ಬಣ್ಣದ ಜಗತ್ತಿನಲ್ಲಿರುವವರಿಗೆ ಪಾಸಿಟಿವ್ ಕಾಮೆಂಟ್ಗಳಿಂತ ನೆಗೆಟಿವ್ ಕಾಮೆಂಟ್‌ಗಳೇ ಹೆಚ್ಚು ಬರುತ್ತವೆ. ಇದನ್ನೆಲ್ಲ ತಿಳಿದುಕೊಂಡೆ ಅವರು ಸಿನಿರಂಗ ಪ್ರವೇಶಿಸುತ್ತಾರೆ. ಅದರಲ್ಲೂ ಟ್ರೋಲಿಗರಿಂದ ಹೇಗೆ ತಪ್ಪಿಸಿಕೊಳ್ಳುವುದೆಂದು ಸಿನಿತಾರೆಯರು ನಿತ್ಯವೂ ಯೋಚಿಸುತ್ತಾರೆ. ಈಗ ಇಂಥದ್ದೊಂದು ತಲೆ ನೋವಿಗೆ ಆಹಾರವಾಗಿದ್ದಾರೆ ಟಾಲಿವುಡ್ ನಟಿ ಶ್ರುತಿ ಹಾಸನ್. ಯಾರೋ ಮಾಡಿದ ಟ್ರೋಲ್ ಗೆ ಅವರು ಅಷ್ಟೇ ಖಡಕ್ ಆಗಿ ಉತ್ತರ ಕೊಟ್ಟಿದ್ದಾರೆ.
ಸೌತ್ ಬ್ಯೂಟಿ ಶ್ರುತಿ ತಮ್ಮ ಬೋಲ್ಡ್ ನಟನೆ ಮೂಲಕ ಸಿನಿರಂಗದಲ್ಲಿ ಛಾಪು ಮೂಡಿಸಿದ್ದಾರೆ. ಅಲ್ಲದೇ ಈ ನಟಿ ತಮ್ಮ ಸಿನಿಮಾಗಿಂತ ಹೆಚ್ಚು ವೈಯಕ್ತಿಕ ಜೀವನಕ್ಕೆ ಸಂಬಂಧಿಸಿದಂತೆ ಟ್ರೋಲ್ ಆಗುವುದು ಹೆಚ್ಚು. ಅದೇ ರೀತಿ ಈಗ ಶ್ರುತಿ ತಮ್ಮ ತುಟಿಗೆ ಸಂಬಂಧಿಸಿದಂತೆ ಟ್ರೋಲ್ ಆಗಿದ್ದಾರೆ. ಅದಕ್ಕೆ ಈ ನಟಿ ಸರಿಯಾಗಿ ಉತ್ತರಕೊಡುವ ಮೂಲಕ ಟ್ರೋಲಿಗರ ಮುಖಭಂಗ ಮಾಡಿದ್ದಾರೆ. ಇದನ್ನೂ ಓದಿ: ಗಲ್ಲಿ ಬಾಯ್ ರಣವೀರ್ ಚಿತ್ರಕ್ಕೆ ಚಾರ್ಲಿ ಚಾಪ್ಲಿನ್‍ನಿಂದ ಪ್ರೇರಣೆ?
ಶ್ರುತಿ ಇನ್ಸ್ಟಾಗ್ರಾಮ್ನಲ್ಲಿ ‘ಆಸ್ಕ್ ಮಿ ಎನಿಥಿಂಗ್’ ಸೆಷನ್ಸ್ ನಡೆಸಿದರು. ಈ ವೇಳೆ ಒಬ್ಬ ನೆಟ್ಟಿಗ ನೇರವಾಗಿ ನಿಮ್ಮ ತುಟಿಯ ಗಾತ್ರವೆಷ್ಟು ಎಂದು ಕೇಳಿದ್ದಾನೆ. ಅದಕ್ಕೆ ಶ್ರುತಿ, ತುಟಿಗೂ ಗಾತ್ರವಿರುತ್ತಾ? ಎಂದು ಪ್ರಶ್ನಿಸಿದ್ದು, ಸೂಕ್ಷ್ಮತೆಯನ್ನು ತಿಳಿದುಕೊಳ್ಳದೆ ನಟಿಯರಿಗೆ ಬೇಕಾದ ರೀತಿಯಲ್ಲಿ ಪ್ರಶ್ನಿಸುವುದೇ ಕೆಲ ಟ್ರೋಲಿಗರ ಚಾಳಿಯಾಗಿದೆ ಎಂದು ತರಾಟೆಗೆ ತೆಗೆದುಕೊಂಡಿದ್ದಾರೆ.
ಶ್ರುತಿ ಇದೇ ಮೊದಲು ಟ್ರೋಲ್ ಗೆ ಗುರಿಯಾಗಿಲ್ಲ. ಹಲವು ಬಾರಿ ಬಾಡಿ ಶೇಮಿಂಗ್ ಬಗ್ಗೆಯೂ ಟ್ರೋಲ್ ಗೆ ಆಹಾರವಾಗಿದ್ದಾರೆ. ಅಲ್ಲದೇ ಈ ನಟಿ ತಾನು ಪ್ಲಾಸ್ಟಿಕ್ ಸರ್ಜರಿ ಮಾಡಿಸಿಕೊಂಡಿರುವ ಕುರಿತು ಮುಕ್ತವಾಗಿ ಹೇಳಿಕೊಂಡಿದ್ದರು. ಇದನ್ನೂ ಓದಿ: ತಾಯಿಯಿಂದ ಬೇರ್ಪಟ್ಟ ಕರಿಚಿರತೆ ಮರಿ – ವೀಡಿಯೋ ಸೆರೆ
ಸದ್ಯ ಶ್ರುತಿ ಪ್ರಶಾಂತ್ ನೀಲ್ ನಿರ್ದೇಶನದ ‘ಸಲಾರ್’ ಸಿನಿಮಾದಲ್ಲಿ ನಟಿಸುತ್ತಿದ್ದು, ಈ ಸಿನಿಮಾದಲ್ಲಿ ಪ್ರಭಾಸ್ ಅವರಿಗೆ ಜೋಡಿಯಾಗಿ ಕಾಣಿಸಿಕೊಂಡಿದ್ದಾರೆ. ಅಲ್ಲದೇ ಚಿರಂಜೀವಿ ಅವರ 154ನೇ ಸಿನಿಮಾದಲ್ಲೂ ನಾಯಕಿಯಾಗಿ ನಟಿಸುತ್ತಿದ್ದಾರೆ.
