ಹೈದರಾಬಾದ್: ಸಾಂಪ್ರದಾಯಿಕವಾಗಿ ಸೀರೆ ಉಟ್ಟ ಮಹಿಳೆಯೊಬ್ಬರು ಆರ್ 15 ಸ್ಪೋರ್ಟ್ಸ್ ಬೈಕ್ ಓಡಿಸುತ್ತಿದ್ದ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್ ವೈರಲ್ ಆಗಿದೆ.
ತೆಲಂಗಾಣದ ಹಾಯತ್‍ನಗರ್ ನಲ್ಲಿ ಈ ಘಟನೆ ನಡೆದಿದೆ. ವಿಡಿಯೋದಲ್ಲಿ ಬೈಕ್ ಓಡಿಸುತ್ತಿರೋ ಮಹಿಳೆ ಜೊತೆಗೆ ಇನ್ನಿಬ್ಬರು ಮಹಿಳೆಯರು ಕುಳಿತಿದ್ದು, ತ್ರಿಬಲ್ ರೈಡಿಂಗ್ ಮಾಡ್ತಿರೋದನ್ನ ಕಾಣಬಹುದು.
ಮಹಿಳೆಯ ಬೈಕ್ ಹಿಂದೆಯೇ ಬರುತ್ತಿದ್ದ ವ್ಯಕ್ತಿಯೊಬ್ಬರು ಇದನ್ನ ವಿಡಿಯೋ ಮಾಡಿದ್ದಾರೆ. ವಿಡಿಯೋ ಮಾಡ್ತಿರೋದನ್ನ ಕಂಡ ಕೂಡಲೇ ಮಹಿಳೆ ಬೈಕ್ ವೇಗ ಹೆಚ್ಚಿಸಿ ಸ್ವಲ್ಪ ಮುಂದೆ ಹೋಗಿದ್ದಾರೆ. ನಂತರ ಎಲ್ಲಾ ಮೂವರು ಮಹಿಳೆಯರು ನಕ್ಕು ಸುಮ್ಮನಾಗಿದ್ದಾರೆ.
ಮಹಿಳೆ ಇಬ್ಬರು ಹಿಂಬದಿ ಸವಾರರನ್ನು ಕೂರಿಸಿಕೊಂಡು, ಪರಿಣಾಮಗಳ ಅರಿವಿಲ್ಲದೆ ಬೈಕ್ ಚಲಾಯಿಸಿದ್ದಾರೆ. ಅದರಲ್ಲೂ ಸಾಂಪ್ರದಾಯಿಕ ಸೀರೆಯಲ್ಲಿ ಟ್ರೆಂಡಿ ಸ್ಪೋರ್ಟ್ಸ್ ಬೈಕ್ ಓಡಿಸಿರೋದು ನೋಡುಗರ ಹುಬ್ಬೇರಿಸಿದೆ.
Video of a Hyderabad woman clad in saree and driving a sports bike goes viral pic.twitter.com/AeFBq2mTqg
— TOI Plus (@TOIPlus) November 29, 2017
