ಮುಂಬೈ: ಬಾಲಿವುಡ್ ನಟಿ ರಾಣಿ ಮುಖರ್ಜಿ ಹೆಣ್ಣು ಮಗುವಿನ ತಾಯಿಯಾದ ಬಳಿಕ ಸಿನಿಮಾ ಇಂಡಸ್ಟ್ರಿಗೆ ‘ಹಿಚ್ಕಿ’ ಸಿನಿಮಾದ ಮೂಲಕ ಕಮ್ ಬ್ಯಾಕ್ ಮಾಡುತ್ತಿದ್ದಾರೆ. ಈಗಾಗಲೇ ವಿಭಿನ್ನವಾದ ಕಥೆ ಹೊಂದಿರುವ ಹಿಚ್ಕಿ ಎಲ್ಲರನ್ನು ಸೆಳೆಯುವಲ್ಲಿ ಕ್ಲಿಕ್ ಆಗಿದೆ.
ಸಿನಿಮಾದ ಪ್ರಮೋಶನ್ ಗಾಗಿ ನೇಹಾ ಧುಪಿಯಾ ಚಾಟ್ ಶೋದಲ್ಲಿ ರಾಣಿ ಮುಖರ್ಜಿ ಭಾಗಿಯಾಗಿದ್ದ ವೇಳೆ, ತಮ್ಮ ಖಾಸಗಿ ಜೀವನದ ಬಗ್ಗೆಯೂ ಮಾತನಾಡಿದರು. ಮಗಳು ಅಧಿರಾ, ಪತಿ ಆದಿತ್ಯ ಚೋಪ್ರಾ ಬಗೆಗಿನ ಮಾತುಗಳನ್ನು ಚಾಟ್ ಶೋದಲ್ಲಿ ಹಂಚಿಕೊಂಡರು.
ನಿರೂಪಕಿ ನೇಹಾ ಧುಪಿಯಾ ನೀವು ನಿಮ್ಮ ಪತಿಗೆ ಬೈಯುತ್ತೀರಾ ಎಂದು ಪ್ರಶ್ನೆ ಕೇಳಿದ್ರು. ಹೌದು, ನನ್ನ ಪತಿಗೆ ನಾನು ಪ್ರತಿದಿನ ಬೈಯುತ್ತೇನೆ ಮತ್ತು ಶಾಪವನ್ನು ಹಾಕುತ್ತೇನೆ. ಆದ್ರೆ ಇದೆಲ್ಲವನ್ನೂ ಪ್ರೀತಿಯಿಂದ ಮಾಡುತ್ತೇನೆ, ವಿನಃ ಕೋಪದಿಂದಲ್ಲ. ನಾನು ಯಾರನ್ನು ಹೆಚ್ಚಾಗಿ ಪ್ರೀತಿಸುತ್ತೇನೋ ಅವರನ್ನು ನಾನು ಯಾವಾಗಲೂ ಬೈಯುತ್ತಿರುತ್ತೇನೆ. ನನಗೆ ಇಷ್ಟವಾದವರೊಂದಿಗೆ ಯಾವಾಗಲೂ ನಾನು ತರ್ಲೆ ಮಾಡುತ್ತಾ ಇರುತ್ತೇನೆ ಎಂದು ಉತ್ತರಿಸಿದ್ದಾರೆ.
ಹಿಚ್ಕಿ ಸಿನಿಮಾ ಮಾರ್ಚ್ 18ರಂದು ದೇಶಾದ್ಯಂತ ತೆರೆಕಾಣಲಿದೆ. ಸಿದ್ದಾರ್ಥ ಮಲ್ಹೋತ್ರಾ ನಿರ್ದೇಶನದಲ್ಲಿ ಸಿನಿಮಾ ಮೂಡಿಬಂದಿದ್ದು, ಮನೀಶ್ ಶರ್ಮಾ ಹಾಗೂ ಆದಿತ್ಯಾ ಚೋಪ್ರಾ ಜಂಟಿಯಾಗಿ ಬಂಡವಾಳ ಹೂಡಿದ್ದಾರೆ. ಯೂಟ್ಯೂಬ್ ನಲ್ಲಿ ‘ಹಿಚ್ಕಿ’ ಸಿನಿಮಾದ ಟ್ರೇಲರ್ 1 ಕೋಟಿಗೂ ಅಧಿಕ ಬಾರಿ ವೀಕ್ಷಣೆಯಾಗಿದೆ.
The star of #hitchki might make you choke with her confessions and candour. ???? Catch #RaniMukerji n @sabya_mukherjee on @jeepindia presents BFFs with @vogueIndia powered by @MotorolaIN, beauty partner @mynykaa only on @colors_infinity tonight at 8pm ???????????? pic.twitter.com/DVawyrSOMg
— Neha Dhupia (@NehaDhupia) February 17, 2018
