ನವದೆಹಲಿ: ಮಾಸ್ಟರ್ ಬ್ಲಾಸ್ಟರ್, ದಾಖಲೆಗಳ ವೀರ ಸಚಿನ್ ತೆಂಡೂಲ್ಕರ್ ಇಂದು ಟ್ವಿಟ್ಟರ್ ನಲ್ಲಿ ವಿಡಿಯೋ ಅಪ್ಲೋಡ್ ಮಾಡಿ ಅಭಿಮಾನಿಗಳಲ್ಲಿ ತೀರ್ಪು ಕೇಳಿದ್ದಾರೆ.
ಇಂದು ಮಧ್ಯಾಹ್ನ ಟ್ವಿಟ್ಟರ್ ನಲ್ಲಿ ಕೆಲವರು ಕ್ರಿಕೆಟ್ ಆಡುತ್ತಿರುವ ವಿಡಿಯೋ ಹಂಚಿಕೊಂಡಿರುವ ಸಚಿನ್, ನನ್ನ ಗೆಳೆಯ ಈ ವಿಡಿಯೋ ಶೇರ್ ಮಾಡಿದರು. ಇದೊಂದು ಅಸಾಧಾರಣ ವಿಡಿಯೋ ಇದಾಗಿದ್ದು, ನೀವೇ ಅಂಪೈರ್ ಸ್ಥಾನದಲ್ಲಿ ನಿಂತು ತೀರ್ಪು ನೀಡಿ ಎಂದು ಬರೆದುಕೊಂಡಿದ್ದಾರೆ.
A friend shared this video with me.
Found it very unusual!
What would your decision be if you were the umpire? ???? pic.twitter.com/tJCtykEDL9— Sachin Tendulkar (@sachin_rt) July 24, 2019
ವಿಡಿಯೋದಲ್ಲಿ ಏನಿದೆ?
31 ಸೆಕೆಂಡ್ ನ ವಿಡಿಯೋದಲ್ಲಿ ಕೆಲವರು ಕ್ರಿಕೆಟ್ ಆಡುತ್ತಿರುತ್ತಾರೆ. ಎಡಗೈ ಬ್ಯಾಟ್ಸ್ ಮನ್ ಬೌಲ್ಡ್ ಆಗುತ್ತಾನೆ. ಆದ್ರೆ ಸ್ಟಂಪ್ ಮೇಲಿರಿಸಿರುವ ಬೇಲ್ಸ್ ಬೀಳಲ್ಲ. ಬೌಲರ್ ಔಟ್ ಎಂದು ಮನವಿ ಸಲ್ಲಿಸುತ್ತಾನೆ. ಬಾಲ್ ವಿಕೆಟ್ ಸ್ಟಂಪ್ ಗೆ ಕೂದಲೆಳೆಯಲ್ಲಿ ತಾಗಿದ್ದರಿಂದ ಬೇಲ್ಸ್ ಬೀಳದೇ ವಿಕೆಟಿನ ಮೇಲೆ ನಿಂತುಕೊಳ್ಳುತ್ತದೆ. ಬ್ಯಾಟ್ಸ್ ಮನ್ ಬಳಿ ಬಂದ ಅಂಪೈರ್ ಬೇಲ್ಸ್ ಸರಿಪಡಿಸಿ ನಾಟೌಟ್ ಎಂದು ತೀರ್ಪು ನೀಡುತ್ತಾರೆ. ಮತ್ತೆ ಕ್ರಿಕೆಟ್ ಆರಂಭಗೊಳ್ಳುತ್ತದೆ.
ಸದ್ಯ ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಮಿಂಚಿನಂತೆ ಹರಿದಾಡುತ್ತಿದ್ದು, ನೆಟ್ಟಿಗರು ಭಿನ್ನ ಭಿನ್ನ ಉತ್ತರಗಳನ್ನು ನೀಡುತ್ತಿದ್ದಾರೆ. ಕೆಲವರು ಸ್ಟಂಪ್ ಗೆ ಬಾಲ್ ತಾಗಿಲ್ಲ, ಕೇವಲ ಚೆಂಡು ಬಂದ ವೇಗದ ಗಾಳಿಗೆ ಬೇಲ್ಸ್ ಅಲುಗಾಡಿದೆ ಎಂದು ಕಮೆಂಟ್ ಮಾಡಿದ್ರೆ, ಮತ್ತೆ ಕೆಲವರು ಬಾಲ್ ತಾಗಿದ್ದು ಅಂಪೈರ್ ಔಟ್ ಎಂದು ತೀರ್ಪು ಕೊಡಬೇಕು. ಬೇಲ್ಸ್ ಮಧ್ಯದ ವಿಕೆಟ್ ಮೇಲೆ ನಿಂತಿಲ್ಲದ ಪರಿಣಾಮ ಔಟ್ ನೀಡಬೇಕೆಂದು ವಾದಿಸಿದ್ದಾರೆ.
https://twitter.com/bhishmanew/status/1153968592418852864
