ಬಿಗ್‍ಬಾಸ್ ಮತ್ತೊಂದು ಫನ್ ಆಟವನ್ನೇ ಮನೆ ಸದಸ್ಯರಿಗೆ ನೀಡಿತ್ತು. ಅದು ಎರಡು ತಂಡದಿಂದ ಮೊದಲು ನಿಂತವರು ಚಿತ್ರವನ್ನು ನೋಡಿ ಬಿಡಿಸಬೇಕು. ಅವರನ್ನು ನೋಡಿ ಇನ್ನು ಮೂವರು ಅದೇ ಚಿತ್ರವನ್ನು ಬಿಡಿಸಬೇಕು. ಕಡೆಯಲ್ಲಿ ನಿಂತವರು ಆ ಚಿತ್ರವನ್ನು ಊಹಿಸಬೇಕು. ಈ ಆಟ ಐದು ರೌಂಡ್ ಇತ್ತು. ಪವರ್ ಸ್ಟಾರ್ ಟೀಂನಿಂದ ಚೈತ್ರಾ ಚಿತ್ರ ನೋಡಿ ಬಿಡಿಸುವ ಜವಾಬ್ದಾರಿ ತೆಗೆದುಕೊಂಡರು. ಜಿಂಗಲಕ ಟೀಂನಲ್ಲಿ ಸಾನ್ಯಾ ಚಿತ್ರವನ್ನು ನೋಡಿ ಬಿಡಿಸುವ ಜವಾಬ್ದಾರಿ ತೆಗೆದುಕೊಂಡರು.
ಈ ಆಟವನ್ನು ನೋಡಿ ನಕ್ಕು ನಕ್ಕು ಸುಸ್ತಾಗುವಂತೆ ಆಗಿತ್ತು. ಚೈತ್ರಾ ಒಳ್ಳೆ ಪೇಂಟರ್ ರೀತಿ ಚಿತ್ರ ಬಿಡಿಸುತ್ತಿದ್ದರೆ, ಅದನ್ನು ಕಂಡು ಜಯಶ್ರೀ ಕೊಡುತ್ತಿದ್ದ ರೂಪವೇ ಇನ್ನೊಂದು ರೀತಿ ಇರುತ್ತಿತ್ತು. ಅದನ್ನು ನೋಡಿದ ರೂಪೇಶ್ ಮತ್ತೊಂದು ರೀತಿ ಅರ್ಥ ಮಾಡಿಕೊಳ್ಳುತ್ತಿದ್ದರು. ಸೋನು ಇನ್ಯಾವುದೋ ರೀತಿಯಲ್ಲಿ ಅರ್ಥ ಮಾಡಿಕೊಂಡು ಬಿಡಿಸಿದ ಚಿತ್ರವನ್ನು ಫೈನಲಿ ರಾಕೇಶ್ ನೋಡಿ ಆ ಚಿತ್ರ ಯಾವುದು ಎಂದು ಹೇಳುವಷ್ಟರಲ್ಲಿ ತಲೆ ಕೆಡಿಸಿಕೊಂಡು ಕೂರುವ ಸ್ಥಿತಿ ತಲುಪಿತ್ತು. ಇದನ್ನೂ ಓದಿ: ಆರ್ಯವರ್ಧನ್ ಗುರೂಜಿಯವರಲ್ಲಿ ಅಪ್ಪನ ಪ್ರೀತಿ ಕಂಡೆ: ರೂಪೇಶ್ ಭಾವುಕ
ಜಿಂಗಲಕ ಟೀಂನವರು ಪವರ್ ಸ್ಟಾರ್ ಟೀಂಗಿಂತ ಉತ್ತಮವಾಗಿದ್ದರು. ಬಿಡಿಸಿದ ಚಿತ್ರಗಳಲ್ಲಿ ಮೂರು ಚಿತ್ರಗಳಿಗೆ ಸರಿಯಾದ ಉತ್ತರ ಹೇಳಿದ್ದರು. ಸಾನ್ಯಾ ತೋರಿಸಿದ ಚಿತ್ರವನ್ನು ಜಶ್ವಂತ್ ಒಂದು ಹಂತಕ್ಕೆ, ಗುರೂಜಿ ಇನ್ನೊಂದು ಹಂತಕ್ಕೆ, ನಂದಿನಿ ಮತ್ತೊಂದು ಹಂತಕ್ಕೆ ತಲುಪಿಸಿ, ಫೈನಲಿ ಅಕ್ಷತಾ ಸರಿಯಾದ ಉತ್ತರ ಹೇಳಿದ್ದರು. ಹೀಗಾಗಿ ಜಿಂಗಲಕ ಟೀಂ ಇದರಲ್ಲಿ ವಿನ್ ಆಗಿತ್ತು. ಇದನ್ನೂ ಓದಿ: ಬಿಗ್ ಬಾಸ್: ಹೋಟೆಲ್ ಊಟದತ್ತ ವಾಲಿದ ಜಶ್ವಂತ್- ನಂದು ಕಣ್ಣೀರು
ಪವರ್ ಸ್ಟಾರ್ ಟೀಂನಲ್ಲಿ ಸೋನು ಅಂದಾಜು ಮಾಡುತ್ತಿದ್ದದ್ದೇ ಕಾಮಿಡಿ ಎನಿಸಿದ್ದು. ಸೋನು ಹೇಳಿದ ಉತ್ತರಗಳು ಇಂತಿವೆ. ಚೈತ್ರಾ ತೋರಿಸಿದ್ದು ಕ್ಯಾಮೆರಾ ಚಿತ್ರ, ಆದರೆ ಸೋನು ಬರೆದಿದ್ದು ಡಂಬಲ್ಸ್ ಚಿತ್ರ. ಕೋತಿ ಚಿತ್ರವನ್ನು ಬೆಕ್ಕಿನ ರೀತಿ ಬಿಡಿಸಿದ್ದರು. ರಾಕೇಶ್ ಅದನ್ನೇ ಹೇಳಿದ್ದಾರೆ. ನೂಡಲ್ಸ್ ಅನ್ನು ಮೂಲಂಗಿಯಂತೆ ಸೋನು ಬರೆದಿದ್ದರು. ಇದೆಲ್ಲಾ ಇರಲಿ ಬಟರ್ ಫ್ಲೈ ಅನ್ನು ಕ್ಯಾರೆಟ್ ರೀತಿ ಬರೆದಿದ್ದಳು. ಸೋನು ಬರೆದಿದ್ದನ್ನು ಅರ್ಥೈಸಿಕೊಳ್ಳುವಲ್ಲಿ ರಾಕೇಶ್ ಸುಸ್ತೋ ಸುಸ್ತೋ ಎನ್ನುವಂತೆ ಆಗುತ್ತಿದ್ದರು. ಸೋನು ಬರೆದಿದ್ದು ಯಾವ ಚಿತ್ರ ಅಂತ ಗೆಸ್ ಮಾಡುವುದಕ್ಕೂ ಅವರಿಂದ ಆಗುತ್ತಿರಲಿಲ್ಲ. ಆದರೆ ಅಲ್ಲಿ ಟೈಮ್ ಔಟ್ ಆಗುತ್ತಿದ್ದ ಕಾರಣ ಯಾವುದೋ ಒಂದು ಹೆಸರನ್ನು ಸೂಚಿಸುತ್ತಿದ್ದರು.
ಫೈನಲಿ ಜಿಂಗಲಕಾ ಟೀಂ ವಿನ್ ಆಯಿತು. ಇದು ಪವರ್ ಸ್ಟಾರ್ ಟೀಂಗೆ ತುಂಬಾನೆ ಬೇಸರವಾಗಿದೆ. ಚೈತ್ರಾ ಬೇಸರದಲ್ಲಿ ಕುಳಿತಿದ್ದು, ಜಯಶ್ರೀ ಕ್ಷಮೆಯನ್ನು ಕೇಳಿದ್ದಾರೆ. ಆದರೆ ಅಲ್ಲಿಗೆ ಬಂದ ಸೋನು, ತನ್ನದೇನು ತಪ್ಪೇ ಇಲ್ಲವೇನೋ ಎಂಬಂತೆ ಎಲ್ಲರ ಮೇಲೆ ಎಗರಾಡಿದ್ದಾರೆ. ನಾನೇ ಮುಂದೆ ನಿಂತುಕೊಳ್ಳಬೇಕಿತ್ತು. ಸುಮ್ಮನೆ ನಿನ್ನ ನಿಂತುಕೊಳ್ಳುವುದಕ್ಕೆ ಬಿಟ್ಟೆ ಎಂದು ಹೆಗರಾಡಿದ್ದಾರೆ. ಎಲ್ಲರೂ ತಪ್ಪಾಗಿದ್ದು ಎಲ್ಲಿ ಅಂತ ಮಾತನಾಡಿಕೊಂಡು ಸಮಾಧಾನ ಮಾಡಿಕೊಂಡಿದ್ದಾರೆ. ಇನ್ನು ಅಲ್ಲಿಗೆ ಬಂದ ಸೋಮಣ್ಣ ಸೋತ ಟೀಂಗೆ ಸ್ಪೂರ್ತಿ ತುಂಬಿದ್ದಾರೆ. ಹಾಗೇ ಚೈತ್ರಾಗೆ ಹೊಗಳಿಕೆಯ ಮಾತುಗಳನ್ನಾಡಿದ್ದಾರೆ. ನೀವೂ ಮಕ್ಕಳಿಗೆ ಹೇಳಿ ಕೊಟ್ಟು ಹೇಳಿ ಕೊಟ್ಟು ಒಳ್ಳೆ ಪೇಂಟರ್ ಆಗಿ ಹೋಗಿದ್ದೀರಾ. ಚಿತ್ರ ನೋಡಿದ ಕೂಡಲೇ ಕ್ಯಾಚ್ ಮಾಡಿ, ಅದ್ಭುತ ಪೇಂಟಿಂಗ್ ಮಾಡಿದ್ದೀರಿ. ಗುಡ್ ಎಫರ್ಟ್ ಎಂದು ಟೀಂಗೆ ಮತ್ತಷ್ಟು ಬಲ ತುಂಬಿದ್ದಾರೆ.
