ಮುಂಬೈ: ಅನುಷ್ಕಾ ಶರ್ಮಾ ಬಳಿಕ ನಟಿ ಸೋನಂ ಕಪೂರ್ ಮದುವೆ ತಯಾರಿಯಲ್ಲಿದ್ದಾರೆ. ಜೂನ್‍ನಲ್ಲಿ ಸೋನಂ ಎರಡು ಬಾರಿ ಮದುವೆ ಆಗಲಿದ್ದಾರೆ ಎಂಬ ಸುದ್ದಿಯೊಂದು ಬಾಲಿವುಡ್ ಅಂಗಳಲ್ಲಿ ಸುತ್ತುತ್ತಿದೆ. ಬಹು ದಿನಗಳ ಗೆಳಯ ಆನಂದ್ ಅಹುಜಾರೊಂದಿಗೆ ಸೋನಂ ಸಪ್ತಪದಿ ತುಳಿಯಲಿದ್ದಾರೆ ಎನ್ನಲಾಗ್ತಿದೆ.
ಅನಿಲ್ ಕಪೂರ್ ಪುತ್ರಿ ಸೋನಂ ಕಪೂರ್ `ವೀರೆ ದಿ ವೆಡ್ಡಿಂಗ್’ ಸಿನಿಮಾದಲ್ಲಿ ನಟಿಸಿದ್ದಾರೆ. ತಾಯಿಯಾದ ಬಳಿಕ ಕರೀನಾ ಕಪೂರ್ ಕಮ್ ಬ್ಯಾಕ್ ಮಾಡುತ್ತಿರುವ ಚಿತ್ರ `ವೀರೆ ದಿ ವೆಡ್ಡಿಂಗ್’. ಹಾಗಾಗಿ ಸಿನಿಮಾ ಬಾಲಿವುಡ್‍ನಲ್ಲಿ ಸಾಕಷ್ಟು ನಿರೀಕ್ಷೆಗಳನ್ನು ಹುಟ್ಟು ಹಾಕಿದೆ. ಚಿತ್ರದಲ್ಲಿ ಹುಡುಗಿಯರ ಗ್ಯಾಂಗ್‍ವೊಂದು ಕಾಣಿಸಿಕೊಳ್ಳುತ್ತಿದ್ದು, ಇದೇ ಟೀಂನಲ್ಲಿ ಸೋನಂ ಕಪೂರ್ ಕೂಡ ಒಬ್ಬ ಮೆಂಬರ್ ಆಗಿದ್ದಾರೆ. ವೀರೆ ದಿ ವೆಡ್ಡಿಂಗ್ ನಲ್ಲಿ ಸೋನಂ ಕಪೂರ್ ಮಧುಮಗಳಾಗಿ ಕಾಣಿಸಲಿದ್ದಾರೆ.
ವೀರೆ ದಿ ವೆಡ್ಡಿಂಗ್ ಸಿನಿಮಾ ಜೂನ್ ತಿಂಗಳಲ್ಲಿ ರಿಲೀಸ್ ಆಗಲಿದೆ. ಸೋನಂ ತಮ್ಮ ರಿಯಲ್ ಮತ್ತು ರೀಲ್ ಲೈಫ್ ನಲ್ಲಿ ಮಧು ಮಗಳಾಗಿ ಮಿಂಚಲಿದ್ದಾರೆ. ವೀರೆ ದಿ ವೆಡ್ಡಿಂಗ್ ನಲ್ಲಿ ಕರೀನಾ ಕಪೂರ್, ಸೋನಂ ಕಪೂರ್ ಮತ್ತು ಸ್ವರಾ ಭಾಸ್ಕರ್ ಲೀಡ್ ರೋಲ್ ಗಳಲ್ಲಿ ಕಾಣಿಸಲಿದ್ದಾರೆ. ಚಿತ್ರ ಶಶಾಂಕ್ ಘೋಷ್ ನಿರ್ದೇಶನಲ್ಲಿ ಮೂಡಿ ಬಂದಿದ್ದು, ಏಕ್ತಾ ಕಪೂರ್, ಶೋಭಾ ಕಪೂರ್, ರಿಹಾ ಕಪೂರ್ ಮತ್ತು ನಿಖಿಲ್ ದ್ವಿವೇದಿ ಜಂಟಿಯಾಗಿ ಬಂಡವಾಳ ಹೂಡಿದ್ದಾರೆ.
