ನವದೆಹಲಿ: ಕೆಲವು ದಿನಗಳ ಹಿಂದೆ ರಾಹುಲ್ ಗಾಂಧಿ ತಾವೊಬ್ಬ ಕ್ರೀಡಾಪಟು ಅಂತಾ ಹೇಳಿ ಎಲ್ಲರು ನಿಬ್ಬೆರಾಗುವಂತೆ ಮಾಡಿದ್ದರು. ಅಂದಿನ ಮಾತಿಗೆ ಸಾಕ್ಷಿ ಎಂಬಂತೆ ಭರದ್ ಎಂಬವರು 2016ರ ರಾಹುಲ್ ಗಾಂಧಿ ಅವರ ಐಕಿಡೋ ತರಬೇತಿಯ ಕೆಲವು ಫೋಟೋಗಳನ್ನು ತಮ್ಮ ಟ್ವಿಟರ್ ನಲ್ಲಿ ಅಪ್ಲೋಡ್ ಮಾಡಿಕೊಂಡಿದ್ದಾರೆ.
ಜಪಾನಿನ ಮಾರ್ಷಲ್ ಆಟ್ರ್ಸ್ ಐಕಿಡೋ ಪ್ರಾಕ್ಟಿಸ್ ಫೋಟೋಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದಾರೆ. 47 ವರ್ಷದ ರಾಹುಲ್ ಗಾಂಧಿ ಐಕಿಡೋ ತರಬೇತಿಯನ್ನು ಪಾರಿಟೋಸ್ ಕರ್ ಎಂಬವರಿಂದ ಕಳೆದ 15 ವರ್ಷಗಳಿಂದ ಪಡೆಯುತ್ತಿದ್ದಾರೆ ಎಂದು ಐಕಿಡೊ ಐಕಿಕೈ ಪೌಂಡೇಶನ್ ಹೇಳಿದೆ.
ಪ್ರತಿದಿನ ಒಂದು ಗಂಟೆಯಾದ್ರೂ ರನ್ನಿಂಗ್, ಸ್ವಿಮಿಂಗ್ ನಲ್ಲಿ ನನ್ನನ್ನು ನಾನು ತೊಡಗಿಸಿಕೊಳ್ಳುತ್ತೇನೆ. ಜಪಾನಿನ ಐಕಿಡೋ ಮಾರ್ಷಲ್ ಆರ್ಟ್ಸ್ ನಲ್ಲಿ ಬ್ಲ್ಯಾಕ್ ಬೆಲ್ಟ್ ಪಡೆದಿದ್ದೇನೆ. ಇತ್ತೀಚೆಗೆ ಎರಡು-ಮೂರು ತಿಂಗಳಿನಿಂದ ಅಭ್ಯಾಸದಲ್ಲಿ ಭಾಗಿಯಾಗಲು ಸಾಧ್ಯವಾಗುತ್ತಿಲ್ಲ. ನಾನು ಇದೂವರೆಗೂ ಈ ಬಗ್ಗೆ ಎಲ್ಲಿಯೂ ಹೇಳಿಕೊಂಡಿಲ್ಲ ಎಂದು ರಾಹುಲ್ ಗಾಂಧಿ ಹೇಳಿದ್ದರು.
ಗುರುವಾರದಂದು ದೆಹಲಿಯಲ್ಲಿ ನಡೆದ 112ನೇ ವಾರ್ಷಿಕ ಅಧಿವೇಶನ ಹಾಗು ಪಿಎಚ್‍ಡಿ ಪ್ರಶಸ್ತಿ ಪ್ರಧಾನ ಸಮಾರಂಭದಲ್ಲಿ ರಾಹುಲ್ ಗಾಂಧಿ ಭಾಗಿಯಾಗಿದ್ದರು. ಈ ವೇಳೆ ಕ್ರೀಡಾಪಟು ವಿಜೇಂದರ್ ಸಿಂಗ್, ಎಂಎಲ್‍ಎ ಮತ್ತು ಎಂಪಿಗಳು ಕೇವಲ ಕಾರ್ಯಕ್ರಮದ ರಿಬ್ಬನ್ ಕಟ್ ಮಾಡುತ್ತಾರೆಯೇ ವಿನಃ ಕ್ರೀಡೆಯಲ್ಲಿ ಭಾಗಿಯಾಗಲ್ಲ ಎಂದು ಹೇಳಿದಾಗ ರಾಹುಲ್ ಗಾಂಧಿ ಮೇಲಿನಂತೆ ಉತ್ತರಿಸಿದ್ದರು.
.@OfficeOfRG RG with Sensei Paritos Kar during one of the #Aikido sessions. https://t.co/7H9N5CuUVy pic.twitter.com/MxCGg95IvL
— Bharad (@bharad) October 31, 2017
.@OfficeOfRG @INCIndia#Aikido is a way of life.
Truly humbled to have shared classroom with #RahulGandhi https://t.co/TcyZFUg3qC pic.twitter.com/oTanteAUTo— Bharad (@bharad) November 1, 2017
