ಸೂಪರ್ ಸ್ಟಾರ್ ರಜನಿಕಾಂತ್ (Rajinikanth) ಮತ್ತು ಶಿವರಾಜ್ ಕುಮಾರ್ (Shivaraj Kumar) ಕಾಂಬಿನೇಷನ್ ನ ಜೈಲರ್ (Jailer) ಸಿನಿಮಾ ಇದೇ ಆಗಸ್ಟ್ 10 ರಂದು ವಿಶ್ವದಾದ್ಯಂತ ರಿಲೀಸ್ (Release) ಆಗುತ್ತಿದೆ. ಈಗಾಗಲೇ ಸಿನಿಮಾದ ಬಹುತೇಕ ಟಿಕೆಟ್ ಗಳು ಮಾರಾಟವಾಗಿವೆ ಎಂದು ಹೇಳಲಾಗುತ್ತಿದೆ. ಅದರಲ್ಲೂ ಬೆಂಗಳೂರಿನಲ್ಲಿ ದುಬಾರಿ ಬೆಲೆಯಲ್ಲೇ ಟಿಕೆಟ್ ಗಳನ್ನು ಮಾರಾಟ ಮಾಡಲಾಗುತ್ತಿದೆ. ಈ ಮಧ್ಯೆ ತಮಿಳು ನಾಡು ಮೂಲದ ಕಂಪನಿಯೊಂದು ತನ್ನ ಸಿಬ್ಬಂದಿಗೆ ಉಚಿತ ಟಿಕೆಟ್ ನೀಡುವುದಾಗಿ ಘೋಷಣೆ ಮಾಡಿದೆ.
ಬೆಂಗಳೂರಿನಲ್ಲಿರುವ ತಮಿಳು ನಾಡು ಮೂಲದ ಕಂಪನಿ ‘ಉನೊ ಅಕ್ವಾ ಕೇರ್’ ತನ್ನ ಸಿಬ್ಬಂದಿಗೆ ಅಂದು ರಜೆ ಘೋಷಣೆ ಮಾಡಿ, ಉಚಿತವಾಗಿ ಟಿಕೆಟ್ ನೀಡಿದೆ. ಈ ವಿಷಯವನ್ನು ಸ್ವತಃ ಕಂಪನಿಯೇ ಸೋಷಿಯಲ್ ಮೀಡಿಯಾ ಮೂಲಕ ಘೋಷಣೆ ಮಾಡಿದೆ. ‘ರಜನಿಕಾಂತ್ ನಟನೆಯ ಜೈಲರ್ ಸಿನಿಮಾದ ನಿಮಿತ್ತ ಸಂಸ್ಥೆಗೆ ಸಾರ್ವತ್ರಿಕ ರಜೆ ಘೋಷಣೆ ಮಾಡಲಾಗಿದ್ದು, ಸಿನಿಮಾ ನೋಡುವ ಎಲ್ಲ ಸಿಬ್ಬಂದಿಗೂ ಉಚಿತ ಟಿಕೆಟ್ ನೀಡಲಾಗುತ್ತಿದೆ’ ಎಂದು ಅದು ತಿಳಿಸಿದೆ.
ಸಂಸ್ಥೆಯು ಮುಖ್ಯಸ್ಥರು ಟ್ವೀಟ್ ಮಾಡಿ, ‘ನನ್ನ ತಾತನ ಕಾಲದಿಂದಲೂ ನಾವು ರಜನಿಕಾಂತ್ ಫ್ಯಾನ್ಸ್. ಅವರ ಸಿನಿಮಾಗಳನ್ನು ನೋಡುತ್ತಾ ಬೆಳೆದವರು. ಇದೀಗ ರಜನಿ ನಟನೆಯ ಜೈಲರ್ ಸಿನಿಮಾ ರಿಲೀಸ್ ಆಗುತ್ತಿದೆ. ಬೆಂಗಳೂರು ಮತ್ತು ಚೆನ್ನೈನಲ್ಲಿರುವ ನಮ್ಮ ಸಂಸ್ಥೆಗೆ ರಜೆ ನೀಡುವ ಮೂಲಕ ಆ ರಜೆಯನ್ನು ನೆಚ್ಚಿನ ನಟನಿಗೆ ಅರ್ಪಿಸುತ್ತೇವೆ’ ಎಂದು ಬರೆದುಕೊಂಡಿದ್ದಾರೆ.
Web Stories
