ಜವಾನ್ ಸಿನಿಮಾದ ಭಾರೀ ಯಶಸ್ಸಿನ ನಂತರ ಶಾರುಖ್ ಖಾನ್ (Shah Rukh Khan) ಗಾಗಿಯೇ ಅಟ್ಲಿ ಮತ್ತೊಂದು ಸಿನಿಮಾ ಮಾಡಲಿದ್ದಾರೆ ಎನ್ನುವ ಸುದ್ದಿ ಇತ್ತು. ಅಲ್ಲದೇ ಜವಾನ್ 2 ಚಿತ್ರಕ್ಕೂ ಪ್ಲ್ಯಾನ್ ನಡೆದಿದೆ ಎಂದೂ ಹೇಳಲಾಗಿತ್ತು. ಈ ನಡುವೆ ಮತ್ತೊಂದು ಸುದ್ದಿ ಬಿಟೌನ್ ನಲ್ಲಿ ಹರಿದಾಡುತ್ತಿದೆ. ಸಲ್ಮಾನ್ ಖಾನ್ (Salman Khan) ಗಾಗಿ ಅಟ್ಲಿ ಸಿನಿಮಾವೊಂದನ್ನು ನಿರ್ದೇಶನ ಮಾಡಲಿದ್ದಾರಂತೆ.
ಎರಡ್ಮೂರು ಬಾರಿ ಸಲ್ಮಾನ್ ಖಾನ್ ಮನೆ ಮುಂದೆ ಅಟ್ಲಿ ಕಂಡಿದ್ದಾರೆ. ಹಾಗಾಗಿ ಸಲ್ಮಾನ್ ಖಾನ್ ಗೆ ಕಥೆ ಒಪ್ಪಿಸೋಕೆ ಅವರು ಹೋಗಿದ್ದರು ಎಂದು ಹೇಳಲಾಗುತ್ತಿದೆ. ಎರಡೆರಡು ಬಾರಿ ಸಲ್ಮಾನ್ ಮನೆಗೆ ಅಟ್ಲಿ (Atlee) ಹೋದ ಕಾರಣದಿಂದಾಗಿ ಚಿತ್ರವಾಗೋದು ಪಕ್ಕಾ ಎನ್ನುವ ಮಾಹಿತಿಯೂ ಇದೆ.
ಬಾಲಿವುಡ್ ನಲ್ಲಿ ಜವಾನ್ ಸಿನಿಮಾ ದೊಡ್ಡ ಮಟ್ಟದಲ್ಲಿ ಯಶಸ್ಸು ಪಡೆಯಿತು. ನೂರಾರು ಕೋಟಿಗಳನ್ನು ಬಾಚಿತು. ಈ ಗೆಲುವಿನ ನಂತರ ಮತ್ತೆ ಶಾರುಖ್ ಖಾನ್ ಮತ್ತು ಅಟ್ಲಿ ಒಂದಾಗುತ್ತಾರೆ ಎಂದು ಹೇಳಲಾಗಿತ್ತು. ಈ ಎಲ್ಲದಕ್ಕೂ ಅಟ್ಲಿನೇ ಉತ್ತರಿಸಬೇಕು.
