ಮುಂಬೈ: ಬಾಲಿವುಡ್ ಕಿಂಗ್ ಖಾನ್ ಶಾರುಖ್ ಖಾನ್ ತಮ್ಮ ಮುಂದಿನ ಚಿತ್ರದಲ್ಲಿ ಕಾಜೋಲ್, ಕರಿಶ್ಮಾ ಕಪೂರ್, ಶ್ರೀದೇವಿ, ರಾಣಿ ಮುಖರ್ಜಿ ಮತ್ತು ಆಲಿಯಾ ಭಟ್ ರೊಂದಿಗೆ ತೆರೆಯನ್ನು ಹಂಚಿಕೊಂಡಿದ್ದಾರೆ.
ಈಗಾಗಲೇ ಎಲ್ಲ ನಟಿಯರೊಂದಿಗೆ ನಟಿಸಿರುವ ಶಾರುಖ್ ಮೊದಲ ಬಾರಿಗೆ ಎಲ್ಲರೊಂದಿಗೆ ಒಂದೇ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಆನಂದ್ ಎಲ್ ರೈ ನಿರ್ದೇಶಿಸುತ್ತಿರುವ ಈ ಸಿನಿಮಾದಲ್ಲಿ ಕತ್ರೀನಾ ಕೈಫ್ ಮತ್ತು ಅನುಷ್ಕಾ ಶರ್ಮಾ ಮುಖ್ಯ ಭೂಮಿಕೆಯಲ್ಲಿ ನಟಿಸುತ್ತಿದ್ದಾರೆ. ಇದೇ ಸಿನಿಮಾದ ಪಾರ್ಟಿ ದೃಶ್ಯವೊಂದರಲ್ಲಿ ಈ ಎಲ್ಲ ನಟಿಯರು ಆಗಮಿಸಿರುತ್ತಾರೆ.
ಪಾರ್ಟಿ ನಂತರ ಶಾರುಖ್ ಖಾನ್ ಎಲ್ಲ ನಟಿಯರೊಂದಿಗೆ ಕ್ಲಿಕಿಸಿಕೊಂಡಿರುವ ಫೋಟೋಗಳನ್ನು ತಮ್ಮ ಇನ್ ಸ್ಟಾಗ್ರಾಂ ನಲ್ಲಿ ಅಪ್ಲೋಡ್ ಮಾಡಿಕೊಂಡಿದ್ದಾರೆ. ಒಟ್ಟು ಎರಡು ಫೋಟೋಗಳನ್ನು ಅಪ್ಲೋಡ್ ಮಾಡಿರುವ ಶಾರುಖ್ ಒಂದರಲ್ಲಿ ಶ್ರೀದೇವಿ, ಕರಿಶ್ಮಾ ಕಪೂರ್ ಮತ್ತು ಆಲಿಯಾ ಭಟ್ ಇದ್ದಾರೆ. ಮತ್ತೊಂದು ಫೋಟೋದಲ್ಲಿ ರಾಣಿ ಮತ್ತು ಕಾಜೋಲ್ ಜೊತೆಯಾಗಿದ್ದಾರೆ. ಸಿನಿಮಾದಲ್ಲಿ ರಾಣಿ ಮತ್ತು ಕಾಜೋಲ್ ಸಹೋದರಿಯಾಗಿದ್ದರಿಂದ ಬೇರೆ ಶೂಟಿಂಗ್ ಟೈಮ್‍ನಲ್ಲಿ ಬಂದಿದ್ದರಿಂದ ಬೇರೆ ಫೋಟೋ ತೆಗೆಯಲಾಗಿದೆ.
ವಿಶೇಷ ಅತಿಥಿ ಪಾತ್ರದಲ್ಲಿ ನಟಿಸಲು ಐವರು ನಟಿಯರು ಯಾವುದೇ ಸಂಭಾವನೆಯನ್ನು ಪಡೆದಿಲ್ಲ. ಕೇವಲ ಶಾರುಖ್ ಸ್ನೇಹಕ್ಕಾಗಿ ಬಂದು ನಟಿಸಿದ್ದಾರೆ. ಶೂಟಿಂಗ್ ಬಂದಿದ್ದ ನಟಿಯರಿಗೆ ಶಾರುಖ್ ವೈಯಕ್ತಿಕವಾಗಿ ಬೆಲೆ ಬಾಳುವ ಗಿಫ್ಟ್‍ಗಳನ್ನು ನೀಡಿದ್ದಾರೆ.
ಈ ಹಿಂದೆ ಶಾರುಖ್ ಖಾನ್ `ಓಂ ಶಾಂತಿ ಓಂ’ ಸಿನಿಮಾದ ಹಾಡೊಂದರಲ್ಲಿ ಇದೇ ರೀತಿಯಾಗಿ ಬಾಲಿವುಡ್‍ನ ಅನೇಕ ಗಣ್ಯ ನಟ-ನಟಿಯರೊಂದಿಗೆ ನಟಿಸಿದ್ದರು. ಓಂ ಶಾಂತಿ ಓಂ ಸಿನಿಮಾದ ಟೈಟಲ್ ಸಾಂಗ್ ಸಿಕ್ಕಾಪಟ್ಟೆ ಹಿಟ್ ಆಗಿತ್ತು.
https://www.instagram.com/p/BZujV6-jmEJ/?taken-by=iamsrk
