ಬೆಂಗಳೂರು: ಜೀ ಕನ್ನಡದ ಜನಪ್ರಿಯ ಸಿಂಗಿಂಗ್ ರಿಯಾಲಿಟಿ ಶೋ ಸರಿಗಮಪ ಸೀಸನ್ 15 ಚಾಂಪಿಯನ್ ಆಗಿ ಕೀರ್ತನ್ ಹೊಳ್ಳ ಪ್ರಶಸ್ತಿಯನ್ನು ಮುಡಿಗೇರಿಸಿಕೊಂಡಿದ್ದಾರೆ.
ಶನಿವಾರ ಬೆಂಗಳೂರಿನ ಕೋರಮಂಗಲದ ನ್ಯಾಷನಲ್ ಸ್ಟೇಡಿಯಂನಲ್ಲಿ ನಡೆದ ಫೈನಲ್ ಹಣಾಹಣಿಯಲ್ಲಿ ಕೀರ್ತನ್ ಹೊಳ್ಳಗೆ ಗ್ರಾಮೀಣ ಪ್ರತಿಭೆ ಹನುಮಂತ ಹಾಗೂ ಸಾದ್ವಿನಿ ತೀವ್ರ ಪೈಪೋಟಿ ನೀಡಿದರು. ಅಂತಿಮವಾಗಿ ಕೀರ್ತನ್ ಹೊಳ್ಳ ಚಾಂಪಿಯನ್ ಆಗಿದ್ದು, ಹನುಮಂತ ರನ್ನರ್ ಅಪ್ ಆಗಿದ್ದಾರೆ.
ನಿಹಾಲ್ ತಾವ್ರೂ, ವಿಜೇತ, ಹನುಮಂತ, ಕೀರ್ತನ್ ಹೊಳ್ಳ, ಋತ್ವಿಕ್ ಮತ್ತು ಸಾದ್ವಿನಿ ಫೈನಲ್ ತಲುಪಿದ್ದರು. ಕ್ಲಾಸಿಕಲ್ ಟ್ರೇನೆಡ್ ಕೀರ್ತನ್ ಹೊಳ್ಳ 15ನೇ ಆವೃತ್ತಿಯ ವಿನ್ನರ್ ಎಂದು ನಾದಬ್ರಹ್ಮ ಹಂಸಲೇಖ ಘೋಷಣೆ ಮಾಡಿದರು. ಮೆಲೋಡಿ ಕಿಂಗ್ ರಾಜೇಶ್ ಕೃಷ್ಣನ್, ಮ್ಯಾಜಿಕಲ್ ಕಂಪೋಸರ್ ಅರ್ಜುನ್ ಜನ್ಯ ಮತ್ತು ಕಂಚಿನ ಕಂಠದ ವಿಜಯ್ ಪ್ರಕಾಶ್ ರಿಯಾಲಿಟಿ ಶೋದ ತೀರ್ಪುಗಾರರಾಗಿದ್ದರು.
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv
