ಮುಂಬೈ: ಬಾಲಿವುಡ್ ಗಾಯಕ ಬಾದ್‍ಶಾ ಅವರು ನನ್ನ ಮಗಳು ದೊಡ್ಡವಳಾದ ಮೇಲೆ ಸೆಕ್ಸ್ ಬಗ್ಗೆ ಮಾತನಾಡಲು ಕಾಯುತ್ತಿದ್ದೇನೆ ಎಂದು ಸಂದರ್ಶನವೊಂದರಲ್ಲಿ ಹೇಳಿದ್ದಾರೆ.
ಗಾಯಕರಾಗಿರುವ ಬಾದ್‍ಶಾ ‘ಖಾನದಾನಿ ಶಫಖಾನಾ’ ಚಿತ್ರದ ಮೂಲಕ ಹೀರೋ ಆಗಿ ಎಂಟ್ರಿ ಕೊಡುತ್ತಿದ್ದಾರೆ. ಈ ಚಿತ್ರದಲ್ಲಿ ಬಾದ್‍ಶಾಗೆ ನಟಿಯಾಗಿ ಸೋನಾಕ್ಷಿ ಸಿನ್ಹಾ ನಟಿಸುತ್ತಿದ್ದಾರೆ. ಈ ಚಿತ್ರ ಲೈಂಗಿಕ ಶಿಕ್ಷಣಕ್ಕೆ ಆಧಾರಿತವಾಗಿದ್ದು, 2 ವರ್ಷದ ಮಗಳ ತಂದೆಯಾಗಿರುವ ಬಾದ್‍ಶಾ ಈ ಚಿತ್ರದ ಬಗ್ಗೆ ಮಾತನಾಡಿದ್ದಾರೆ.
ಈ ವೇಳೆ ಮಾತನಾಡಿದ ಬಾದ್‍ಶಾ, ನಾನು ನನ್ನ ಮಗಳು ದೊಡ್ಡವಳಾಗಲಿ ಎಂದು ಕಾಯುತ್ತಿದ್ದೇನೆ. ಅವಳು ಸರಿಯಾದ ವಯಸ್ಸಿಗೆ ಬಂದಾಗ ನಾನು ಅವಳ ಜೊತೆ ಲೈಂಗಿಕ ಶಿಕ್ಷಣದ ಬಗ್ಗೆ ಮಾತನಾಡುತ್ತೇನೆ. ಈ ವಿಷಯದ ಬಗ್ಗೆ ನಮ್ಮ ಸಮಾಜದಲ್ಲಿ ಯಾರು ಮಾತನಾಡುವುದಿಲ್ಲ. ನನ್ನ ಮಗಳಿಗೆ ಎಲ್ಲವು ಗೊತ್ತಿರಬೇಕು. ನಾನು ಈ ಬಗ್ಗೆ ನನ್ನ ಮಗಳ ಬಳಿ ಹೇಗೆ ಹೇಳುತ್ತೇನೋ ಗೊತ್ತಿಲ್ಲ. ಆದರೆ ಈ ವಿಷಯದ ಬಗ್ಗೆ ಆಕೆ ಜೊತೆ ಮಾತನಾಡಲು ಉತ್ಸುಕನಾಗಿದ್ದಾನೆ ಎಂದರು.
ಇದೇ ವೇಳೆ ಮಾತನಾಡಿದ ಸೋನಾಕ್ಷಿ ಸಿನ್ಹಾ, ನಾನು ನನ್ನ ಪೋಷಕರ ಜೊತೆ ಅಡಲ್ಟ್ ಮಾತುಗಳನ್ನು ಆಡುವುದಿಲ್ಲ. ಸಣ್ಣ ವಯಸ್ಸಿನಲ್ಲಿ ಸ್ನೇಹಿತರ ಜೊತೆ ಈ ರೀತಿ ಮಾತನಾಡುವುದನ್ನು ಶುರು ಮಾಡಿದೆ. ಸಾಮಾನ್ಯವಾಗಿ ಸ್ಕೂಲ್, ಕಾಲೇಜಿನಲ್ಲಿ ಸ್ನೇಹಿತರ ಜೊತೆ ಈ ರೀತಿ ಮಾತನಾಡುತ್ತೇವೆ. ಮಾತನಾಡುವುದರಿಂದ ನಮಗೆ ಹೆಚ್ಚಿನ ಮಾಹಿತಿ ಸಿಗುತ್ತದೆ. ಹಾಗಂತ ನಾನು ನನ್ನ ಪೋಷಕರ ಜೊತೆ ಸೆಕ್ಸ್ ಬಗ್ಗೆ ಮಾತನಾಡುವುದಿಲ್ಲ ಎಂದು ಹೇಳಿದ್ದರು.
