ಮುಂಬೈ: ಬಾಲಿವುಡ್ ಸ್ಟಾರ್ ರಣ್‍ವೀರ್ ಸಿಂಗ್ ಹಾಗೂ ದೀಪಿಕಾ ಪಡುಕೋಣೆ ಮುಂಬೈನ ರೆಸ್ಟೋರೆಂಟ್‍ಗೆ ಡಿನ್ನರ್ ಡೇಟ್‍ಗೆ ಹೋಗಿದ್ದರು. ಈ ವೇಳೆ ಕ್ಯಾಮೆರಾಗೆ ಪೋಸ್ ಕೊಡುವಾಗ ರಣ್‍ವೀರ್ ತನ್ನ ಪತ್ನಿ ದೀಪಿಕಾರ ಪ್ಯಾಂಟ್ ಕ್ಲೀನ್ ಮಾಡಿ ಕಿಸ್ ಕೊಟ್ಟ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ.
ಗುರುವಾರ ಸಂಜೆ ದೀಪಿಕಾ ಪಡುಕೋಣೆ ಹಾಗೂ ರಣ್‍ವೀರ್ ಸಿಂಗ್ ಡಿನ್ನರಿಗೆಂದು ರೆಸ್ಟೋರೆಂಟ್‍ಗೆ ಹೋಗಿದ್ದರು. ಅಲ್ಲಿಂದ ವಾಪಸ್ ಬರುವಾಗ ಅಲ್ಲಿದ್ದ ಮಾಧ್ಯಮದವರು ದೀಪ್‍ವೀರ್ ಗೆ ಫೋಟೋಗೆ ಪೋಸ್ ಕೊಡಿ ಎಂದು ಕೇಳಿಕೊಂಡಿದ್ದಾರೆ.
ಇಬ್ಬರು ಫೋಟೋಗೆ ಪೋಸ್ ಕೊಡುವ ವೇಳೆ ರಣ್‍ವೀರ್, ದೀಪಿಕಾ ಪ್ಯಾಂಟ್ ಮೇಲೆ ಕಸ ಇರುವುದನ್ನು ಗಮನಿಸಿದ್ದಾರೆ. ಬಳಿಕ ರಣ್‍ವೀರ್ ಪ್ಯಾಂಟ್ ನಲ್ಲಿದ್ದ ಕಸ ತೆಗೆದು ದೀಪಿಕಾಳನ್ನು ಗಟ್ಟಿಯಾಗಿ ಅಪ್ಪಿಕೊಂಡು ಆಕೆಯ ಹಣೆ ಮೇಲೆ ಕಿಸ್ ಮಾಡಿದ್ದಾರೆ. ನಂತರ ದೀಪಿಕಾ ಫೋಟೋಗ್ರಾಫರ್‍ ಗಳಿಗೆ ಧನ್ಯವಾದ ತಿಳಿಸಿ ಅಲ್ಲಿಂದ ಹೊರಟು ಹೋಗಿದ್ದಾರೆ.
ದೀಪಿಕಾ ತಮ್ಮ ಡಿನ್ನರ್ ಡೇಟ್‍ಗೆ ಕಪ್ಪು ಬಣ್ಣದ ಟೀ-ಶರ್ಟ್ ಧರಿಸಿ ಅದಕ್ಕೆ ನೀಲಿ ಬಣ್ಣದ ಡೆನಿಮ್ ಹಾಕಿದ್ದರು. ತಮ್ಮ ಉಡುಪಿಗೆ ದೀಪಿಕಾ ಬಿಳಿ ಬಣ್ಣದ ಸ್ನೀಕರ್ಸ್ ಧರಿಸಿದ್ದರು. ರಣ್‍ವೀರ್ ಕೆಂಪು ಹಾಗೂ ನೀಲಿ ಬಣ್ಣದ ಟೀ-ಶರ್ಟ್ ಧರಿಸಿ ಅದಕ್ಕೆ ಮರ ಹಾಗೂ ಪ್ರಾಣಿಗಳಿರುವ ಪ್ರಿಂಟೆಡ್ ಶೂ ಹಾಕಿದ್ದರು.
ರಣ್‍ವೀರ್ ಹಾಗೂ ದೀಪಿಕಾ ಅವರ ಈ ವಿಡಿಯೋ ವೈರಲ್ ಆಗಿದೆ. ಈ ವಿಡಿಯೋ ನೋಡಿ ಕೆಲವರು ಕ್ಯೂಟ್ ಕಪಲ್, ಮೇಡ್ ಫಾರ್ ಈಚ್ ಅದರ್ ಎಂದು ಕಮೆಂಟ್ ಮಾಡಿದ್ರೆ, ಮತ್ತೆ ಕೆಲವರು ರಣ್‍ವೀರ್ ನೀನು ಅಮ್ಮಾವ್ರ ಗಂಡ ಆಗಿದ್ದೀಯಾ ಎಂದು ಕಮೆಂಟ್ ಮಾಡಿದ್ದಾರೆ.
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv
