ಹೈದರಾಬಾದ್: ಟಾಲಿವುಡ್ ಸೇರಿದಂತೆ ಸಿನಿ ರಂಗದಲ್ಲಿ ತಮ್ಮ ಬ್ಯೂಟಿ ಹಾಗೂ ನಟನೆ ಮೂಲಕ ನಟಿ ತಮನ್ನಾ ಭಾಟಿಯಾ ಸಾಕಷ್ಟು ಅಭಿಮಾನಿಗಳನ್ನು ಗಳಿಸಿದ್ದಾರೆ. ಆದರೆ ಹಲವು ದಿನಗಳಿಂದ ಕೇಳಿ ಬರುತ್ತಿದ್ದ ಟೀಂ ಇಂಡಿಯಾ ನಾಯಕ ಕೊಹ್ಲಿ ಅವರೊಂದಿಗಿನ ಡೇಟಿಂಗ್ ರೂಮರ್ ಕುರಿತು ಸದ್ಯ ತಮನ್ನಾ ಸ್ಪಷ್ಟನೆ ಕೊಟ್ಟಿದ್ದಾರೆ.
ಮಾಧ್ಯಮ ಸಂದರ್ಶನವೊಂದರಲ್ಲಿ ಈ ಕುರಿತು ಉತ್ತರಿಸಿರುವ ತಮನ್ನಾ, ಕೊಹ್ಲಿ ಅವರೊಂದಿಗೆ ಜಾಹೀರಾತು ಶೂಟಿಂಗ್‍ನಲ್ಲಿ ನಟಿಸಿದ್ದೇನೆ. ಅವರು ಉತ್ತಮ ನಟ. ಆದರೆ ನಮ್ಮಿಬ್ಬರ ನಡುವೆ ಯಾವುದೇ ರೀತಿಯ ಸಂಬಂಧ ಇಲ್ಲ. ಇಬ್ಬರು ಶೂಟಿಂಗ್ ವೇಳೆ ಸರಿಯಾಗಿ ಮಾತನಾಡಿದ್ದು ಕೂಡ ಇಲ್ಲ. ಶೂಟಿಂಗ್ ಆದ ಬಳಿಕ ಕೊಹ್ಲಿರನ್ನು ಭೇಟಿ ಕೂಡ ಮಾಡಿಲ್ಲ ಎಂದಾದರೆ ಇನ್ನು ಡೇಟಿಂಗ್ ಮಾತು ಎಲ್ಲಿಂದಾ ಬಂತು ಎಂದು ತಿಳಿಸಿದ್ದಾರೆ.
ಹಲವು ವರ್ಷಗಳ ಹಿಂದೆಯೇ ಕೊಹ್ಲಿ ಹಾಗೂ ತಮನ್ನಾ ಜಾಹೀರಾತು ಒಂದರಲ್ಲಿ ಒಟ್ಟಿಗೆ ಕಾಣಿಸಿಕೊಂಡಿದ್ದರು. ಆ ವೇಳೆ ಇಬ್ಬರ ಡೇಟಿಂಗ್ ಬಗ್ಗೆ ಸಾಕಷ್ಟು ರೂಮರ್ಸ್ ಕೇಳಿ ಬಂದಿತ್ತು. ಆದರೆ ಈ ಸಂಬಂಧ ಎಲ್ಲೂ ಹೇಳಿಕೆ ನೀಡಿದ ತಮನ್ನಾ ಬಹುದಿನಗಳ ಬಳಿಕ ಮಾತನಾಡಿದ್ದಾರೆ.
ತಮನ್ನಾ ನಟನೆ ಎಫ್2 ಸಿನಿಮಾ ಇತ್ತೀಚೆಗೆ ಬಿಡುಗಡೆಯಾಗಿ ಟಾಲಿವುಡ್‍ನಲ್ಲಿ ಯಶಸ್ಸುಗಳಿಸಿತ್ತು. ಸದ್ಯ ತಮನ್ನಾ ಮೆಗಾಸ್ಟಾರ್ ಚಿರಂಜೀವಿ ಅವರ ಬಹುನಿರೀಕ್ಷಿತ ಸಿನಿಮಾ ‘ಸೈರಾ ನರಸಿಂಹರೆಡ್ಡಿ’ ಹಾಗೂ ‘ದಟ್ ಈಸ್ ಮಹಾಲಕ್ಷ್ಮಿ’ ಚಿತ್ರಗಳಲ್ಲಿ ನಟಿಸುತ್ತಿದ್ದಾರೆ.
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv
