ನ್ಯಾಷನಲ್ ಕ್ರಶ್ ರಶ್ಮಿಕಾ ಮಂದಣ್ಣ (Rashmika Mandanna) ಮತ್ತು ವಿಜಯ್ ದೇವರಕೊಂಡ (Vijay Devarakonda) ನಡುವಿನ ಫ್ರೆಂಡ್ ಶಿಪ್ ಮುರಿದು ಬಿದ್ದಿದೆಯಾ? ಹಾಗಂತ ಮಾತನಾಡಿಕೊಳ್ಳುತ್ತಿದೆ ತೆಲುಗು ಹಾಗೂ ತಮಿಳು ಚಿತ್ರರಂಗ. ಡೇಟಿಂಗ್ ಮಾಡುತ್ತಿದ್ದಾರೆ ಎನ್ನುವ ಕಾರಣಕ್ಕಾಗಿ ಅತೀ ಹೆಚ್ಚು ಗಾಸಿಪ್ ಗೆ ಒಳಗಾದ ಈ ಜೋಡಿ ಇದೀಗ ದೂರ ದೂರ ಆಗಿದ್ದಾರೆ ಎಂದು ಹೇಳಲಾಗುತ್ತಿದೆ. ಹಾಗಾಗಿಯೇ ವಿಜಯ್ ದೇವರಕೊಂಡರಿಂದ ರಶ್ಮಿಕಾ ಅಂತರವನ್ನು ಕಾಪಾಡಿಕೊಳ್ಳುತ್ತಿದ್ದಾರೆ.
ವಿಜಯ್ ದೇವರಕೊಂಡ ಸಿನಿಮಾ ರಿಲೀಸ್ ಇರಲಿ, ಹುಟ್ಟು ಹಬ್ಬವೇ (Birthday) ಆಗಿರಲಿ ರಶ್ಮಿಕಾ ವಿಶೇಷವಾಗಿ ಸೆಲೆಬ್ರೇಟ್ ಮಾಡುತ್ತಿದ್ದರು. ಒಂದೊಳ್ಳೆ ಫೋಟೋ ಹಂಚಿಕೊಂಡು ವಿಶ್ ಮಾಡುತ್ತಿದ್ದರು. ಆದರೆ, ಈ ಬಾರಿಯ ಹುಟ್ಟು ಹಬ್ಬಕ್ಕೆ ಅದ್ಯಾವುದೂ ಆಗಿಲ್ಲ. ವಿಜಯ್ ದೇವರಕೊಂಡ ಹುಟ್ಟು ಹಬ್ಬದ ಬಗ್ಗೆ ಒಂದು ಅಕ್ಷರ ಕೂಡ ಬರೆದಿಲ್ಲ. ಅಲ್ಲದೇ, ಹುಟ್ಟು ಹಬ್ಬದ ಸಂಭ‍್ರಮದಲ್ಲೂ ಭಾಗಿಯಾಗಿಲ್ಲ. ಇದನ್ನೂ ಓದಿ:ಲವರ್‌ಗಾಗಿ ಕವಿತೆ ಬರೆದ ‘ಗಟ್ಟಿಮೇಳ’ ನಟಿ ನಿಶಾ? ಹುಡುಗ ಯಾರು?
ಈ ಜೋಡಿಯ ನಡೆ ಈವರೆಗೂ ಅರ್ಥವಾಗುತ್ತಿಲ್ಲ ಎನ್ನುವ ಮಾತುಗಳನ್ನೂ ಹಲವರು ಆಡಿದ್ದಾರೆ. ಸಡನ್ನಾಗಿ ವಿದೇಶದಲ್ಲಿ ಕಾಣಿಸಿಕೊಳ್ಳುವ ರಶ್ಮಿಕಾ ಹಾಗೂ ವಿಜಯ್ ದೇವರಕೊಂಡ ಆನಂತರ ಇಬ್ಬರ ಮಧ್ಯೆ ಏನೂ ಇಲ್ಲ ಎನ್ನುವಂತೆ ಉಳಿದುಕೊಂಡು ಬಿಡುತ್ತಾರೆ. ಇಬ್ಬರಿಗೂ ಪರಿಚಯವೇ ಇಲ್ಲ ಎನ್ನುವಂತೆ ವರ್ತಿಸುತ್ತಾರೆ. ಹೀಗಾಗಿ ಡೇಟಿಂಗ್ (Dating) ವಿಚಾರವಾಗಿ ಈ ಜೋಡಿಯನ್ನೇ ಸೀರಿಯಸ್ ಆಗಿಯೂ ತಗೆದುಕೊಂಡಿಲ್ಲ.
ವಿಜಯ್ ದೇವರಕೊಂಡ ಹುಟ್ಟು ಹಬ್ಬಕ್ಕೆ ಈ ಬಾರಿ ರಶ್ಮಿಕಾ ವಿಶ್ ಮಾಡದೇ ಇರೋದು ಸಾಕಷ್ಟು ಅನುಮಾನ ಮತ್ತು ಚರ್ಚೆಯನ್ನು ಹುಟ್ಟು ಹಾಕಿದೆ. ನಿಜವಾಗಿಯೂ ಇವರು ಬ್ರೇಕ್ ಅಪ್ (Break Up) ಮಾಡಿಕೊಂಡಿದ್ದಾರಾ ಅಥವಾ ಜನರಿಗೆ ಕಾಣದಂತೆ ಲವ್ವಿಡವ್ವಿ ನಡೆಸ್ತಿದ್ದಾರಾ ಎನ್ನುವ ಅನುಮಾನವನ್ನೂ ವ್ಯಕ್ತ ಪಡಿಸಿದ್ದಾರೆ. ಆದರೆ, ಈ ಬಾರಿ ರಶ್ಮಿಕಾ ವಿಶ್ ಮಾಡದೇ ಇರುವುದು ಭಾರೀ ಕುತೂಹಲವನ್ನಂತೂ ಮೂಡಿಸಿದೆ.
