ಬಾಲಿವುಡ್ ಸ್ಟಾರ್ ಸೋನು ಸೂದ್ ಒಂದಲ್ಲಾ ಒಂದು ವಿಚಾರಕ್ಕೆ ಸುದ್ದಿಯಾಗುತ್ತಲ್ಲೇ ಇರುತ್ತಾರೆ. ಅದರಲ್ಲೂ ಸಿನಿಮಾಗಿಂತ ಹೆಚ್ಚಾಗಿ ಸಮಾಜಮುಖಿ ಕಾರ್ಯಗಳಿಂದ ಹೆಚ್ಚೆಚ್ಚು ಗುರುತಿಸಿಕೊಂಡಿದ್ದಾರೆ. ಈಗ ಬಡ ಅಂಗವಿಕಲ ವಿದ್ಯಾರ್ಥಿಯ ಸಹಾಯಕ್ಕೆ ಸೋನು ಸೂದ್ ನಿಂತಿದ್ದಾರೆ.
ಬಹುಭಾಷಾ ಸಿನಿಮಾಗಳಲ್ಲಿ ಆಕ್ಟೀವ್ ಆಗಿರುವ ನಟ ಸೋನು ಸೂದ್ ನಟನಾಗಿ, ಪೋಷಕ ಪಾತ್ರ ಮತ್ತು ಖಳನಾಯಕನಾಗಿ ಗುರುತಿಸಿಕೊಂಡಿದ್ದಾರೆ. ಸಿನಿಮಾಗಿಂತ ಸಾಮಾಜಿಕ ಕಾರ್ಯಗಳ ಮೂಲಕ ಸಾಕಷ್ಟು ಅಭಿಮಾನಿಗಳ ಮನಗೆದ್ದಿದ್ದಾರೆ. ಜೊತೆಗೆ ಕೋವಿಡ್ ವೇಳೆಯಲ್ಲಿ ಸಂಕಷ್ಟದಲ್ಲಿರು ಅದೆಷ್ಟೊ ಜನರ ಕಷ್ಟಕ್ಕೆ ಸೋನು ಸಾಥ್ ನೀಡಿದ್ದಾರೆ. ಈಗ ಅಂಗವಿಕಲ ವಿದ್ಯಾರ್ಥಿಯ ಸಹಾಯಕ್ಕೆ ಧಾವಿಸಿದ್ದಾರೆ. ಇದನ್ನೂ ಓದಿ: ಹತ್ತು ವರ್ಷಗಳ ನಂತರ ತೆಲುಗಿಗೆ ಡಬ್ ಆಯಿತು ಯಶ್ ನಟನೆಯ ಲಕ್ಕಿ ಸಿನಿಮಾ
ಇದೀಗ ಬಿಹಾರದ ಜಮುಯಿ ಜಿಲ್ಲೆಯವಳಾದ 10 ವರ್ಷದ ಸೀಮಾ ಎಂಬ ಅಂಗವಿಕಲ ಹುಡುಗಿಯ ಸಹಾಯಹಸ್ತ ನೀಡಿದ್ದಾರೆ. 2 ವರ್ಷಗಳ ಹಿಂದೆ ಅಪಘಾತವೊಂದರಲ್ಲಿ ಕಾಲನ್ನು ಕತ್ತರಿಸಬೇಕಾಯಿತು. ಆದರೂ ಹೆದರದೆ ಕುಗ್ಗದೇ ತನ್ನ ಓದಿನತ್ತ ಆಸಕ್ತಿ ತೋರಿದ್ದಾಳೆ. ಇನ್ನು ಆ ಹುಮ್ಮಸ್ಸಿನಿಂದಲೇ ತನ್ನ ಮನೆಯಿಂದ 1 ಕಿಲೋ ಮೀಟರ್ ದೂರವಿರುವ ಶಾಲೆಗೆ ಪ್ರತಿದಿನ ಕುಂಟುತ್ತಲೇ ಒಂದೇ ಕಾಲಿನಲ್ಲಿ ಹೋಗ್ತಿದ್ದಾಳೆ. ಈ ವಿಚಾರ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲ್ ಆಗುತ್ತಿದೆ. ಈ ವಿಚಾರ ತಿಳಿದ ನಟ ಸೋನು ಸೂದ್ ಕೂಡ ಆಕೆಯ ಶಿಕ್ಷಣ ಹೊಣೆ ಹೊತ್ತಲು ಮುಂದಾಗಿದ್ದಾರೆ. ಇನ್ನು ಸೋನು ಸೂದ್ ಕಾರ್ಯದ ಜತೆ ಪುಟ್ಟ ಹುಡುಗಿಯ ದಿಟ್ಟ ನಿಲುವಿಗೆ ನೆಟ್ಟಿಗರು ಭೇಷ್ ಎಂದಿದ್ದಾರೆ.
