ಬೆಂಗಳೂರು: ಡ್ಯಾನ್ಸ್ ವಿಷಯಕ್ಕೆ ಬಂದಾಗ ಪುನೀತ್ ರಾಜಕುಮಾರರವರೇ ನನಗೆ ಸ್ಪೂರ್ತಿ ಎಂದು ರೈಡರ್ ಚಿತ್ರದ ನಾಯಕ ನಿಖಿಲ್ ಕುಮಾರಸ್ವಾಮಿ ಹೇಳಿದ್ದಾರೆ.
ಪಬ್ಲಿಕ್ ಟಿವಿ ಸಂದರ್ಶನದಲ್ಲಿ ಮಾತನಾಡಿದ ಅವರು, ರಾಜಕೀಯ ಅಂತಾ ಬಂದಾಗ ನನಗೆ ನನ್ನ ತಾತ ಮಾಜಿ ಪ್ರಧಾನಿ ದೇವೇಗೌಡ್ರೇ ನನಗೆ ಸ್ಪೂರ್ತಿಯಾಗಿದ್ದು, ಸಿನಿಮಾ ಅಂತಾ ಬಂದರೆ ನಟಸಾರ್ವಭೌಮ ಡಾ ರಾಜ್‍ಕುಮಾರ್ ನನಗೆ ಆದರ್ಶ ವ್ಯಕ್ತಿ. ಏಕೆಂದರೆ ಚಿಕ್ಕ ವಯಸ್ಸಿನಿಂದಲೇ ನಾನು ಅವರನ್ನು ನೋಡುತ್ತಾ ಬೆಳೆದಿದ್ದೇನೆ ಎಂದರು. ಇದನ್ನೂ ಓದಿ: ಗೂಗಲ್ ನಂತರ ಇದೀಗ ಇಂಟೆಲ್- ಲಸಿಕೆ ಹಾಕಿಸಿಕೊಳ್ಳದ ಉದ್ಯೋಗಿಗಳಿಗೆ ವೇತನ ಇಲ್ಲ
ರಾಜ್‍ಕುಮಾರ್ ನಂತರ ವಿಶೇಷವಾಗಿ ಡ್ಯಾನ್ಸ್ ಅಂತಾ ಬಂದಾಗ ಅಪ್ಪು ಸರ್ ಅವರು ನನ್ನ ಆದರ್ಶ ವ್ಯಕ್ತಿ. ಎಕೆಂದರೆ ಇಡೀ ದಕ್ಷಿಣ ಭಾರತದಲ್ಲಿ ಅವರ ಹಾಗೇ ಡ್ಯಾನ್ಸ್ ಮಾಡುವ ನಟ ಯಾರು ಇರಲಿಲ್ಲ. ಅವರು ಡ್ಯಾನ್ಸ್ ಮಾಡೋದನ್ನ ನೀವು ಪದೇ ಪದೇ ನೋಡಿರಬಹುದು ಎಂದು ನುಡಿದರು. ಇದನ್ನೂ ಓದಿ: ಕಾಶ್ಮೀರದಲ್ಲಿ ಉಗ್ರರ ದಾಳಿ – ಪೊಲೀಸ್‌ ಅಧಿಕಾರಿ, ನಾಗರಿಕ ಹತ್ಯೆ
ಡ್ಯಾನ್ಸ್ ವಿಷಯಕ್ಕೆ ಬಂದರೆ ಅಪ್ಪುರವರು ಕೊರಿಯೋಗ್ರಾಫಿ ಮುಗಿದ ಮೇಲೆ 2, 3, ದಿನಗಳ ಕಾಲಾವಧಿ ತೆಗೆದುಕೊಂಡು ಅದನ್ನೂ ಪ್ರ್ಯಾಕ್ಟಿಸ್ ಮಾಡುತ್ತಿದ್ದರು ಎಂದು ಸ್ಮರಿಸಿಕೊಂಡರು.
