ಬೆಂಗಳೂರು: ಕಳೆದ ಕೆಲವು ದಿನಗಳಿಂದ ನಗರದಲ್ಲಿ ಧಾರಾಕಾರವಾಗಿ ಮಳೆ ಸುರಿಯುತ್ತಿದೆ. ಮಳೆಯ ಹಿನ್ನೆಲೆಯಲ್ಲಿ ನಗರದಲ್ಲಿ ತರಹೇವಾರಿ ಹಾವುಗಳು ಮಳೆಯ ನೀರಿನೊಂದಿಗೆ ಮನೆ ಸೇರಿಕೊಳ್ಳುತ್ತಿವೆ.
ಶನಿವಾರ ರಾತ್ರಿ ನಗರದಲ್ಲಿ ಭಾರೀ ಮಳೆಯಾಗಿದ್ದು, ಮಾನ್ಯತಾ ಟೆಕ್ ಪಾರ್ಕ್ ಬಳಿ ಅಪರೂಪದ ಟ್ರೆಕೆಂಟ್ ಹಾವೊಂದು ಪತ್ತೆಯಾಗಿದೆ. ಈ ಟ್ರೆಕೆಂಟ್ ಹಾವು ಕೇವಲ ರಾತ್ರಿ ಹೊತ್ತು ಸಂಚರಿಸುತ್ತದೆ. ಈ ಜಾತಿಯ ಹಾವೊಂದು ಸಿಮೆಂಟ್ ಪೈಪ್‍ನೊಳಗೆ ಪತ್ತೆಯಾಗಿದ್ದು, ಜನರು ಕೂತುಹಲದಿಂದ ವೀಕ್ಷಿಸಿದ್ರು.
ನಗರದ ದಾಸರಹಳ್ಳಿಯ ಗ್ಯಾರೇಜ್‍ವೊಂದರಲ್ಲಿ 5 ಅಡಿ ಉದ್ದದ ನಾಗರಹಾವು ಪತ್ತೆಯಾಗಿದೆ. ಮಳೆಯಿಂದಾಗಿ ಎಲ್ಲೆಂದರಲ್ಲಿ ಹಾವುಗಳು ಕಾಣಿಸುತ್ತಿರುವದರಿಂದ ಉರಗ ತಜ್ಞರು ಹಾವುಗಳನ್ನು ಹಿಡಿಯುವಲ್ಲಿ ಬ್ಯೂಸಿಯಾಗಿದ್ದಾರೆ.
