ಅಶ್ಗಾಬತ್: ಪಾಕಿಸ್ತಾನದ ಪ್ರಧಾನಿ ಶೆಹಬಾಜ್ ಷರೀಫ್ (Shehbaz Sharif) ಅವರಿಗೆ ಮತ್ತೆ ವಿಶ್ವವೇದಿಕೆಯಲ್ಲಿ ಮುಖಭಂಗವಾಗಿದೆ. ತುರ್ಕಮೆನಿಸ್ತಾನದ ಅಂತಾರಾಷ್ಟ್ರೀಯ ಶಾಂತಿ ಮತ್ತು ವಿಶ್ವಾಸ ವೇದಿಕೆಯಲ್ಲಿ ರಷ್ಯಾದ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ (Vladimir Putin) ಅವರೊಂದಿಗಿನ ಸಭೆಗಾಗಿ ಷರೀಫ್ 40 ನಿಮಿಷಗಳ ಕಾದುಕುಳಿತಿದ್ದ ಪ್ರಸಂಗ ನಡೆದಿದೆ.
❗️🇵🇰 PM Sharif Waited For Over 40 Minutes For President Putin Before Growing Tired And Gate-crashing Russian Leader’s Meeting With Erdogan – RT Correspondent
He left ten minutes later. pic.twitter.com/tgUdPHT4eh
— RT_India (@RT_India_news) December 12, 2025
ಹಿಂದಿನ ಸೋವಿಯತ್ ರಾಷ್ಟ್ರದ ತಟಸ್ಥ ಘೋಷಣೆಯ 30ನೇ ವಾರ್ಷಿಕೋತ್ಸವದ ಗೌರವಾರ್ಥವಾಗಿ ಈ ಕಾರ್ಯಕ್ರಮ ನಡೆಸಲಾಯಿತು. ಈ ಸಂದರ್ಭದಲ್ಲಿ ರಷ್ಯಾ, ಟರ್ಕಿ, ಇರಾನ್ ಮತ್ತು ಪಾಕಿಸ್ತಾನದ (Pakistan) ನಾಯಕರನ್ನ ಆಹ್ವಾನಿಸಲಾಗಿತ್ತು. ಪುಟಿನ್, ಟರ್ಕಿಶ್ ಅಧ್ಯಕ್ಷ ಎರ್ಡೋಗನ್ ಮತ್ತು ಪಾಕಿಸ್ತಾನಿ ಪ್ರಧಾನಿ ಶಹಬಾಜ್ ಷರೀಫ್ ಕೂಡ ಅಂತಾರಾಷ್ಟ್ರೀಯ ಶಾಂತಿ ಮತ್ತು ವಿಶ್ವಾಸ ವೇದಿಕೆಯ ಸಭೆಯಲ್ಲಿ ಹಾಜರಿದ್ದರು. ಇದನ್ನೂ ಓದಿ: ಭಾರತ ಜೊತೆ ಸೇರಿ ಹೊಸ ಸೂಪರ್ ಕ್ಲಬ್ – C5 ಒಕ್ಕೂಟಕ್ಕೆ ಟ್ರಂಪ್ ಒಲವು?
ಈ ವೇಳೆ ಷರೀಫ್, ಪುಟಿನ್ ಜೊತೆಗೆ ನಿಗದಿತ ಮಾತುಕತೆಗಾಗಿ ಭೇಟಿಯಾಗಬೇಕಿತ್ತು. ಆದ್ರೆ ಪುಟಿನ್ 40 ನಿಮಿಷಗಳ ಕಾಲ ಕಾಯುವಂತೆ ಮಾಡಿದರು. ಈ ಕುರಿತ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದ್ದು, ವ್ಯಾಪಕ ಚರ್ಚೆ ಹುಟ್ಟುಹಾಕಿದೆ. ಅಲ್ಲದೇ 14 ಸೆಕೆಂಡುಗಳ ವಿಡಿಯೋನಲ್ಲಿ ಷರೀಫ್ ಅಸಮಾಧಾನದಿಂದ ಕಾಯುತ್ತಿರುವುದು ಕಂಡುಬಂದಿದೆ. ಈ ಸಂದರ್ಭದಲ್ಲಿ ಪಾಕಿಸ್ತಾನದ ವಿದೇಶಾಂಗ ಸಚಿವ ಇಶಾಕ್ ದಾರ್ ಸೇರಿದಂತೆ ಷರೀಫ್ ಸಂಪುಟದ ಅಧಿಕಾರಿಗಳೂ ಪುಟಿನ್ಗಾಗಿ ಕಾದುಕುಳಿತಿದ್ದು ಕಂಡುಬಂದಿದೆ. ಇದನ್ನೂ ಓದಿ: ಪುಟಿನ್ ಭಾರತ ಭೇಟಿ ಬಳಿಕ ಟ್ರಂಪ್ಗೆ ಮೋದಿ ಫಸ್ಟ್ ಕಾಲ್ – ಇಂಧನ, ವ್ಯಾಪಾರ ಕುರಿತು ದೀರ್ಘ ಚರ್ಚೆ
40 ನಿಮಿಷಗಳ ಕಾಲ ಕಾದ ಬಳಿವೂ ಪುಟಿನ್ ಷರೀಫ್ ಭೇಟಿಗಾಗಿ ಬಾರದೇ ಇದ್ದಾಗ ಪಾಕ್ ಪ್ರಧಾನಿ ಮುನಿಸಿಕೊಂಡೇ ಟರ್ಕಿಶ್ ಅಧ್ಯಕ್ಷ ಎರ್ಡೋಗನ್ ಭೇಟಿಯಾಗುತ್ತಿದ್ದ ಸಭಾಂಗಣದ ಕಡೆಗೆ ಹೊರಟರು. ಈ ಬೆಳವಣಿಗೆ ಬಳಿಕ ಪುಟಿನ್, ಷರೀಫ್ರನ್ನ ಭೇಟಿಯಾದರು.
ಇತ್ತೀಚೆಗಷ್ಟೇ ಭಾರತಕ್ಕೆ 2 ದಿನಗಳ ಪ್ರವಾಸ ಕೈಗೊಂಡಿದ್ದ ರಷ್ಯಾ ಅಧ್ಯಕ್ಷ ಪುಟಿನ್ ಪ್ರಧಾನಿ ಮೋದಿ ಅವರೊಂದಿಗೆ ಆತ್ಮೀಯ ಮಾತುಕತೆ ನಡೆಸಿದ್ದರು. ಅಲ್ಲದೇ ಭಾರತದ ಜೊತೆಗೆ ಮಹತ್ವದ ಒಪ್ಪಂದಗಳಿಗೆ ಸಹಿ ಹಾಕಿದ್ರು ಅನ್ನೋದು ಗಮನಾರ್ಹ. ಇದನ್ನೂ ಓದಿ: 9 ಕೋಟಿ ಕೊಟ್ರೆ ಅಮೆರಿಕ ವೀಸಾ – ಟ್ರಂಪ್ ಗೋಲ್ಡ್ ಕಾರ್ಡ್ ಬಿಡುಗಡೆ
