ಕಿರುತೆರೆಯ ಬ್ಯೂಟಿ ಕ್ವೀನ್ ಮೇಘಾ ಶೆಟ್ಟಿ (Megha Shetty) ಈಗ ಹಿರಿತೆರೆಯಲ್ಲಿ ಆಕ್ಟೀವ್ ಆಗಿದ್ದಾರೆ. ಅದಕ್ಕಾಗಿ ಹೊಸ ಬಗೆಯ ಲುಕ್‌ನಲ್ಲಿ ಆಗಾಗ ಮಿಂಚುತ್ತಾರೆ. ಈಗ ಕರ್ಲಿ ಹೇರ್ ಸ್ಟೈಲ್‌ನಲ್ಲಿ ಗ್ಲ್ಯಾಮರ್ ಗೊಂಬೆಯಂತೆ ಜೊತೆ ಜೊತೆಯಲಿ (Jothe Jotheyali) ನಟಿ ಕಂಗೊಳಿಸಿದ್ದಾರೆ.
ಕಪ್ಪು ಬಣ್ಣದ ಉಡುಗೆಯಲ್ಲಿ ಸ್ಟೈಲೀಶ್ ಲುಕ್‌ನಲ್ಲಿ ಮೇಘಾ ಮಿಂಚಿದ್ದಾರೆ. ಕಪ್ಪು ಬಣ್ಣದ ಶಾರ್ಟ್ ಡ್ರೆಸ್ ಧರಿಸಿ, ಕ್ಯಾಮೆರಾ ಕಣ್ಣಿಗೆ ಸ್ಟೈಲ್ ಆಗಿ ಪೋಸ್ ನೀಡಿದ್ದಾರೆ. ಗ್ಲ್ಯಾಮರ್ ಡಾಲ್‌ನಂತೆ ಕಾಣ್ತಿರೋ ಮೇಘಾ ನೋಡಿ ಪಡ್ಡೆ ಹುಡುಗರು ಬೋಲ್ಡ್ ಆಗಿದ್ದಾರೆ. ಸದ್ಯ ಈ ಫೋಟೋ ಸಖತ್ ವೈರಲ್ ಆಗುತ್ತಿದೆ. ಇದನ್ನೂ ಓದಿ:ನಾನಿನ್ನೂ ಸಿಂಗಲ್, ದಿಶಾ ಜೊತೆಗಿನ ಬ್ರೇಕಪ್ ಬಗ್ಗೆ ಟೈಗರ್ ಶ್ರಾಫ್ ಸ್ಪಷ್ಟನೆ
‘ಜೊತೆ ಜೊತೆಯಲಿ’ ಸೀರಿಯಲ್ ಮೂಲಕ ಅನು ಸಿರಿಮನೆಯಾಗಿ ಬಣ್ಣ ಹಚ್ಚಿದ ಕರಾವಳಿ ಬ್ಯೂಟಿ ಮೇಘಾ ಶೆಟ್ಟಿ ಈಗ ಸಾಲು ಸಾಲು ಸಿನಿಮಾಗಳನ್ನ ಮಾಡ್ತಿದ್ದಾರೆ. ಸ್ಯಾಂಡಲ್‌ವುಡ್‌ನಲ್ಲಿ ಮಿಂಚಿ, ಜಯಿಸಬೇಕು ಅಂತಾ ಹೊಸ ಬಗೆಯ ಪಾತ್ರಗಳ ಅನ್ವೇಷಣೆಯಲ್ಲಿದ್ದಾರೆ.
ಆಪರೇಷನ್ ಲಂಡನ್ ಕೆಫೆ(Operation London Cafe), ಕೈವ, ಸಿನಿಮಾಗಳು ಮೇಘಾ ಶೆಟ್ಟಿ ಕೈಯಲ್ಲಿವೆ. ಗೋಲ್ಡನ್ ಸ್ಟಾರ್ ಗಣೇಶ್(Golden Star Ganesh) ಜೊತೆ ತ್ರಿಬಲ್ ರೈಡಿಂಗ್, ಡಾರ್ಲಿಂಗ್ ಕೃಷ್ಣ (Darling Krishna) ಜೊತೆ ‘ದಿಲ್ ಪಸಂದ್’ ಸಿನಿಮಾ ಮಾಡಿ ನಟಿ ಮೆಚ್ಚುಗೆ ಗಳಿಸಿದ್ದಾರೆ.
‘ಜೊತೆ ಜೊತೆಯಲಿ’ ಸೀರಿಯಲ್ ಮಾಡಿ ಗೆದ್ದು ಬೀಗಿರೋ ನಟಿ, ಮುಂದೆ ಮತ್ತೆ ಕಿರುತೆರೆಯಲ್ಲಿ ನಟಿಸುವ ಅವಕಾಶ ಸಿಕ್ಕರೆ ಕಾಣಿಸಿಕೊಳ್ತಿನಿ. ಜನರಿಗೆ ಸಿನಿಮಾಗಿಂತ ಟಿವಿ ಕ್ಷೇತ್ರದಿಂದಲೇ ಹೆಚ್ಚು ಹತ್ತಿರ ಆಗಬಹುದು ಅಂತಾರೆ ನಟಿ ಮೇಘಾ. ಅದೇನೇ ಇರಲಿ ಬೆಳ್ಳಿ ಪರದೆಯಲ್ಲಿ ಯುವ ನಟಿ ಗೆಲ್ಲಲಿ ಎಂಬುದೇ ಅಭಿಮಾನಿಗಳ ಆಶಯ.
