ಬೆಂಗಳೂರು: ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ನಾಯಕ ವಿರಾಟ್ ಕೊಹ್ಲಿ ವಿಶ್ವದ ನಂ.1 ಬ್ಯಾಟ್ಸ್ ಮನ್ ಎನಿಸಿಕೊಂಡಿದ್ದು, ಇತ್ತ ನಂ.1 ಬೌಲರ್ ಆಗಿರುವ ಮುಂಬೈ ಇಂಡಿಯನ್ಸ್ ತಂಡದ ಬುಮ್ರಾ ನಡುವಿನ ಕದನಕ್ಕೆ ವೇದಿಕೆ ಸಿದ್ಧವಾಗಿದೆ.
2019ರ ಟೂರ್ನಿಯ ಮೊದಲ ತವರು ಪಂದ್ಯವನ್ನು ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಗೆಲ್ಲಲು ಆರ್ ಸಿಬಿ ಉತ್ಸಾಹಿಯಾಗಿದೆ. ಇತ್ತ ಗಾಯದ ಸಮಸ್ಯೆಯಿಂದ ಚೇತರಿಸಿಕೊಂಡಿರುವ ಬುಮ್ರಾ ಇಂದಿನ ಪಂದ್ಯ ಆಡುವುದು ಬಹುತೇಕ ಖಚಿತವಾಗಿದೆ. ಮುಂಬೈ ತಂಡ ಕೂಡ ಟೂರ್ನಿಯಲ್ಲಿ ಮೊದಲ ಗೆಲುವಿನ ನಿರೀಕ್ಷೆಯಲ್ಲಿದೆ. ಇತ್ತಂಡಗಳು ಟೂರ್ನಿಯ ಮೊದಲ ಪಂದ್ಯದಲ್ಲಿ ಸೋತಿದ್ದವು.
ಮುಂಬೈ ತಂಡಕ್ಕೆ ಅನುಭವಿ ಬೌಲರ್ ಲಸಿತ್ ಮಾಲಿಂಗ್ ಕೂಡ ಲಭ್ಯವಾಗಿದ್ದು, ತಂಡದ ಬೌಲಿಂಗ್ ಸಾಮಥ್ರ್ಯ ಹೆಚ್ಚಾಗಿದೆ. ಯುವರಾಜ್ ಸಿಂಗ್ ಫಾರ್ಮ್ ಕೂಡ ಮುಂಬೈ ಬೌಲಿಂಗ್ ಶಕ್ತಿಯನ್ನು ಮತ್ತಷ್ಟು ಹೆಚ್ಚಿಸಿದೆ. ಬುಮ್ರಾ ಡೆಲ್ಲಿ ಕ್ಯಾಪಿಟಲ್ಸ್ ಪಂದ್ಯದಲ್ಲಿ ಗಾಯಗೊಂಡ ಬಳಿಕ ಅಭ್ಯಾಸಕ್ಕೆ ಹಾಜರಾಗಿದ್ದರು. ಅಲ್ಲದೇ ಸಾಮಾಜಿಕ ಜಾಲತಾಣದಲ್ಲಿ ಫೋಟೋ ಶೇರ್ ಮಾಡಿ ಪಂದ್ಯಕ್ಕೆ ಸಿದ್ಧ ಎಂದು ತಿಳಿಸಿದ್ದರು.
ಟೂರ್ನಿಯ ಆರಂಭಕ್ಕೂ ಮುನ್ನ ಜಾಹೀರಾತಿನಲ್ಲಿ ಬುಮ್ರಾ, ಕೊಹ್ಲಿ ಸವಾಲು ಎಸೆದಿದ್ದರು. ಅಲ್ಲದೇ ಕೊಹ್ಲಿ ಕೂಡ ಸವಾಲು ಸ್ವೀಕರಿಸಿದ್ದರು. ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ರನ್ ಹೊಳೆ ಹರಿಯುವ ನಿರೀಕ್ಷೆಯಿದೆ.
Bold Army! Get ready for the first home match with the all-new official RCB anthem of this season. Let's cheer bold because Yaare Barali, RCB! Yeney Barali, RCB! #PlayBold #VIVOIPL2019 pic.twitter.com/KPg4O2Uu5f
— Royal Challengers Bangalore (@RCBTweets) March 27, 2019
???? | Watch and find out why we love playing at the Chinnaswamy ????????#OneFamily #CricketMeriJaan #MumbaiIndians #RCBvMI pic.twitter.com/2w0NOR8emT
— Mumbai Indians (@mipaltan) March 28, 2019
