ಇಸ್ಲಾಮಾಬಾದ್‌: ಭಾರತದ ಆಪರೇಷನ್‌ ಸಿಂಧೂರ ಕಾರ್ಯಾಚರಣೆಗೆ ಪಾಕಿಸ್ತಾನದ (Pakistan) ಷೇರು ಮಾರುಕಟ್ಟೆಯಲ್ಲಿ ರಕ್ತಪಾತವಾಗಿದೆ.
ಏರ್‌ಸ್ಟ್ರೈಕ್‌ ನಡೆಸಿದ ಸುದ್ದಿ ಮುಂಜಾನೆ ಪ್ರಕಟವಾಗುತ್ತಿದ್ದಂತೆ Pakistan Stock Exchange ಕುಸಿಯುವುದು ನಿಶ್ಚಯವಾಗಿತ್ತು. ವ್ಯವಹಾರ ಆರಂಭಿಸಿದ ಬೆನ್ನಲ್ಲೇ ಕುಸಿಯಲು ಆರಂಭವಾಯಿತು. ಇದನ್ನೂ ಓದಿ: ಏರ್‌ಸ್ಟ್ರೈಕ್‌ಗೆ ಸಾಕ್ಷಿ ಎಲ್ಲಿದೆ ಅಂದವರ ಬಾಯಿಯನ್ನೇ ಬಂದ್‌ ಮಾಡಿದ ಸೇನೆ!
6,500 ಅಂಶ ಕುಸಿಯುತ್ತಿದ್ದಂತೆ ಪಾಕ್‌ ಹೂಡಿಕೆದಾರರಿಗೆ ಆತಂಕ ಎದುರಾಯಿತು. ಇಂದು ಬೆಳಗ್ಗೆ 1,113, 568 ಅಂಶದೊಂದಿಗೆ ವ್ಯವಹಾರ ಆರಂಭವಾಗಿತ್ತು. ಹೂಡಿಕೆದಾರು ಹೂಡಿಕೆಯನ್ನು ಹಿಂದಕ್ಕೆ ಪಡೆಯುತ್ತಿದ್ದಂತೆ 1,07,007 ಅಂಶಕ್ಕೆ ಕುಸಿಯಿತು. ಮತ್ತಷ್ಟು ಪತನವಾಗುವುದನ್ನು ತಡೆಯಲು ಕೆಲ ಕಾಲ ಷೇರು ಮಾರುಕಟ್ಟೆಯ ವ್ಯವಹಾರವನ್ನು ಸ್ಥಗಿತಗೊಳಿಸಲಾಯಿತು. ಇದನ್ನೂ ಓದಿ: ಸಿಂಧೂರ ಅಳಿಸಿದವರಿಗೆ ನಾರಿ ಶಕ್ತಿಯಿಂದಲೇ ಭಾರತ ಉತ್ತರ – ಕರ್ನಲ್ ಸೋಫಿಯಾ, ವಿಂಗ್ ಕಮಾಂಡರ್ ವ್ಯೋಮಿಕಾ ಬಗ್ಗೆ ಗೊತ್ತಾ?
ಪಾಕಿಸ್ತಾನ ಷೇರು ಮಾರುಕಟ್ಟೆ ಒಂದೇ ದಿನ ಇಷ್ಟೊಂದು ಅಂಶ ಕುಸಿತವಾಗಿದ್ದು ಇದು ಎರಡನೇ ಬಾರಿ. ಕಳೆದ ತಿಂಗಳು ಟ್ರಂಪ್‌ ತೆರಿಗೆ ಸಮರ ಆರಂಭಿಸಿದಾಗ ಒಂದೇ ದಿನ 8,700 ಅಂಶ ಇಳಿಕೆಯಾದಾಗಲೂ ವ್ಯವಹಾರವನ್ನು ಸ್ಥಗಿತಗೊಳಿಸಲಾಗಿತ್ತು.
