ಮುಂಬೈ: ಬಾಲಿವುಡ್ ನ ಹ್ಯಾಂಡ್‍ಸಮ್ ಹೀರೋ ರಣ್‍ವೀರ್ ಸಿಂಗ್ ಪೊಲೀಸ್ ಪೇದೆಯೊಬ್ಬರಿಗೆ ಕಿಸ್ ಕೊಟ್ಟಿರುವ ಫೋಟೋ ಸಾಮಾಜಿಕ ಜಾಲತಾಣಗಳಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದೆ.
ಹೌದು. ರಣ್‍ವೀರ್ ಸಿಂಗ್ ಜಿಮ್ ಮುಗಿಸಿಕೊಂಡು ಬಂದಾಗ ಪೊಲೀಸ್ ಪೇದೆಯೊಬ್ಬರನ್ನು ಭೇಟಿಯಾಗಿದ್ದಾರೆ. ಪೊಲೀಸ್ ಪೇದೆ ನಾನು ನಿಮ್ಮ ಅಭಿಮಾನಿ ಎಂದು ಹೇಳಿದ್ದು, ಕೊನೆಗೆ ಹೋಗುವಾಗ ರಣ್‍ವೀರ್ ಕಿಸ್ ಕೊಟ್ಟಿದ್ದಾರೆ. ಸದ್ಯ ಈ ಫೋಟೋಗಳು ಸೋಶಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿವೆ.
ರಣ್‍ವೀರ್ ಯಾವಗಲೂ ಎಲ್ಲ ನಟರಗಿಂತ ವಿಭಿನ್ನವಾಗಿ ಕಾಣಿಸುತ್ತಾರೆ. ತಮ್ಮ ಜೀವನ ಶೈಲಿ, ಡ್ರೆಸಿಂಗ್, ಹೇರ್ ಸ್ಟೈಲ್ ಹೀಗೆ ಎಲ್ಲದರಲ್ಲಿಯೂ ರಣ್‍ವೀರ್ ಡಿಫರೆಂಟ್ ಆಗಿರುತ್ತಾರೆ. ಈ ಹಿಂದೆ ರಣ್‍ವೀರ್ ಸಿಂಗ್ ತಮ್ಮ ಟ್ವಿಟರ್ ಮತ್ತು ಇನ್‍ ಸ್ಟಾಗ್ರಾಂನಲ್ಲಿ ಲಂಗ ಹಾಕಿಕೊಂಡಿರುವ ಫೋಟೋವೊಂದನ್ನು ಅಪ್ಲೋಡ್ ಮಾಡಿಕೊಂಡಿದ್ದರು. ಅದಕ್ಕೆ ಗೆಳತಿ ಗುಳಿ ಕೆನ್ನೆ ಬೆಡಗಿ ದೀಪಿಕಾ `ನೋ’ ಎಂದು ಕಮೆಂಟ್ ಮಾಡಿ ನಾಯಿ ಮರಿಗಳು ಕಣ್ಮುಚ್ಚಿರುವ ಮೂರು ಎಮೋಜಿಗಳನ್ನು ಹಾಕಿದ್ದರು.
ಸದ್ಯ ಪದ್ಮಾವತಿಯ ಸಿನಿಮಾದ ಪ್ರಮೋಷನ್ ದಲ್ಲಿ ರಣ್‍ವೀರ್ ಬ್ಯುಸಿಯಾಗಿದ್ದಾರೆ. ಪದ್ಮಾವತಿ ಭಾರತೀಯ ಸಿನಿರಂಗದ ಬಹುನಿರೀಕ್ಷಿತ ಸಿನಿಮಾ ಆಗಿದ್ದು, ಅಲ್ಲಾವುದ್ದೀನ್ ಖಿಲ್ಜಿ ಪಾತ್ರದಲ್ಲಿ ರಣ್‍ವೀರ್ ಸಿಂಗ್ ನಟಿಸಿದ್ದಾರೆ. ಪದ್ಮಾವತಿಯಾಗಿ ನಟಿ ದೀಪಿಕಾ ನಟಿಸಿದರೆ, ರಾಜ ರಾವಲ್ ರತನ್ ಸಿಂಗ್ ಪಾತ್ರದಲ್ಲಿ ಶಾಹಿದ್ ಕಪೂರ್ ಬಣ್ಣ ಹಚ್ಚಿದ್ದಾರೆ. ಈಗಾಗಲೇ ಫಸ್ಟ್ ಲುಕ್, ಟ್ರೇಲರ್ ಮತ್ತು ಹಾಡುಗಳಿಂದ ಜನಮನ್ನಣೆ ಗಳಿಸಿರುವ ಪದ್ಮಾವತಿ ಡಿಸೆಂಬರ್ 01ರಂದು ದೇಶಾದ್ಯಂತ ಬಿಡುಗಡೆಯಾಗಲಿದೆ.
