ನೀನಾಸಂ ಸತೀಶ್ ನಟನೆಯ ಅಯೋಗ್ಯ ಸಿನಿಮಾ ಇತ್ತೀಚೆಗೆ ಯಶಸ್ವಿ ನೂರು ದಿನಗಳ ಪ್ರದರ್ಶನ ಕಂಡಿತ್ತು. ಅದಾದ ನಂತರ ಸತೀಶ್ ಒಪ್ಪಿಕೊಂಡು ಮಾಡುತ್ತಿರುವ ಸಿನಿಮಾ ‘ಗೋದ್ರಾ’. ಗೋದ್ರಾ ಎಂದಾಕ್ಷಣಾ ಎಲ್ಲರಿಗೂ ಗುಜರಾತ್ ಹತ್ಯಾಕಾಂಡ ಕಣ್ಣ ಮುಂದೆ ಬರುತ್ತೆ. ಆದ್ರೆ ಆ ದುರಂತಕ್ಕೂ ಸಿನಿಮಾಕ್ಕೂ ಯಾವುದೇ ಸಂಬಂಧ ಇಲ್ಲ. ಸಿನಿಮಾ ಟೈಟಲ್ ನಿಂದಷ್ಟೇ ಅಲ್ಲ ‘ಇದು ಎಂದೂ ಮುಗಿಯದ ಯುದ್ಧ’ ಎಂಬ ಸಬ್ ಟೈಟಲ್ ನಿಂದ ಕೂಡ ಸಿನಿರಸಿಕರ ಕುತೂಹಲ ಹೆಚ್ಚಿಸಿದೆ.
ಸದ್ಯ ಸಿನಿಮಾದ ಮೋಷನ್ ಪೋಸ್ಟರ್ ರಿಲೀಸ್ ಆಗಿದ್ದು, ಉದ್ದನೆಯ ದಾಡಿ ಬಿಟ್ಟಿರುವ ಸತೀಶ್ ನೀನಾಸಂ ಅವತಾರ ಕುತೂಹಲವನ್ನು ಹುಟ್ಟುಹಾಕಿದೆ. ಅಚ್ಯುತ ಕುಮಾರ್, ವಸಿಷ್ಠ ಸಿಂಹ, ಶ್ರದ್ಧಾ ಶ್ರೀನಾಥ್ ಮೋಷನ್ ಪೋಸ್ಟರ್ ನಲ್ಲಿ ಕಾಣಿಸಿಕೊಂಡಿದ್ದಾರೆ. ಸದ್ಯ ಮೋಷನ್ ಪೋಸ್ಟರ್ ಬಿಟ್ಟು ಗಮನ ಸೆಳೆದ ಚಿತ್ರತಂಡ ಇದೇ ತಿಂಗಳ 17 ರಂದು ಟೀಸರ್ ಬಿಡಲು ರೆಡಿಯಾಗಿದೆ.
ಗೋದ್ರಾ ಮೋಷನ್ ಪೋಸ್ಟರ್ ತಪ್ಪದೇ ಹಂಚಿ , ನೋಡಿ ನಿಮ್ಮ ಅಭಿಪ್ರಾಯ ತಿಳಿಸಿ ಥ್ಯಾಂಕ್ಯು.https://t.co/ASewg0rxjc
— Sathish Ninasam (@SathishNinasam) January 13, 2020
ನೀನಾಸಂ ಸತೀಶ್ ಸಾಕಷ್ಟು ಸಿನಿಮಾಗಳಲ್ಲಿ ಅಭಿನಯಿಸಿದ್ದಾರೆ. ಆದ್ರೆ ಸದ್ಯ ನಟಿಸುತ್ತಿರುವ ‘ಗೋದ್ರಾ’ ಸಿನಿಮಾ ಸತೀಶ್ ಅವರ ಬಿಗ್ ಬಜೆಟ್ ಚಿತ್ರವಾಗಿದೆ. ವ್ಯವಸ್ಥೆಯಲ್ಲಿ ನಡೆಯುವ ಶೋಷಣೆ ವಿರುದ್ಧ ಬಂಡೆದ್ದು ಹೋರಾಟಗಾರನಾದವನ ಕಥೆಯನ್ನು ‘ಗೋದ್ರಾ’ದಲ್ಲಿ ಹೇಳಲಾಗಿದೆ. ಈ ಸಿನಿಮಾ ಮೇಲೆ ಸತೀಶ್‍ಗೆ ಬಹಳ ನಿರೀಕ್ಷೆ ಇದೆಯಂತೆ.
ಜಾಕೋಬ್ ಫಿಲ್‍ಂ ಮತ್ತು ಲೀಡರ್ ಫಿಲ್ಮ್ ಪ್ರೊಡಕ್ಷನ್ ಬ್ಯಾನರ್ ನಿರ್ಮಾಣ ಮಾಡುತ್ತಿದ್ದು, ಕೆ.ಎಸ್.ನಂದೀಶ್ ಕಥೆ, ಚಿತ್ರಕಥೆ ಬರೆದು ನಿರ್ದೇಶನದ ಜವಾಬ್ದಾರಿ ಹೊತ್ತಿದ್ದಾರೆ.
