ಬೆಂಗಳೂರು: ‘ಬಿಗ್ ಬಾಸ್ ಕನ್ನಡ 6’ನೇ ಆವೃತ್ತಿಗಾಗಿ ನಟ ಸುದೀಪ್ ಅವರ ಪ್ರೋಮೋ ಶೂಟ್ ಸದ್ದಿಲ್ಲದೆ ನಡೆದಿದೆ.
ಬಿಗ್ ಬಾಸ್ ರಿಯಾಲಿಟಿ ಶೋ ಈಗಾಗಲೇ ಸಾಕಷ್ಟು ಜನಪ್ರಿಯತೆ ಕಂಡುಕೊಂಡಿದೆ. ಅದರಲ್ಲೂ ಕಳೆದ ಸೀಸನ್ ನಲ್ಲಿ ಜನ ಸಾಮಾನ್ಯರಿಗೂ ಅವಕಾಶ ಕೊಟ್ಟಿದ್ದರಿಂದ ಸಾಕಷ್ಟು ಮಂದಿ 6 ಸೀಸನ್ ಗಾಗಿ ಕಾತುರದಿಂದ ಕಾಯುತ್ತಿದ್ದಾರೆ. ಈಗಾಗಲೇ ಸ್ಪರ್ಧಿಗಳ ಆಯ್ಕೆಯ ಪ್ರಕ್ರಿಯೆ ಆರಂಭವಾಗಿದೆ.
ಬಿಗ್ ಬಾಸ್ ಮನೆಯೊಳಗೆ ಹೋಗಲು ಇಚ್ಚಿಸುವವರು ವೂಟ್ ಮೂಲಕ ಅರ್ಜಿ ಸಲ್ಲಿಸಿದ್ದಾರೆ. ಅರ್ಜಿ ಸಲ್ಲಿಸಿರುವ ಅಭ್ಯರ್ಥಿಗಳ ಆಡಿಷನ್ ಕಾರ್ಯ ನಡೆಯುತ್ತಿದೆ. ಈ ವೇಳೆ ಸುದೀಪ್ ಅವರ `ಬಿಗ್ ಬಾಸ್ ಕನ್ನಡ-6′ ನ ಪ್ರೋಮೋ ಶೂಟ್ ಮಾಡಿ ಮುಗಿಸಿದ್ದಾರೆ.
ಈ ಶೂಟಿಂಗ್ ಭಾನುವಾರ ನಡೆದಿದ್ದು, ಪ್ರೋಮೋ ಶೂಟ್ ಆಗಿ ವಿಶೇಷವಾಗಿ ಸೆಟ್ ನಿರ್ಮಾಣ ಮಾಡಲಾಗಿದೆ. ಅಲ್ಲಿ ಸೋಫಾ ಮೇಲೆ ಜೀನ್ಸ್ ಪ್ಯಾಂಟ್, ಟೀ ಶರ್ಟ್ ಮತ್ತು ಜಾಕೆಟ್ ಧರಿಸಿ ಸುದೀಪ್ ಕುಳಿತುಕೊಂಡು ಫೋನ್ ಮತ್ತು ವೂಟ್ ಆ್ಯಪ್ ಬಗ್ಗೆ ಮಾತನಾಡಿದ್ದಾರೆ. ಪ್ರೋಮೋ ಶೂಟ್ ನಲ್ಲಿ ಸುದೀಪ್ ಸ್ಟೈಲಿಶ್ ಲುಕ್ ನಲ್ಲಿ ಕಾಣಿಸಿಕೊಂಡಿದ್ದಾರೆ.
ಮೆಸೇಜ್ ಗೆ, ಸೋಷಿಯಲ್ ಮೀಡಿಯಾಗೆ, ಫೋಟೋ ತೆಗೆಯೋಕೆ ಮತ್ತು ಬ್ಯಾಂಕಿಂಗ್ ವ್ಯವಸ್ಥೆಗೂ ಫೋನ್, ಹೀಗೆ ಇಡೀ ಲೈಫ್ ಫೋನಿನಲ್ಲಿ ಇರಬೇಕಾದರೆ, ಬಿಗ್ ಬಾಸ್ ಫೋನ್ ನಲ್ಲಿ ಇಲ್ಲ ಅಂದ್ರೆ…. ಈಗಲೇ ವೂಟ್ ಡೌನ್ ಲೋಡ್ ಮಾಡಿಕೊಳ್ಳಿ, ಬಿಗ್ ಬಾಸ್ ನೋಡಿ….ವೂಟ್ ನಲ್ಲಿ ನೋಡಿಲ್ಲ ಅಂದ್ರೆ ನೀವು ಬಿಗ್ ಬಾಸೇ ನೋಡಿಲ್ಲ ಎಂಬ ಡೈಲಾಗನ್ನು ಸುದೀಪ್ ಹೇಳಿದ್ದಾರೆ.
`ಬಿಗ್ ಬಾಸ್ ಕನ್ನಡ-6′ ಸೆಪ್ಟೆಂಬರ್ ಅಂತ್ಯದಲ್ಲಿ ಪ್ರಾರಂಭವಾಗುವ ಸಾಧ್ಯತೆಗಳಿವೆ. ಸದ್ಯಕ್ಕೆ ಬಿಡದಿ ಬಳಿಯ ಇನ್ನೋವೇಟಿವ್ ಫಿಲ್ಮ ಸಿಟಿಯಲ್ಲಿ ಬಿಗ್ ಬಾಸ್ ಗಾಗಿ ಬೃಹತ್ ಮನೆ ನಿರ್ಮಾಣ ವಾಗುತ್ತಿದೆ.
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv
