ಹೆಲಿಕಾಪ್ಟರ್ನಲ್ಲಿ ಬಂದು ಸಮುದ್ರದ ಮಧ್ಯದಲ್ಲಿದ್ದ ಮೀನನ್ನು ಪಡೆದ ನೌಕಾದಳ ಸಿಬ್ಬಂದಿ: ವಿಡಿಯೋ ವೈರಲ್

ಕಾರವಾರ: ಒಂದು ಬಾರಿ ಮೀನು ಸಾರಿನ ರುಚಿ ಆಹ್ವಾದಿಸಿದವರಿಗೆ ಮತ್ತೆ ಅದನ್ನು ತಿನ್ನಲು ಏನೇನು ಕಿತಾಪತಿ ಮಾಡುತ್ತಾರೆ. ಮೀನಿಗಾಗಿ ಅಂದರೆ ನಿಜವಾಗಿಯೋ ಶಾಕ್ ಆಗುತ್ತದೆ.

ಹೌದು. ಉತ್ತರ ಕನ್ನಡ ಜಿಲ್ಲೆಯ ಕಾರವಾರ, ಗೋವಾ ಗಡಿಯಲ್ಲಿ ಮಲ್ಪೆಯ ಬೋಟ್ ಒಂದು ಮೀನು ಬೇಟೆ ಮಾಡಿ ಕಾರವಾರದ ಕಡೆ ಹೋಗುತ್ತಿತ್ತು. ಈ ವೇಳೆ ಹೆಲಿಕಾಪ್ಟರ್ ಮೂಲಕ ಬಂದ ಭಾರತೀಯ ನೌಕಾದಳದ ಸಿಬ್ಬಂದಿ ಬೋಟ್ ಬಳಿಯಿಂದ ಮೀನು ಪಡೆದು ಹೋಗಿದ್ದಾರೆ.

ನೌಕಾದಳ ಸಿಬ್ಬಂದಿ ಬೋಟ್ ಬಳಿ ಬಂದು ಮೀನಿಗಾಗಿ ಬೋಟ್ ನವರಿಗೆ ಸನ್ನೆ ಮಾಡಿ ಮೀನು ಕೊಡುವಂತೆ ಹೇಳಿ, ನಂತರ ಹಗ್ಗದ ಮೂಲಕ ಕವರ್ ಕೆಳಗಿಳಿಸಿ ಬೋಟ್ ನಲ್ಲಿದ್ದ ಮೀನುಗಾರರ ಕೈಯಿಂದ ಮೀನು ಪಡೆಯುತ್ತಿರುವ ದೃಶ್ಯವನ್ನು ಆ ಬೋಟ್ ನೊಂದಿಗಿದ್ದ ಮತ್ತೊಂದು ಬೋಟ್ ನವರು ರೆಕಾರ್ಡ್ ಮಾಡಿದ್ದಾರೆ.

ಸದ್ಯ ಈಗ ಈ ದೃಶ್ಯ ಸಾಮಾಜಿಕ ಜಾಲತಾಣದಲ್ಲಿ ಸಾಕಷ್ಟು ವೈರಲ್ ಆಗುತ್ತಿದೆ. ಅಲ್ಲದೇ ಗಡಿ ಕಾಯುವ ನೌಕಾದಳ ಸಿಬ್ಬಂದಿ ಈ ವರ್ತನೆಗೆ ಟೀಕೆ ಸಹ ವ್ಯಕ್ತವಾಗಿದೆ.