ಬೆಂಗಳೂರು: ಐಪಿಎಲ್‍ನಲ್ಲಿ ರಾಯಲ್ ಚಾಲೆಂಜರ್ಸ್ ತಂಡ ಗೆಲ್ಲಲಿ ಅಥವಾ ಸೋಲಲಿ. ಅಭಿಮಾನಿಗಳ ಕ್ರೇಜ್ ಮಾತ್ರ ಕಡಿಮೆ ಆಗುವುದಿಲ್ಲ. ಆರ್‌ಸಿಬಿ ತಂಡದ ಕ್ರಿಕೆಟರ್ಸ್ ತಮ್ಮ ತಂಡದ ಫ್ಯಾನ್ಸ್ ಗಳಿಗೆ ವಿಭಿನ್ನವಾಗಿ ಚಿಯರ್ ಮಾಡಿದ್ದಾರೆ.
ನಗರದ ಖಾಸಗಿ ಮಾಲ್ ನಲ್ಲಿ ಕಿಂಗ್ ಫಿಶರ್ ಬೌಲ್ ಔಟ್ ಸೀಸನ್-6 ಎಂಬ ಹೆಸರಿನಲ್ಲಿ, ಕಾರ್ಯಕ್ರಮವೊಂದನ್ನು ಆಯೋಜಿಸಲಾಗಿತ್ತು. ಈ ಕಾರ್ಯಕ್ರಮದಲ್ಲಿ ಆರ್‌ಸಿಬಿ ತಂಡದ ಮೂವರು ಆಟಗಾರರಾದ ಪಾರ್ಥಿವ್ ಪಟೇಲ್, ಹೈನ್ರಿಚ್ ಕ್ಲಾಸೆನ್ ಮತ್ತು ನವದೀಪ ಸೈನಿ ಆಗಮಿಸಿದ್ದರು.
ಈ ಕಾರ್ಯಕ್ರಮದಲ್ಲಿ ಮೂವರು ಆಟಗಾರರು 25 ಅದೃಷ್ಟಶಾಲಿ ಅಭಿಮಾನಿಗಳು ಬೌಲಿಂಗ್ ಹಾಕಿದ್ದರು. ಅಭಿಮಾನಿಗಳ ಬೌಲಿಂಗ್‍ಗೆ ಕ್ರಿಕೆಟರ್ಸ್ ಗಳು ಬ್ಯಾಟ್ ಬೀಸಿದರು. ಅಲ್ಲದೆ ಕ್ರಿಕೆಟರ್ಸ್ ಅಭಿಮಾನಿಗಳ ಜೊತೆ ಸಮಯ ಕಳೆದಿದ್ದಾರೆ. ಈ ವೇಳೆ ಅಭಿಮಾನಿಗಳ ಆರ್‌ಸಿಬಿ, ಆರ್‌ಸಿಬಿ ಎಂಬ ಕೇಕೆ ಮುಗಿಲು ಮುಟ್ಟಿತ್ತು.
