ನ್ಯಾಷನಲ್ ಕ್ರಶ್ ರಶ್ಮಿಕಾ ಮಂದಣ್ಣ (Rashmika Mandanna) ಮತ್ತೆ ವಿವಾದದ (Controversy) ಬಗ್ಗೆ ಮಾತನಾಡಿದ್ದಾರೆ. ವಿವಾದವನ್ನು ತಣ್ಣಗೆ ಮಾಡುವುದು ಹೇಗೆ ಎಂದು ಚೆನ್ನಾಗಿಯೇ ಅರಿತಿರುವ ರಶ್ಮಿಕಾ, ಆದರೂ ಅದರ ಬಗ್ಗೆ ಭಯವಂತು ಇಟ್ಟುಕೊಂಡಿದ್ದಾರೆ. ಹಾಗಾಗಿ ‘ನಾನೊಂದು ಮಾತನಾಡಿದರೆ, ಅದು ಮೂರು ವಿವಾದವಾಗುತ್ತದೆ’ ಎಂದು ಸಂದರ್ಶನವೊಂದರಲ್ಲಿ ಹೇಳಿಕೊಂಡಿದ್ದಾರೆ.
ತೆಲುಗಿನ ಪ್ರತಿಷ್ಠಿತ ನಿರ್ಮಾಣ ಸಂಸ್ಥೆ ಮೈತ್ರಿ ಮೂವಿ (Maitri Movie) ಮೇಕರ್ಸ್ ತಯಾರಿಸುತ್ತಿರುವ ಮತ್ತೊಂದು ಹೊಸ ಚಿತ್ರಕ್ಕೆ ರಶ್ಮಿಕಾ ನಾಯಕಿಯಾಗಿ ಆಯ್ಕೆಯಾಗಿದ್ದಾರೆ. ಈ ಸಿನಿಮಾವನ್ನು ವೆಂಕಿ (Venky) ನಿರ್ದೇಶನ ಮಾಡುತ್ತಿದ್ದರೆ, ನಿತೀನ್ ಹೀರೋ. ರಶ್ಮಿಕಾ ಜೊತೆ ನಿತೀನ್ ಮಾತನಾಡುತ್ತಾ, ವಿವಾದದ ಪ್ರಶ್ನೆಯೊಂದನ್ನು ಎಸೆಯುತ್ತಾರೆ. ‘ಅಯ್ಯೋ, ನಾನು ಒಂದು ಮಾತನಾಡಿದರೆ, ಅದು ಮೂರು ವಿವಾದ ಆಗುತ್ತದೆ. ಹಾಗಾಗಿ ಮಾತನಾಡಲಾರೆ’ ಎಂದು ನಿತೀನ್ (Nithin) ಬಾಯಿ ಮುಚ್ಚಿಸುತ್ತಾರೆ. ಇದನ್ನೂ ಓದಿ: ಯುಗಾದಿ ಹಬ್ಬದಂದು ಕೆಂಪು ಬಣ್ಣದ ಸೀರೆಯಲ್ಲಿ ಮಿಂಚಿದ ರಾಗಿಣಿ
ರಶ್ಮಿಕಾ ಆಡಿದ ಮಾತಿನಿಂದ ಪ್ರೇರಣೆಗೊಂಡ ನಿತೀನ್, ‘ನಾನು ಒಂದ್ ಹಿಟ್ ಸಿನಿಮಾ ಕೊಟ್ಟರೆ, ಮೂರು ಫ್ಲಾಪ್ ಕೊಡ್ತೀನಿ. ನನಗಿಂತ ನೀವೆ ಬೆಟರ್’ ಎಂದು ಕಾಲೆಳೆಯುತ್ತಾರೆ. ಈ ಇಬ್ಬರು ಕಾಂಬಿನೇಷನ್ ನಲ್ಲಿ ಮೂಡಿ ಬರುತ್ತಿರುವ ಹೊಸ ಸಿನಿಮಾ ಕಾಮಿಡಿ ಕಥೆಯನ್ನು ಹೊಂದಿದ್ದರಿಂದ, ಇವರ ಮಾತುಗಳು ಕೂಡ ಫನ್ನಿ ಫನ್ನಿಯಾಗಿಯೇ ಮುಂದುವರೆಯುತ್ತವೆ. ಸಿನಿಮಾಗೆ ಪೂರಕ ಎನ್ನುವಂತೆ ಕಾಣುತ್ತವೆ.
ಈಗಾಗಲೇ ರಶ್ಮಿಕಾ ಮೈತ್ರಿ ಮೂವಿ ಮೇಕರ್ಸ್ ನಿರ್ಮಾಣದ ಪುಷ್ಪ ಸಿನಿಮಾದಲ್ಲಿ ನಟಿಸಿದ್ದರು, ಸದ್ಯ ಪುಷ್ಪ 2ನಲ್ಲೂ (Pushpa 2) ನಟಿಸುತ್ತಿದ್ದಾರೆ. ವೆಂಕಿ ನಿರ್ದೇಶನದ ಹೊಸ ಸಿನಿಮಾಗೂ ಆಯ್ಕೆಯಾಗುವ ಮೂಲಕ ದೊಡ್ಡ ಸುದ್ದಿಯಲ್ಲಿದ್ದಾರೆ. ಅಲ್ಲದೇ, ಈ ಸಿನಿಮಾಗೆ ಕೋಟಿ ಕೋಟಿ ಸಂಭಾವನೆ ಪಡೆದುಕೊಂಡಿದ್ದಾರೆ ಎನ್ನುವುದು ಕೂಡ ಅಷ್ಟೇ ಮುಖ್ಯ.
