ಬೆಂಗಳೂರು: ಪ್ರಧಾನಿ ನರೇಂದ್ರ ಮೋದಿಯವರಿಗೆ ಇಂದು 67ನೇ ಹುಟ್ಟು ಹಬ್ಬದ ಸಂಭ್ರಮ. ಸ್ಯಾಂಡಲ್‍ವುಡ್‍ನ ಫೈರಿಂಗ್ ಸ್ಟಾರ್ ಹುಚ್ಚವೆಂಕಟ್ ಪ್ರಧಾನ ಮಂತ್ರಿ ನರೇಂದ್ರ ಮೋದಿಯವರಿಗೆ ತಮ್ಮದೇ ಶೈಲಿಯಲ್ಲಿ ಶುಭಾಶಯ ಕೋರಿದ್ದಾರೆ.
ವಿಶ್ ಯು ಹ್ಯಾಪಿ ಆಂಡ್ ಪಾಸ್ಪರಸ್ ಬರ್ತ್ ಡೇ ಅಂತ ವೆಂಕಟ್ ವಿಶ್ ಮಾಡಿದ್ದಾರೆ. ನಿಮ್ಮ ಹುಟ್ಟು ಹಬ್ಬವನ್ನ ವೆಂಕಟ್ ಸೇನೆ ಆಚರಿಸುತ್ತೆ ಅಂತಾನೂ ಹೇಳಿದ್ದಾರೆ. ಜೊತೆಗೆ ಮೋದಿಯವರೇ ಯಾವಾಗ್ಲೂ ಯಂಗ್ ಆಗಿರಿ ಅಂತ ವೆಂಕಟ್ ತಮ್ಮದೇ ಸ್ಟೈಲ್‍ನಲ್ಲಿ ಹೇಳಿದ್ದಾರೆ.
ವೆಂಕಟ್ ಅವರು ಪ್ರಧಾನಿಗೆ ವಿಶ್ ಮಾಡಿರೋ ಈ ವಿಡಿಯೋವನ್ನು ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಹರಿಬಿಟ್ಟಿದ್ದಾರೆ.
ದೇಶಾದ್ಯಂತ ವಿವಿಧ ಕಾರ್ಯಗಳ ಮೂಲಕ ದೇಶದ ಪ್ರಧಾನ ಸೇವಕನ ಹುಟ್ಟುಹಬ್ಬವನ್ನು ಆಚರಿಸಲಾಗುತ್ತಿದೆ. ಬಿಜೆಪಿ ವತಿಯಿಂದ ಸೇವಾ ದಿನದ ಅಂಗವಾಗಿ ಸ್ವಚ್ಛತಾ ಕಾರ್ಯವನ್ನು ಹಮ್ಮಿಕೊಳ್ಳಲಾಗಿದೆ. ಇನ್ನು ಪ್ರಧಾನಿಯವರಿಗೆ ಪತ್ರ ಬರೆದ ಎಲ್ಲರೂ ವಿಶೇಷವಾಗಿ ಅಭಿನಂದನೆ ಹಾಗೂ ವಿಶ್ ಮಾಡಿದ್ದಾರೆ.
ಪ್ರಧಾನಿ ನರೇಂದ್ರ ಮೋದಿಯವರು 1950ರ ಸೆ.15ರಂದು ಉತ್ತರ ಗುಜರಾತ್ ನ ಮಹೆಸಾನ ಜಿಲ್ಲೆಯ ವಿದ್ ನಗರದಲ್ಲಿ ದಾಮೋದರ್ ದಾಸ್ ಮುಲಚಂದ್ ಮೋದಿ ಹಾಗೂ ಹೀರಾ ಬೆನ್ ಮೂರನೇಯ ಮಗನಾಗಿ ಜನಿಸಿದ್ದರು.
