹಿಸಿದ ಅಮಾನವೀಯ ಘಟನೆ ಮಧ್ಯಪ್ರದೇಶದ ಮಹೌನಲ್ಲಿ ನಡೆದಿದೆ.
19 ವರ್ಷದ ಟ್ಯೂಶನ್ ಶಿಕ್ಷಕಿ ಮನೆಗೆ ಬರುತ್ತಿದ್ದ 3 ಹಾಗೂ 6 ವರ್ಷದ ಬಾಲಕಿಯರ ಬಟ್ಟೆ ಬಿಚ್ಚಿ ಅವರ ಗುಪ್ತಾಂಗಕ್ಕೆ ಪೆನ್ಸಿಲ್ ಹಾಕುತ್ತಿದ್ದಳು. ಅಲ್ಲದೆ ಅದನ್ನು ವಿಡಿಯೋ ಮಾಡಿ ತನ್ನ ಪ್ರಿಯಕರನಿಗೆ ಕಳುಹಿಸುತ್ತಿದ್ದಳು. ಟ್ಯೂಶನ್ ಮುಗಿಸಿಕೊಂಡು ಅಪ್ರಾಪ್ತೆಯರು ಮನೆಗೆ ಹೋದಾಗ ಆರು ವರ್ಷದ ಬಾಲಕಿಯ ಖಾಸಗಿ ಅಂಗದಲ್ಲಿ ನೋವಾಗುತ್ತಿದೆ ಎಂದು ತನ್ನ ತಾಯಿಯ ಬಳಿ ಹೇಳಿದ್ದಾಳೆ. ತಕ್ಷಣ ತಾಯಿ ತನ್ನ ಹಿರಿಯ ಮಗಳನ್ನು ಕರೆದು ಕೇಳಿದಾಗ ಈ ಪ್ರಕರಣ ಬೆಳಕಿಗೆ ಬಂದಿದೆ.
ಮಕ್ಕಳ ಮಾತು ಕೇಳಿದ ತಕ್ಷಣ ತಾಯಿ ಪೊಲೀಸ್ ಠಾಣೆಗೆ ಹೋಗಿ ಶಿಕ್ಷಕಿ ವಿರುದ್ಧ ದೂರು ದಾಖಲಿಸಿದ್ದಾರೆ. ಪೊಲೀಸರು ಅಪ್ರಾಪ್ತೆಯರನ್ನು ಕರೆದು ಘಟನೆಯ ವಿವರ ಕೇಳಿದ್ದಾರೆ. ಈ ವೇಳೆ ಅಪ್ರಾಪ್ತೆಯರು ಶಿಕ್ಷಕಿ ನಮ್ಮ ಬಟ್ಟೆ ಬಿಚ್ಚಿ ಗುಪ್ತಾಂಗಕ್ಕೆ ಪೆನ್ಸಿಲ್ ಹಾಕುತ್ತಿದ್ದಳು. ನಾವು ನೋವಿನಿಂದ ಜೋರಾಗಿ ಕಿರುಚಿಕೊಳ್ಳುತ್ತಿದ್ದಾಗ ನಮಗೆ ಬಟ್ಟೆ ಹಾಕಿ ಓದಿಸುವುದನ್ನು ಮುಂದುವರಿಸುತ್ತಿದ್ದಳು ಎಂದು ವಿವರಿಸಿದ್ದಾರೆ.
ಮಕ್ಕಳು ಘಟನೆಯನ್ನು ವಿವರಿಸುತ್ತಿದ್ದಂತೆಯೇ ಪೋಷಕರು ಆಕೆಯ ಮನೆಗೆ ನುಗ್ಗಿ ಹಲ್ಲೆ ಮಾಡಿದ್ದಾರೆ. ಬಳಿಕ ಆಕೆಯನ್ನು ಪೊಲೀಸರಿಗೆ ಒಪ್ಪಿಸಿದ್ದಾರೆ. ಸದ್ಯ ಪೊಲೀಸರು ಶಿಕ್ಷಕಿ ವಿರುದ್ಧ ಐಪಿಸಿ ಸೆಕ್ಷನ್ ಹಾಗೂ ಪೋಸ್ಕೋ ಕಾಯ್ದೆಯಡಿಯಲ್ಲಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ. ಶಿಕ್ಷಕಿಯನ್ನು ವಿಚಾರಣೆ ನಡೆಸಿದಾಗ ಆಕೆ ಅಪ್ರಾಪ್ತೆಯರ ವಿಡಿಯೋವನ್ನು ತನ್ನ ಪ್ರಿಯಕರನಿಗೆ ಕಳುಹಿಸಿದ್ದೇನೆ ಎಂದು ಹೇಳಿದ್ದಾಳೆ. ಬಳಿಕ ಪೊಲೀಸರು ಆಕೆಯ ಪ್ರಿಯಕರನನ್ನು ಸಹ ಬಂಧಿಸಿದ್ದಾರೆ.
