ಬೆಂಗಳೂರು: ನಗರದಲ್ಲಿ ಬೀದಿನಾಯಿಗಳ ಹಾವಳಿಗೆ ಕಡಿವಾಣ ಹಾಕಲು ಬಿಬಿಎಂಪಿ ಕೋಟಿ ಲೆಕ್ಕದಲ್ಲಿ ದುಡ್ಡು ಖರ್ಚು ಮಾಡಿದ್ದೇ ಬಂತು. ಬೆಂಗಳೂರಿನ ಏರಿಯಾಗಳಲ್ಲದೇ ಈಗ ಬಿಬಿಎಂಪಿ ಕಚೇರಿಯ ಆವರಣದೊಳಗೆ ಈಗ ಬೀದಿನಾಯಿಗಳ ಕಾಟ ಶುರುವಾಗಿದೆ.
ಬಿಬಿಎಂಪಿ ಕಚೇರಿಯಲ್ಲೇ ಬೀದಿನಾಯಿಗಳ ಹಾವಳಿ, ಇನ್ನು ಇವರು ನಗರದ ಬೀದಿನಾಯಿಗಳ ಕಾಟಕ್ಕೆ ಮುಕ್ತಿ ಹಾಡ್ತಾರಾ ಎಂದು ಜನರು ವ್ಯಂಗ್ಯವಾಡುತ್ತಿದ್ದಾರೆ. ಕಳೆದ ಹತ್ತು ವರ್ಷಗಳಿಂದ ಬಿಬಿಎಂಪಿ ಆರೋಗ್ಯ ವಿಭಾಗದಿಂದ ನಾಯಿಗಳ ಸಂತಾನಹರಣ ಶಸ್ತ್ರಚಿಕಿತ್ಸೆ ಮಾಡುತ್ತಿದೆ. ಆದರೆ ನಾಯಿಗಳ ಸಂಖ್ಯೆ ಕಡಿಮೆಯಾಗಿಲ್ಲ.
ಬೀದಿ ನಾಯಿಗಳ ಅಪರೇಷನ್ ಮಾಡಲಾಗಿದೆ ಎಂದು ಕೋಟ್ಯಾಂತರ ರೂಪಾಯಿ ವೆಚ್ಚ ಮಾಡಿದ್ದಾರೆ. ಆದರು ಬೀದಿ ನಾಯಿಗಳ ಹಾವಳಿ ತಪ್ಪಿಲ್ಲ. ಬೀದಿ ನಾಯಿಗಳ ಹೆಸರಲ್ಲಿ ದುಡ್ಡು ಅದ್ಯಾರ ಜೇಬು ಸೇರಿದ್ಯೋ ಎಂದು ಜನರು ಮಾತನಾಡಿಕೊಳ್ಳಲು ಶುರು ಮಾಡಿದ್ದಾರೆ.
