ಮುಂಬೈ: ಬಾಲಿವುಡ್ ನಟಿ ಪ್ರಿಯಾಂಕಾ ಚೋಪ್ರಾ ಬಾಲಿವುಡ್ ಅಲ್ಲದೇ ಹಾಲಿವುಡ್ ನಲ್ಲೂ ಬ್ಯೂಸಿಯಾಗಿದ್ದಾರೆ. ಮಂಗಳವಾರ ಪ್ರಿಯಾಂಕಾ ಚೋಪ್ರಾ ಮುಂಬೈನ ಕಾರ್ಯಕ್ರಮವೊಂದರಲ್ಲಿ ಪಾಲ್ಗೊಂಡಿದ್ದರು. ಈ ವೇಳೆ ಮಾಧ್ಯಮದವರು, ನಿಮ್ಮ ಮದುವೆ ಯಾವಾಗ ಎಂದು ಕೇಳಿದ ಪ್ರಶ್ನೆಗೆ ನಟಿ ಪ್ರಿಯಾಂಕಾ ಚೋಪ್ರಾ ಮದುವೆಯಾಗೋಕೆ ಹುಡುಗನ ಹುಡುಕಾಟದಲ್ಲಿದ್ದೇನೆ ಎಂದು ಹೇಳಿದ್ದಾರೆ.
“ಮದುವೆಯಾಗೋಕೆ ಹುಡುಗನ ಹುಡುಕಾಟದಲ್ಲಿದ್ದೇನೆ. ನಾವು ಪ್ಲ್ಯಾನ್ ಮಾಡಿದಂತೆ ಯಾವತ್ತೂ ಮದುವೆ ಆಗಲ್ಲ. ನಾನು ಇನ್ನೂ ನನಗೆ ಸೂಟ್ ಆಗೋ ವ್ಯಕ್ತಿಯ ಹುಡುಕಾಟದಲ್ಲಿ ಇದ್ದೀನಿ. ಪ್ರತಿಯೊಬ್ಬರೂ ಅವರಿಗೆ ಹೊಂದುವಂತಹ ವ್ಯಕ್ತಿಯನ್ನು ಆರಿಸಿಕೊಳ್ಳಬೇಕು. ನನಗೆ ಇದುವರೆಗೂ ಅಂತಹ ವ್ಯಕ್ತಿ ಸಿಕ್ಕಿಲ್ಲ. ಒಂದು ವೇಳೆ ಹೊಂದುವಂತಹ ವ್ಯಕ್ತಿ ಸಿಕ್ಕಿದ್ರೆ ಮದುವೆಯಾಗುತ್ತೀನಿ” ಎಂದು ಹೇಳಿದ್ರು.
ಸದ್ಯ ಪ್ರಿಯಾಂಕಾ ಹಾಲಿವುಡ್ ನ ಎರಡು ಸಿನಿಮಾಗಳಲ್ಲಿ ಬ್ಯೂಸಿಯಾಗಿದ್ದು, ಕ್ರಿಸ್‍ಮಸ್ ರಜೆಗೆಂದು ಭಾರತಕ್ಕೆ ಬಂದಿದ್ದಾರೆ. ‘ಎ ಕಿಡ್ ಲೈಕ್ ಜೇಕ್’ ಚಿತ್ರದಲ್ಲಿ ಕ್ಲೈರ್ ದೇನ್ಸ್, ಅಕ್ಟೋವಿಯಾ ಸ್ಪೆನ್ಸರ್ ಜೊತೆ ನಟಿಸುತ್ತಿದ್ದಾರೆ. ನಂತರ ರೆಬೆಲ್ ವಿಲ್‍ಸನ್, ಆಡಮ್ ದೇವೈನ್ ಹಾಗೂ ಲೈಮ್ ಹೇಮ್ಸ್ ವರ್ತ್ ಜೊತೆ ‘ಇಸಂಟ್ ಇಟ್ ರೋಮ್ಯಾಂಟಿಕ್’ ಚಿತ್ರದಲ್ಲಿ ನಟಿಸುತ್ತಿದ್ದಾರೆ.
