ಚೆನ್ನೈ: ಮಕ್ಕಳಿಗೆ ಊಟ ಕೊಡಿಸಲು ಹಣವಿಲ್ಲದೇ ತಾಯಿಯೊಬ್ಬರು ತನ್ನ ತಲೆ ಕೂದಲನ್ನು ಬೊಳಿಸಿ ಅದನ್ನು 150 ರೂ.ಗೆ ಮಾರಿರುವ ಘಟನೆ ತಮಿಳುನಾಡಿನ ಸೇಲಂನಲ್ಲಿ ನಡೆದಿದೆ.
ಸೇಲಂನ ಪ್ರೇಮಾ (31) ಎಂಬವರು ತನ್ನ ಮಕ್ಕಳಿಗಾಗಿ ತಲೆ ಕೂದಲನ್ನು ಮಾರಿದ್ದಾರೆ. ಪ್ರೇಮಾ ಅವರ ಪತ್ನಿ ಸೇಲಂ ತುಂಬಾ ಸಾಲ ಮಾಡಿ ಸಾಲಗಾರರ ಕಾಟ ತಾಳಲಾರದೆ ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ. ಪ್ರೇಮಾ ದಂಪತಿಗೆ ಮೂರು ಮಕ್ಕಳಿದ್ದು, ಆ ಮಕ್ಕಳಿಗೆ ಊಟ ಕೊಡಿಸಲು ಹಣವಿಲ್ಲದೇ ಪ್ರೇಮಾ ತನ್ನ ತಲೆ ಕೂದಲನ್ನು ಮಾರಿದ್ದಾರೆ.
ಪತಿಯ ಆತ್ಮಹತ್ಯೆ ನಂತರ ಮೂರು ಮಕ್ಕಳನ್ನು ಸಾಕುವುದು ಪ್ರೇಮಾಗೆ ಕಷ್ಟವಾಗಿದೆ. ಕೊನೆಗೆ ಆ ಮೂವರು ಮಕ್ಕಳನ್ನು ಸಾಕಲು ಪ್ರೇಮಾ ಹಣಕ್ಕಾಗಿ ಅಂಗಲಾಚಿದ್ದಾರೆ. ನಿನ್ನೆ ಶುಕ್ರವಾರ ಆದ ಕಾರಣ ಯಾರೂ ಆಕೆಗೆ ಹಣ ನೀಡಲು ಮುಂದೆ ಬಂದಿಲ್ಲ. ಮಕ್ಕಳ ನೋವನ್ನು ನೋಡಲಾಗದ ಪ್ರೇಮಗೆ ಕೂದಲು ಮಾರುವವರೊಬ್ಬರು ತಲೆ ಬೋಳಿಸಿ ಕೂದಲು ನೀಡಿದರೆ 150 ರೂ. ನೀಡುವುದಾಗಿ ಹೇಳಿದ್ದಾರೆ.
ಆಗ ಕೊಡಲೇ ತಮ್ಮ ಕೂದಲು ಬೋಳಿಸಿಕೊಂಡ ಪ್ರೇಮ, ಕೂದಲನ್ನು ನೀಡಿ 150 ರೂ. ಪಡೆದು ಮಕ್ಕಳಿಗೆ ಹೊಟ್ಟೆ ತುಂಬಾ ಊಟ ಕೊಡಿಸಿ. ನಂತರ ಉಳಿದ ಹಣದಲ್ಲಿ ಕೀಟನಾಶಕ ಖರೀದಿಸಿ ಅದನ್ನು ಸೇವಿಸಿ ಆತ್ಮಹತ್ಯೆ ಮಾಡಿಕೊಳ್ಳಲು ಪ್ರಯತ್ನಿಸಿದ್ದಾರೆ. ಆದರೆ ಸ್ಥಳೀಯರು ಆಕೆಯನ್ನು ಕಾಪಾಡಿದ್ದಾರೆ.
ಜಿ ಬಾಲಾ ಎಂಬವರು ಪ್ರೇಮಾ ಅವರ ಕಥೆಯನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದು, ಕೆಲ ದಾನಿಗಳು ಅವರಿಗೆ ಧನ ಸಹಾಯ ಮಾಡುವುದಾಗಿ ಮುಂದೆ ಬಂದಿದ್ದಾರೆ. ಜೊತೆಗೆ ಜಿಲ್ಲಾಡಳಿತ ಆಕೆಗೆ ಮಾಸಿಕ ವಿಧವೆಯ ಪಿಂಚಣಿಯನ್ನು ಮಂಜೂರು ಮಾಡುವುದಾಗಿ ಹೇಳಿದೆ.
