ಚಂಡೀಗಢ: ಭಾರತ್ ಮಾತಾ ಕೀ ಜೈ ಎನ್ನದವರು ಪಾಕಿಸ್ತಾನಿಗಳು ಎಂದಿದ್ದ ಟಿಕ್ ಟಾಕ್ ಸ್ಟಾರ್, ಮುಂಬರುವ ವಿಧಾನ ಸಭಾ ಚುನಾವಣೆಯ ಬಿಜೆಪಿ ಆಭ್ಯರ್ಥಿ ಸೋನಾಲಿ ಪೋಗಟ್ ಕ್ಷಮೆ ಕೇಳಿದ್ದಾರೆ.
ಮಂಗಳವಾರ ಆದಂಪುರದಲ್ಲಿ ನಡೆದ ಸಮಾವೇಶದಲ್ಲಿ ಮಾತನಾಡಿದ್ದ ಸೋನಾಲಿ ಪೋಗಟ್, ಭಾರತ್ ಮಾತಾ ಕೀ ಜೈ ಎನ್ನದವರು ಪಾಕಿಸ್ತಾನಿಗಳು ಎಂದು ವಿವಾದಾತ್ಮಕ ಹೇಳಿಕೆಯೊದನ್ನು ನೀಡಿದ್ದರು. ಈಗ ವಿಚಾರವಾಗಿ ಕ್ಷಮೆಯಾಚಿಸಿರುವ ಪೋಗಟ್ ನನ್ನ ಮಾತಿನಿಂದ ಯಾರಿಗಾದರೂ ನೋವಾಗಿದ್ದರೆ ಕ್ಷಮಿಸಿ ಎಂದು ಹೇಳಿದ್ದಾರೆ.
ಈ ವಿಚಾರವಾಗಿ ಇಂದು ವಿಡಿಯೋ ಮಾಡಿ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿರುವ ಸೋನಾಲಿ ಪೋಗಟ್, ನಾನು ಸಮಾವೇಶದಲ್ಲಿ ಮಾತನಾಡುತ್ತಿದ್ದ ಸಮಯದಲ್ಲಿ ಭಾರತ್ ಮಾತಾ ಕೀ ಜೈ ಎಂದು ಹೇಳಿದೆ. ಆದರೆ ಕೆಲ ಯುವಕರ ಅದನ್ನು ಮತ್ತೆ ಜೋರಾಗಿ ಹೇಳಲಿಲ್ಲ. ಅದ್ದರಿಂದ ನನಗೆ ಕೋಪ ಬಂದು ನೀವು ಪಾಕಿಸ್ತಾನದವರೇ ಎಂದು ಕೇಳಿದೆ. ಈ ಹೇಳಿಕೆ ಈಗ ಈ ರೀತಿ ತಿರುವು ಪಡೆದುಕೊಂಡಿದೆ ಎಂದು ತಿಳಿಸಿದರು.
ನಾನು ಈ ಮಾತನ್ನು ಯಾವುದೇ ಕೆಟ್ಟ ಉದ್ದೇಶದಿಂದ ಹೇಳಲಿಲ್ಲ. ರಾಷ್ಟ್ರಕ್ಕೆ ಗೌರವ ಸೂಚಿಸುವ ಕೆಲ ಘೋಷಣೆಗಳನ್ನು ಕೂಗಿ ಯುವಕರಲ್ಲಿ ದೇಶಾಭಿಮಾನವನ್ನು ಹುಟ್ಟುಹಾಕಬೇಕು ಎಂಬ ಉದ್ದೇಶದಿಂದ ಹೇಳಿದೆ. ನನ್ನ ಈ ಹೇಳಿಕೆಯಿಂದ ಬೇರೆಯವರ ಭಾವನೆಗಳಿಗೆ ನೋವಾಗಿದ್ದರೆ ನಾನು ಕ್ಷಮೆಯಾಚಿಸುತ್ತೇನೆ ಎಂದು ಸೋನಾಲಿ ಪೋಗಟ್ ವಿಡಿಯೋದಲ್ಲಿ ಹೇಳಿದ್ದಾರೆ.
एक शब्द की माफी
ढाई किलो का ज्ञान
पाकिस्तानी बता कर
अब बनी मैडम महान!!#SonaliPhogat #TikTok pic.twitter.com/NqujclzK4N
— कुमार कुणाल (@KumarKunalmedia) October 9, 2019
ಸೋನಾಲಿ ಪೋಗಟ್ ಹೇಳಿದ್ದೇನು?
ಮಂಗಳವಾರ ನಡೆದ ಸಮಾವೇಶದಲ್ಲಿ ಎಲ್ಲರೂ ಭಾರತ್ ಮಾತಾ ಕೀ ಜೈ ಎಂದು ಕೂಗಿ ಎಂದು ಸಮಾವೇಶದಲ್ಲಿ ಸೇರಿದ್ದ ಜನರನ್ನು ಸೋನಾಲಿ ಪೋಗಟ್ ಉತ್ತೇಜಿಸಿದರು. ಆದರೆ ವೇದಿಕೆಯ ಎಡಭಾಗದಲ್ಲಿದ್ದ ಕೆಲವರು ಜೋರಾಗಿ ಘೋಷಣೆ ಕೂಗಲಿಲ್ಲ. ಇದರಿಂದ ಕೋಪಗೊಂಡ ಸೋನಾಲಿ, ನೀವು ಪಾಕಿಸ್ತಾನದಿಂದ ಬಂದಿದ್ದೀರಾ? ಅಥವಾ ಪಾಕಿಸ್ತಾನದವರಾ? ನೀವು ಹಿಂದೂಸ್ತಾನ್ ನಿವಾಸಿಗಳಾಗಿದ್ದರೆ ಭಾರತ್ ಮಾತಾ ಕೀ ಜೈ ಅಂತ ಘೋಷಣೆ ಕೂಗಿ ಎಂದರು.
"Those who can't say Bharat Mata Ki Jai their votes are of no value.I am ashamed of Indians like you"
Words from BJP's TikTok star candidate Sonali Phogat frm Haryana's Adampur.
Phogat has lakhs of TikTok followers & is challenging former CM Bhajanlal's son in his bastion@ndtv pic.twitter.com/omIXhRVr4u— Sukirti Dwivedi (@SukirtiDwivedi) October 8, 2019
ಸೋನಾಲಿ ಪೋಗಟ್ ಮತ್ತೆ ಭಾರತ್ ಮಾತಾ ಕೀ ಘೋಷಣೆ ಕೂಗಿದರು. ಆಗಲೂ ವೇದಿಕೆ ಎಡಭಾಗದ ಜನರಿಂದ ಏರು ಧ್ವನಿಯಲ್ಲಿ ಘೋಷಣೆ ಕೇಳಿಬರಲಿಲ್ಲ. ಇದರಿಂದ ಮತ್ತಷ್ಟು ಕೋಪಗೊಂಡ ಸೋನಾಲಿ ಪೋಗಟ್, ನಾನು ನಿಮ್ಮ ಬಗ್ಗೆ ನಾಚಿಕೆ ಪಡುತ್ತೇನೆ. ಸಣ್ಣ ರಾಜಕೀಯದ ಕಾರಣಕ್ಕಾಗಿ ಭಾರತ್ ಮಾತಾ ಕೀ ಜೈ ಎಂದು ಹೇಳಲಾದ ನಿಮ್ಮಂತಹ ಭಾರತೀಯರಿದ್ದಾರೆ. ನಿಮ್ಮ ಮತಗಳಿಗೆ ಯಾವುದೇ ಬೆಲೆ ಇಲ್ಲ ಎಂದು ಕಿಡಿಕಾರಿದ್ದರು.
