ತಮಿಳು ಸಿನಿಮಾ ರಂಗದಿಂದ ಸೂಪರ್ ಸುದ್ದಿಯೊಂದು ಬಂದಿದೆ. ದಕ್ಷಿಣದ ಅತೀ ಹೆಚ್ಚು ಸಂಭಾವನೆ ಪಡೆಯುವ ನಟಿಯರಲ್ಲಿ ಕನ್ನಡದ ಬೆಡಗಿ ರಶ್ಮಿಕಾ ಮಂದಣ್ಣ ಮುಂದಿದ್ದಾರೆ ಎನ್ನಲಾಗುತ್ತಿದೆ. ಈವರೆಗೂ ಪೂಜಾ ಹೆಗಡೆ ಹೆಸರು ಕೇಳಿ ಬರುತ್ತಿತ್ತು, ಇದೀಗ ಪೂಜಾರನ್ನು ಸೈಡ್ ಹಾಕಿ, ವಿಜಯ್ ನಟನೆಯ ಸಿನಿಮಾಗೆ ಐದು ಕೋಟಿ ಸಂಭಾವನೆ ಪಡೆಯುವ ಮೂಲಕ ನಂಬರ್ ಒನ್ ಸ್ಥಾನವನ್ನು ಅಲಂಕರಿಸಿದ್ದಾರಂತೆ ರಶ್ಮಿಕಾ.
ದಳಪತಿ ವಿಜಯ್ ಜೊತೆ ಸದ್ಯ ರಶ್ಮಿಕಾ ನಟಿಸುತ್ತಿದ್ದು, ಈ ಚಿತ್ರಕ್ಕೆ ಅವರು ತಗೆದುಕೊಂಡ ಸಂಭಾವನೆ ಬರೋಬ್ಬರಿ 5 ಕೋಟಿ ರೂಪಾಯಿ ಎನ್ನಲಾಗುತ್ತಿದೆ. ಇಷ್ಟು ದೊಡ್ಡ ಮೊತ್ತದ ಸಂಭಾವನೆಯನ್ನು ದಕ್ಷಿಣದ ನಟಿಯರು ಇಷ್ಟು ಬೇಗ ಯಾರೂ ಪಡೆದಿಲ್ಲ ಎನ್ನುವುದು ಮತ್ತೊಂದು ದಾಖಲೆ. ಅತೀ ಹೆಚ್ಚು ಸಂಭಾವನೆ ಮತ್ತು ಹೆಚ್ಚು ಸಿನಿಮಾಗಳನ್ನು ನಟಿಸುತ್ತಿರುವ ಪಟ್ಟಿಯಲ್ಲೂ ರಶ್ಮಿಕಾಗೆ ಮೊದಲ ಸ್ಥಾನ ಸಿಕ್ಕಿದೆ. ತಮಿಳು, ತೆಲುಗು, ಹಿಂದಿ ಸೇರಿದಂತೆ ಅವರು ಆರು ಸಿನಿಮಾಗಳಲ್ಲಿ ಸದ್ಯ ನಟಿಸುತ್ತಿದ್ದಾರೆ. ಇದನ್ನೂ ಓದಿ: ಮಗುವಿನೊಂದಿಗೆ ಅಣ್ಣಮ್ಮ ದೇವಸ್ಥಾನಕ್ಕೆ ಪ್ರಣಿತಾ ಸುಭಾಷ್ ಭೇಟಿ
ಪೂಜಾ ಹೆಗಡೆ ಈವರೆಗೂ 3.50 ಕೋಟಿ ಸಂಭಾವನೆ ಪಡೆಯುತ್ತಿದ್ದರಂತೆ. ಏಕಾಏಕಿ ರಶ್ಮಿಕಾ ತಮ್ಮ ಸಂಭಾವನೆಯನ್ನು ಏರಿಸಿಕೊಳ್ಳುವ ಮೂಲಕ ಪೂಜಾರನ್ನು ಹಿಂದಿಕ್ಕಿದ್ದಾರೆ. ದೊಡ್ಡ ಮೊತ್ತದ ಸಂಭಾವನೆಯನ್ನು ಪಡೆಯುವ ಮೂಲಕ ಇತರ ನಾಯಕಿಯರನ್ನು ಅಚ್ಚರಿಗೆ ದೂಡಿದ್ದಾರೆ. ಪುಷ್ಪಾ ಯಶಸ್ಸಿನ ನಂತರ ರಶ್ಮಿಕಾ ಸಂಭಾವನೆ ಎರಡ್ಮೂರು ಬಾರಿ ಏರಿಕೆಯಾಗಿದೆ ಎನ್ನಲಾಗುತ್ತಿದೆ.
