ಪತಿಯ ಮುಂದೆಯೇ ಸೋದರ ಸಂಬಂಧಿಯನ್ನು ವರಿಸಿದ ಪತ್ನಿ!

ಭುವನೇಶ್ವರ: ಮಹಿಳೆಯೊಬ್ಬಳು ತನ್ನ ಗಂಡನ ಮುಂದೆಯೇ ಸೋದರ ಸಂಬಂಧಿಯನ್ನು ಮದುವೆಯಾದ ಅಚ್ಚರಿಯ ಘಟನೆಯೊಂದು ಒಡಿಶಾದಲ್ಲಿ (Odisha) ನಡೆದಿದೆ.

ಸೋನೆಪುರ್ ಜಿಲ್ಲೆಯ ಬಿರ್ಮಹಾರಾಜಪುರ ಪೊಲೀಸ್ ಠಾಣಾ ವ್ಯಾಪ್ತಿಯ ಸುಬಲಯ ಗ್ರಾಮದಲ್ಲಿ ಈ ವಿಲಕ್ಷಣ ಘಟನೆ ನಡೆದಿದೆ. ಇದನ್ನೂ ಓದಿ: ಹೆಚ್ಚು ಜನ ಪ್ರಯಾಣಿಸುವ ಬಿಎಂಟಿಸಿ ರೂಟ್ ಮಾರ್ಕ್ ಮಾಡಿಕೊಂಡಿದ್ದ ಶಂಕಿತರು!

ಘಟನೆ ವಿವರ: ಅಂಗುಲ್ ಜಿಲ್ಲೆಯ ಹಳ್ಳಿಯೊಂದರ 22 ವರ್ಷದ ಜಿಲ್ಲಿ ಪ್ರಧಾನ್ ಎಂಬಾಕೆ ಮೂರು ವರ್ಷಗಳ ಹಿಂದೆ ಮಾಧವ್ ಪ್ರಧಾನ್ ಎಂಬಾತನನ್ನು ವರಿಸಿದ್ದಳು. ಆದರೆ ಮಾಧವ್ ಮನೆಗೆ ಆಗಾಗ ಜಿಲ್ಲಿಯ ಸೋದರ ಸಂಬಂಧಿ ಭೇಟಿ ಕೊಡುತ್ತಿದ್ದ. ಇದರಿಂದ ಚೆನ್ನಾಗಿಯೇ ಇದ್ದ ಮಾಧವ್- ಜಿಲ್ಲಿ ದಂಪತಿ ಮಧ್ಯೆ ಬಿರುಕು ಮೂಡಲು ಆರಂಭವಾಗಿದೆ.

ಮಾಧವ್‍ಗೆ ತಿಳಿಯದಂತೆ ಪರಮೇಶ್ವರ್ ಜಿಲ್ಲಿಯೊಂದಿಗೆ ಅಕ್ರಮ ಸಂಬಂಧ ಬೆಳೆಸಿದ್ದ. ಕ್ರಮೇಣ ಮಾಧವ್ ಇಲ್ಲದಿದ್ದ ಸಮಯದಲ್ಲಿ ಇಬ್ಬರೂ ಭೇಟಿಯಾಗಲು ಶುರುಮಾಡಿರು. ಇವರಿಬ್ಬರ ಪ್ರೇಮಕಥೆಯು ಕುಟುಂಬಸ್ಥರು ಹಾಗೂ ಗ್ರಾಮಸ್ಥರಿಗೆ ತಿಳಿದ ನಂತರ ವಿಷಯಗಳು ವಿಕೋಪಕ್ಕೆ ತಿರುಗಿದವು. ಇದಾದ ಬಳಿಕ ಇಬ್ಬರೂ ಓಡಿಹೋಗಿ ತಲೆಮರೆಸಿಕೊಂಡಿದ್ದರು.

ಈ ಸಂಬಂಧ ಮಾಧವ್ ನೀಡಿದ ದೂರಿನ ಆಧಾರದ ಮೇಲೆ ಪೊಲೀಸರು ಇಬ್ಬರನ್ನು ರಕ್ಷಿಸಿ ಠಾಣೆಗೆ ಕರೆತಂದರು. ತಮ್ಮ ಕುಟುಂಬದ ಸದಸ್ಯರು ಪದೇ ಪದೇ ಪ್ರಯತ್ನಿಸಿದರೂ, ಇಬ್ಬರೂ ಪರಸ್ಪರ ಮದುವೆಯಾಗುವುದಾಗಿ ತಿಳಿಸಿದರು. ಇಬ್ಬರಿಗೂ ಬುದ್ಧಿ ಹೇಳಿದರೂ ಕುಟುಂಬಸ್ಥರು ನಡೆಸಿದ ಪ್ರಯತ್ನ ವಿಫಲವಾದ ಬಳಿಕ ಪೊಲೀಸ್ ಠಾಣೆಯಲ್ಲೇ ಹಿರಿಯ ಪೊಲೀಸ್ ಅಧಿಕಾರಿಗಳ ಸಮ್ಮುಖದಲ್ಲಿ ಇಬ್ಬರಿಗೂ ವಿವಾಹ ನೆರವೇರಿಸಲಾಯಿತು.