ನೋರಾ ಫತೇಹಿ (Nora Fatehi) ಸದಾ ಒಂದಲ್ಲಾ ಒಂದು ವಿಚಾರವಾಗಿ ಸುದ್ದಿಯಲ್ಲಿರುತ್ತಾರೆ. ನಟಿ ನೋರಾ ಫತೇಹಿ ವಿಶ್ವಕಪ್‌ನಲ್ಲಿ ತಲೆಕಳೆಗಾಗಿ ಭಾರತದ ಧ್ವಜ ಹಾರಿಸಿದ ಪರಿಣಾಮ ಇದೀಗ ಹಿಗ್ಗಾಮುಗ್ಗಾ ಟ್ರೋಲ್ ಆಗಿದ್ದಾರೆ.
ಕತಾರ್‌ನಲ್ಲಿ 2022ರ ವಿಶ್ವಕಪ್ (World Cup) ನಡೆಯುತ್ತಿದೆ. ನಟಿ ನೋರಾ ಫತೇಹಿ ಕೂಡ ಭಾಗವಹಿಸಿದ್ದರು. ಹಾಜರಿ ಹಾಕಿದ್ದಷ್ಟೆ ಅಲ್ಲದೇ ನೋರಾ ಫತೇಹಿ ವಿಶೇಷ ಪ್ರದರ್ಶನ ನೀಡಿದ್ದರು. ಬಾಲಿವುಡ್‌ನ ಅನೇಕ ಸೂಪರ್ ಹಿಟ್ ಹಾಡುಗಳಿಗೆ ನೋರಾ ಫತೇಹಿ ಹೆಜ್ಜೆ ಹಾಕಿದರು. ಡ್ಯಾನ್ಸ್ ಮಾಡುತ್ತಾ ಭಾರತದ ಧ್ವಜ ಹಾರಿದರು. ಜೈ ಹಿಂದ್ ಎಂದು ಕೂಗಿದರು. ಆದರೂ ನೋರಾ ಫತೇಹಿ ಹಿಗ್ಗಾಮುಗ್ಗಾ ಟ್ರೋಲ್ ಆಗುತ್ತಿದ್ದಾರೆ. ತಿರಂಗಾಗೆ ಅವಮಾನ ಮಾಡಿದ್ದಾರೆ ಎಂದು ನೆಟ್ಟಿಗರು ಅಸಮಾಧಾನ ಹೊರಹಾಕುತ್ತಿದ್ದಾರೆ. ಇದನ್ನೂ ಓದಿ: ರೂಪೇಶ್ ರಾಜಣ್ಣ – ಗುರೂಜಿ ಜಟಾಪಟಿ: ಸಂಬರ್ಗಿ ಗಪ್‌ಚುಪ್
View this post on Instagram
ನೃತ್ಯ ಮಾಡುವಾಗ ನೋರಾ ಫತೇಹಿ ಭಾರತದ ಧ್ವಜ ಹಾರಿಸಿದರು. ಧ್ವಜ ತೆಗೆದುಕೊಂಡ ನೋರಾ ಮೊದಲು ಸರಿಯಾಗಿ ಹಾರಿಸಿದರು. ಆದರೆ ನಂತರ ತಲೆಕೆಳಗಾಗಿ ರಾಷ್ಟ್ರಧ್ವಜವನ್ನು ಹಾರಿಸಿದರು. ನಟಿ ರಾಷ್ಟ್ರಧ್ವಜವನ್ನು ಉಲ್ಟಾ ಹಾರಿಸಿ ರಾಷ್ಟ್ರಧ್ವಜಕ್ಕೆ ಅಪಮಾನ ಮಾಡಿದ್ದಾರೆ ಎಂದು ನೆಟ್ಟಿಗರು ಆಕ್ರೋಶ ಹೊರಹಾಕುತ್ತಿದ್ದಾರೆ. ನೆಟ್ಟಿಗರು ಹಿಗ್ಗಾಮುಗ್ಗಾ ಟ್ರೋಲ್ ಮಾಡುತ್ತಿದ್ದಾರೆ. ನೋರಾ ಉಲ್ಟಾ ತಿರಂಗಾ ಹಾರಿಸಿದ ಫೋಟೋ ಶೇರ್ ಮಾಡಿ ಅಸಮಾಧಾನ ಹೊರಹಾಕುತ್ತಿದ್ದಾರೆ.
View this post on Instagram
ನೋರಾ ಫತೇಹಿ ಡ್ಯಾನ್ಸ್ ವಿಡಿಯೋ ಕೂಡ ಸಾಮಾಜಿಕ ಜಾಲತಾಣದಲ್ಲಿ ಸದ್ದು ಮಾಡುತ್ತಿದೆ. ಅನೇಕರು ನೋರಾ ಪ್ರದರ್ಶನಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಇದರ ಜೊತೆಗೆ ತಲೆಕಳಗಾಗಿ ತಿರಂಗಾ ಹಾರಿಸಿ ಟ್ರೋಲ್ ಆಗುತ್ತಿದ್ದಾರೆ.
