ಹೆಸರಾಂತ ನಟ ರಘು ಬಾಲಯ್ಯ ನಿಧನ

ಜ್ಯೂನಿಯರ್ ಬಾಲಯ್ಯ ಎಂದೇ ಖ್ಯಾತರಾಗಿದ್ದ ತಮಿಳಿನ (Tamil) ಹೆಸರಾಂತ ನಟ ರಘು ಬಾಲಯ್ಯ (Raghu Balaiah) ಇಂದು ನಿಧನರಾಗಿದ್ದಾರೆ (Passed away). ಉಸಿರಾಟದ ತೊಂದರೆಯಿಂದ ಬಳಲುತ್ತಿದ್ದ ಅವರು ಚಿಕಿತ್ಸೆ ಪಡೆಯುತ್ತಿದ್ದರು. ಚಿಕಿತ್ಸೆ ಫಲಕಾರಿಯಾಗದೇ ತಮ್ಮ ಚೆನ್ನೈನ (Chennai) ವಲಸರವಕ್ಕಂನ ನಿವಾಸದಲ್ಲಿ ಕೊನೆಯುಸಿರೆಳೆದಿದ್ದಾರೆ.

ಹೆಸರಾಂತ ಹಿರಿಯ ನಟ ಟಿ.ಎಸ್.ಬಾಲಯ್ಯ ಅವರ ಪುತ್ರರಾಗಿದ್ದ ರಘು ಅವರಿಗೆ 70 ವರ್ಷ ವಯಸ್ಸಾಗಿತ್ತು. ಮೇಲ್ನಾಟ್ಟು ಮರುಮಗಳು ಸಿನಿಮಾ ಮೂಲಕ ಚಿತ್ರೋದ್ಯಮಕ್ಕೆ ಕಾಲಿಟ್ಟಿದ್ದ ರಘು, ಆನಂತರ ಸುಂದರ ಕಾಂಡಂ, ಸಾತ್ತೈ ಸೇರಿದಂತೆ ಅನೇಕ ಸಿನಿಮಾಗಳಲ್ಲಿ ನಟಿಸಿದ್ದರು. ಸಿನಿಮಾಗಳಲ್ಲಿ ಮಾತ್ರವಲ್ಲ, ಸೀರಿಯಲ್ ಗಳಲ್ಲೂ ಅವರೂ ಕಾಣಿಸಿಕೊಂಡಿದ್ದರು.

ಮೃತರ ಅಂತ್ಯಕ್ರಿಯೆ ಸಂಜೆ ನಡೆಯಲಿದ್ದು, ಅವರ ಅಂತಿಮ ದರ್ಶನಕ್ಕೆ ಈಗಾಗಲೇ ವ್ಯವಸ್ಥೆ ಮಾಡಲಾಗಿದೆ. ತಮಿಳು ಚಿತ್ರೋದ್ಯಮದ ಅನೇಕರು ಅಂತಿಮ ದರ್ಶನ ಪಡೆಯುತ್ತಿದ್ದಾರೆ. ನಟ ಅಜಿತ್ ಸೇರಿದಂತೆ ಹಲವರು ಕಂಬನಿ ಮಿಡಿದಿದ್ದಾರೆ.