ಟಾಲಿವುಡ್ ನಟ ನಾನಿ (Nani) ಸಿಗರೇಟ್ ಹಿಡಿದು ರಗಡ್ ಆಗಿ ಎಂಟ್ರಿ ಕೊಟ್ಟಿದ್ದಾರೆ. ನಾನಿ ನಟನೆಯ 33ನೇ ಚಿತ್ರವನ್ನು ಇಂದು (ಮಾ.30) ಘೋಷಣೆ ಮಾಡಿದ್ದಾರೆ. ‘ದಸರಾ’ (Dasara) ಸಿನಿಮಾ ರಿಲೀಸ್ ಆದ ದಿನದಂದೇ ಹೊಸ ಚಿತ್ರದ ಬಗ್ಗೆ ನಾನಿ ಮಾಹಿತಿ ನೀಡಿದ್ದಾರೆ.
‘ದಸರಾ’ ಸಿನಿಮಾದ ನಿರ್ದೇಶಕ ಶ್ರೀಕಾಂತ್ ಒಡೆಲಾ ಜೊತೆ ನಾನಿ ಕೈಜೋಡಿಸಿದ್ದಾರೆ. ಸಿಗರೇಟ್ ಹಿಡಿದು ಹೊಸ ಗೆಟಪ್‌ನಲ್ಲಿ ಬಂದಿದ್ದಾರೆ. ದಸರಾ ನಂತರ ಮತ್ತೆ ಹೊಸ ರೀತಿಯ ಶೇಡ್‌ನಲ್ಲಿ ಬರುವ ಬಗ್ಗೆ ನಾನಿ ಪೋಸ್ಟರ್‌ನಲ್ಲಿ ಸುಳಿವು ನೀಡಿದ್ದಾರೆ. ಇದನ್ನೂ ಓದಿ:‘ಪಂಚೇಂದ್ರಿಯಂ’ ಟೀಸರ್ ರಿಲೀಸ್ ಮಾಡಿದ ನಾಗೇಂದ್ರ ಪ್ರಸಾದ್
View this post on Instagram
ಇಂದಿಗೆ ‘ದಸರಾ’ ಸಿನಿಮಾ ತೆರೆಕಂಡು ಒಂದು ವರ್ಷವಾಗಿದೆ. ಮತ್ತೆ ಶ್ರೀಕಾಂತ್ ಒಡೆಲಾ (Srikanth Odela) ಜೊತೆಗಿನ ಕ್ರೇಜಿ ಕಾಂಬಿನೇಷನ್‌ನಲ್ಲಿ ಸಿನಿಮಾ ಬರೋದಾಗಿ ನಾನಿ ಸಾಮಾಜಿಕ ಜಾಲತಾಣದಲ್ಲಿ ಮಾಹಿತಿ ನೀಡಿದ್ದಾರೆ.
ಕಳೆದ ವರ್ಷ ಮಾ.30ಕ್ಕೆ ರಿಲೀಸ್ ಆಗಿರುವ ‘ದಸರಾ’ (Dasara) ಸಿನಿಮಾದಲ್ಲಿ ನಾನಿ ನಟಿಸಿದ್ದರು. ಈ ಸಿನಿಮಾ ಪ್ರೇಕ್ಷಕರ ಗಮನ ಸೆಳೆದಿತ್ತು. ನಾನಿ ಜೊತೆ ಕೀರ್ತಿ ಸುರೇಶ್, ಕನ್ನಡದ ನಟ ದೀಕ್ಷಿತ್ ಶೆಟ್ಟಿ (Dheekshith Shetty) ನಟಿಸಿ ಗೆದ್ದಿದ್ದರು. ಈಗ ಈ ಚಿತ್ರದ ನಿರ್ದೇಶಕನ ಜೊತೆ ಹೊಸ ಪ್ರಾಜೆಕ್ಟ್ ಮಾಡಲು ನಾನಿ ಮುಂದಾಗಿದ್ದಾರೆ. ಸದ್ಯ ನಾನಿ ಸಿನಿಮಾದ ಹೊಸ ಅಪ್‌ಡೇಟ್ ಕೇಳಿ ಫ್ಯಾನ್ಸ್ ಥ್ರಿಲ್ ಆಗಿದ್ದಾರೆ.
