ಯಾವುದೇ ಅಪರಾಧ ಮಾಡಿಲ್ಲ, ಹಾಗಾಗಿ ಟ್ರಬಲ್ ಇಲ್ಲ: ಡಿಕೆ ಸುರೇಶ್

ಬೆಂಗಳೂರು: ನಾವು ಯಾವುದೇ ಅಪರಾಧ ಮಾಡಿಲ್ಲ. ಹಾಗಾಗಿ ಯಾವುದೇ ಟ್ರಬಲ್ ಇಲ್ಲ. ರಾಜಕೀಯವಾಗಿ ಚಕ್ರವ್ಯೂಹ ಹೆಣೆಯುತ್ತಾರೆ. ಅದನ್ನು ಡಿಕೆಶಿ (DK Shivakumar) ಎದುರಿಸುತ್ತಾರೆ ಎಂದು ಸಂಸದ ಡಿ.ಕೆ.ಸುರೇಶ್ (DK Suresh) ಹೇಳಿದ್ದಾರೆ.

ಪಬ್ಲಿಕ್ ಟಿವಿ ಜೊತೆ ಮಾತನಾಡಿದ ಅವರು, ನ್ಯಾಯಾಲಯ ತೀರ್ಪಿಗೆ ಮೇಲ್ಮನವಿ ಹೋಗುವುದು ಸರ್ವೇ ಸಾಮಾನ್ಯ. ನಮಗೆ ಸಮಯಾವಕಾಶ ಇದೆ. ವಕೀಲರ ಜೊತೆ ಚರ್ಚೆ ಮಾಡಿ ಡಿಕೆಶಿ ಅವರು ಮುಂದಿನ ತೀರ್ಮಾನ ಮಾಡುತ್ತಾರೆ ಎಂದರು. ಇದನ್ನೂ ಓದಿ: ಜೆಡಿಎಸ್‌ನಿಂದ ಸಿಎಂ ಇಬ್ರಾಹಿಂ ಉಚ್ಛಾಟನೆ

ಇದೇ ವೇಳೆ ಹೆಚ್‌ಡಿಕೆಯಿಂದ (HD Kumaraswamy) ಮತ್ತೆ ತಿಹಾರ್ ಜೈಲು ನೆನಪಿಸಿದ ವಿಚಾರವಾಗಿ ಪ್ರತಿಕ್ರಿಯೆ ನೀಡಿದ ಅವರು, ನ್ಯಾಯಾಲಯ ಅವರ ಸ್ವತ್ತು ಅಲ್ಲ. ಅವರು ಏನು ಬೇಕೋ ಅದನ್ನು ಹೇಳುತ್ತಿರುತ್ತಾರೆ. ನಮಗೆ ಏನು ಬೇಕೋ ನಾವು ಮಾಡುತ್ತಾ ಇರುತ್ತೇವೆ. ಲೋಕಸಭೆ ಚುನಾವಣೆಗೆ (Lok Sabha Elections) ರಾಜಕೀಯವಾಗಿ ಅಡೆತಡೆಗಳ ಬಗ್ಗೆ ನಮಗೆ ಯಾವುದೇ ವಾತಾವರಣ ಕಾಣಿಸುತ್ತಿಲ್ಲ. ಎಲ್ಲಾ ತನಿಖೆಗಳನ್ನು ಡಿಕೆಶಿ ಎದುರಿಸಿದ್ದಾರೆ. ಸಿಬಿಐಗೆ (CBI) ಸಂಪೂರ್ಣ ಸಹಕಾರ ಕೊಟ್ಟಿದ್ದಾರೆ ಎಂದು ಸ್ಪಷ್ಟನೆ ನೀಡಿದರು. ಇದನ್ನೂ ಓದಿ: ಅನುಕಂಪವನ್ನು ನಮ್ಮ ದೇಶದಲ್ಲಿ ಹೇಗೆ ಬೇಕಾದ್ರು ಉಪಯೋಗ ಮಾಡಿಕೊಳ್ತಾರೆ:ಡಿಕೆಶಿಗೆ ಕುಮಾರಸ್ವಾಮಿ ಠಕ್ಕರ್