ಲಕ್ನೋ: ತನ್ನ ದಾಖಲೆಗಳಲ್ಲಿ ಲಿಂಗ ಬದಲಾವಣೆ ಮಾಡುವಂತೆ ರೈಲ್ವೇ ಅಧಿಕಾರಿಗಳಲ್ಲಿ ಮನವಿ ಮಾಡಿಕೊಂಡಿರುವ ಪ್ರಸಂಗವೊಂದು ಉತ್ತರ ಪ್ರದೇಶದಲ್ಲಿ ನಡೆದಿದೆ.
35 ವರ್ಷದ ರಾಜೇಶ್ ಪಾಂಡೆ ಎಂಬಾತ ಈ ಮನವಿ ಸಲ್ಲಿಸಿದ್ದಾರೆ. ರೈಲ್ವೇ ಉದ್ಯೋಗಿಯಾಗಿದ್ದ ರಾಜೇಶ್ ತಂದೆ 2003ರಲ್ಲಿ ಸಾವನ್ನಪ್ಪಿದ ಪರಿಣಾಮ ಅನುಕಂಪ ಆಧಾರದಲ್ಲಿ ಈತನಿಗೆ ರೈಲ್ವೇ ಉದ್ಯೋಗ ನೀಡಲಾಗಿತ್ತು.
ರಾಜೇಶ್ ಪಾಂಡೆಗೆ ನಾಲ್ವರು ಸಹೋದರಿಯರು ಇದ್ದು ಇಡೀ ಕುಟುಂಬಕ್ಕೆ ರಾಜೇಶ್ ಒಬ್ಬರೇ ಗಂಡು ಮಗನಾಗಿದ್ದರು. ಆದರೆ ಚಿಕ್ಕದಿನಿಂದಲೂ ಹೆಣ್ಣಿನಂತೆ ಇರಲು ಬಯಸಿದ್ದ ರಾಜೇಶ್, 2017 ರಲ್ಲಿ ಲಿಂಗ ಪರಿವರ್ತನೆಗೆ ಒಳಗಾಗಿ ಸಾನಿಯಾ ಪಾಂಡೆ ಎಂದು ಹೆಸರು ಬದಲಿಸಿಕೊಂಡಿದ್ದರು. ಆದರೆ ರೈಲ್ವೇ ದಾಖಲೆಗಳಲ್ಲಿ ಮಾತ್ರ ಪುರುಷನಾಗಿಯೇ ಇತ್ತು. ಸದ್ಯ ಈಶಾನ್ಯ ರೈಲ್ವೇ ಅಧಿಕಾರಿಗಳಿಗೆ ತನ್ನ ದಾಖಲೆಗಳಲ್ಲಿ ತನ್ನ ಲಿಂಗ ಬದಲಾವಣೆ ಮಾಡುವಂತೆ ರಾಜೇಶ್ ಅಲಿಯಾಸ್ ಸಾನಿಯಾ ಪಾಂಡೆ ಮನವಿ ಮಾಡಿದ್ದಾರೆ.
ಇತ್ತ ರಾಜೇಶ್ ಲಿಂಗ ಪರಿವರ್ತನೆ ಮಾಡಿಕೊಳ್ಳುವ ಮುನ್ನವೇ ಮದುವೆ ಕೂಡ ಆಗಿದ್ದು, ವಿಷಯ ತಿಳಿದ ಪತ್ನಿ ವಿಚ್ಛೇದನವನ್ನು ನೀಡಿದ್ದಾರೆ. ಇತ್ತ ಲಿಂಗ ಪರಿರ್ತನೆ ಆದ ಬಳಿಕ ತಾನು ಮಹಿಳೆಯಾಗಿ ಸಂತೋಷದಿಂದಲೇ ಜೀವನ ನಡೆಸುತ್ತಿದ್ದಾಗಿ ರಾಜೇಶ್ ಅಭಿಪ್ರಾಯ ಪಟ್ಟಿದ್ದಾರೆ.
