ಬೆಂಗಳೂರು: ನಟನೆಯ ವಿಚಾರದಲ್ಲಿ ಯಾವ ಪಾತ್ರಕ್ಕೆ ಯಾವ ರೀತಿ ಒಗ್ಗಿಕೊಳ್ಳಲೂ ಸೈ ಎಂಬಂಥಾ ಬಿಂದಾಸ್ ಹುಡುಗಿ ಹರಿಪ್ರಿಯಾ. ಇಂಥಾ ಮನಸ್ಥಿತಿಯಿಂದಲೇ ಪರಿಪೂರ್ಣ ನಟಿಯಾಗಿ ಬಿಂಬಿಸಿಕೊಂಡಿರೋ ಹರಿಪ್ರಿಯಾ ಲೈಫ್ ಜೊತೆ ಒಂದ್ ಸೆಲ್ಫಿ ಚಿತ್ರದ ನಾಯಕಿ. ದಿನಕರ್ ತೂಗುದೀಪ ನಿರ್ದೇಶನದ ಈ ಚಿತ್ರದಲ್ಲಿ ಇವರ ಪಾತ್ರವೇನು? ಅದರಲ್ಲಿ ಇನ್ಯಾವ ವಿಶೇಷಗಳೊಂದಿಗೆ ಹರಿಪ್ರಿಯಾ ಕಾಣಿಸಿಕೊಂಡಿದ್ದಾರೆ ಎಂಬೆಲ್ಲ ಕುತೂಹಲ ಅವರ ಅಭಿಮಾನಿಗಳಲ್ಲಿ ಇದ್ದೇ ಇತ್ತು.
ಇದನ್ನು ತಣಿಸಲೋಸ್ಕರ ತಲಾಷಿಗಿಳಿದಾಗ ಸಿಕ್ಕಿದ್ದು ಒಗರೊಗರಾದ ಬಿಯರ್ ಕಥೆ!
ಲೈಫ್ ಜೊತೆ ಒಂದ್ ಸೆಲ್ಫಿ ಚಿತ್ರದಲ್ಲಿ ಹರಿಪ್ರಿಯಾ ಅವರದ್ದು ಒಂಥರಾ ವಿಶೇಷವಾದ ಪಾತ್ರ. ಅದರಲ್ಲಿವರು ಸ್ನೇಹಿತರಿಂದೆಲ್ಲ ಪ್ರೀತಿಯಿಂದ ರ್ಯಾಚ್ ಅಂತ ಕರೆಸಿಕೊಳ್ಳೋ ರಶ್ಮಿ ಎಂಬ ಪಾತ್ರಕ್ಕೆ ಜೀವ ತುಂಬಿದ್ದಾರೆ. ಟ್ರಿಪ್ಪೊಂದರ ಮೂಲಕ ಬದುಕಿನ ಸಾಕ್ಷಾತ್ಕಾರವಾಗೋ ಕಥೆ ಹೊಂದಿರೋ ಈ ಚಿತ್ರದ ಪಾತ್ರಕ್ಕಾಗಿ ಹರಿಪ್ರಿಯಾ ಬಿಂದಾಸಾಗಿ ಬಿಯರ್ ಹೊಡೆಯೋ ದೃಶ್ಯಾವಳಿಯಲ್ಲಿಯೂ ನಟಿಸಿದ್ದಾರಂತೆ!
ಈ ಹಿಂದೆ ನೀರ್ ದೋಸೆ ಚಿತ್ರದಲ್ಲಿನ ಪಾತ್ರವನ್ನು ಆಯ್ಕೆ ಮಾಡಿಕೊಂಡಿದ್ದಕ್ಕಾಗಿ ಹರಿಪ್ರಿಯಾ ವ್ಯಾಪಕ ಮೆಚ್ಚುಗೆ ಗಳಿಸಿಕೊಂಡಿದ್ದರು. ಆ ಚಿತ್ರದಲ್ಲಿ ಸಿಗರೇಟು ಸೇದೋ ಸೀನುಗಳಲ್ಲಿ ಅವರು ಸಂಚಲನವನ್ನೇ ಸೃಷ್ಟಿಸಿದ್ದರು. ಲೈಫ್ ಜೊತೆ ಒಂದ್ ಸೆಲ್ಫಿ ಚಿತ್ರದ ಬಿಯರ್ ಸೀನು ಅದೇ ರೀತಿ ಸೆನ್ಸೇಷನ್ ಕ್ರಿಯೇಟ್ ಮಾಡುವಂತಿದೆಯಾ ಎಂಬ ಪ್ರಶ್ನೆಗೆ ಉತ್ತರ ಸಿಗೋ ದಿನ ಹತ್ತಿರದಲ್ಲಿಯೇ ಇದೆ!
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv
