ಸ್ಯಾಂಡಲ್‍ವುಡ್ ಪ್ರತಿಭಾನ್ವಿತ ಗಾಯಕ, ಬಿಗ್ ಬಾಸ್ ಸೀಸನ್-6ರ ರನ್ನರ್ ಅಪ್ ಖ್ಯಾತಿಯ ನವೀನ್ ಸಜ್ಜು ಅವರ ಹೊಸ ಆಲ್ಬಂ ಸಾಂಗ್ ಯೂ ಟ್ಯೂಬ್‍ನಲ್ಲಿ ಸೌಂಡ್ ಮಾಡ್ತಿದೆ. ‘ನಾಳೆಯಿಂದ ಎಣ್ಣೆ ಬುಟ್ ಬುಡ್ತೀನಿ’ ಸಾಂಗ್ ಹೊಸ ವರ್ಷದ ಕ್ರೇಜ್‍ಗೆ ಮತ್ತಷ್ಟು ಕಿಕ್ ಕೊಟ್ಟಿದೆ. ಹಾಡು ಕೇಳಿದವರೆಲ್ಲ ‘ನಾಳೆಯಿಂದ ಎಣ್ಣೆ ಬುಟ್ ಬುಡ್ತೀನಿ’ ಅಂತ ಈ ಹಾಡನ್ನೇ ಗುನುಗೋಕೆ ಶುರು ಮಾಡಿಕೊಂಡಿದ್ದಾರೆ.
ಈಗಾಗಲೇ ಮೂರು ಲಕ್ಷಕ್ಕೂ ಅಧಿಕ ವೀವ್ಸ್ ಪಡೆದು ಮೆಚ್ಚುಗೆಗೆ ಪಾತ್ರವಾಗಿದೆ. ಈ ಎಣ್ಣೆ ಸಾಂಗ್ ಹಾಡಿನ ಜೊತೆಗೆ ನವೀನ್ ಸಜ್ಜು ಸ್ಟೆಪ್ಸ್, ಕಿಕ್ ಏರಿಸೋ ಮ್ಯೂಸಿಕ್ ಮೋಡಿ ಮಾಡ್ತಿದೆ. ಜೊತೆಗೆ ಕ್ಯಾಚಿ ಲಿರಿಕ್ಸ್ ಎಲ್ಲರ ಬಾಯಲ್ಲೂ ಕೇಳಿ ಬರ್ತಿದೆ.
ನವೀನ್ ಸಜ್ಜು ಬಿಗ್ ಬಾಸ್ ಮನೆಯಲ್ಲಿರುವಾಗಲೇ ಈ ಹಾಡನ್ನು ಬರೆದಿದ್ದು ವಿಶೇಷ. ಅಷ್ಟೇ ಅಲ್ಲ ಬಿಗ್ ಬಾಸ್ ವೇಧಿಕೆಯಲ್ಲಿ ಕಿಚ್ಚ ಸುದೀಪ್ ಕೈಯಲ್ಲಿ ಈ ಹಾಡನ್ನು ಬಿಡುಗಡೆಗೊಳಿಸಿದ್ದು ಮತ್ತೊಂದು ವಿಶೇಷ ಸಂಗತಿ. ಸಾಹಿತ್ಯ ಬರೆದು, ಹಾಡಿ, ಮ್ಯೂಸಿಕ್ ಕಂಪೋಸ್ ಮಾಡಿದ್ದಲ್ಲದೇ ಹಾಡಿನ ನಿರ್ಮಾಣವನ್ನೂ ನವೀನ್ ಸಜ್ಜು ನಿರ್ವಹಿಸಿದ್ದಾರೆ. ಒಟ್ಟಿನಲ್ಲಿ ವಷ್ರ್ಯಾಂತ್ಯಕ್ಕೆ ಮತ್ತೊಂದು ಹಿಟ್ ಸಾಂಗ್ ನೀಡಿ ನ್ಯೂ ಇಯರ್ ಜೋಶ್ ಜೊತೆಗೆ ತಮ್ಮ ಅಭಿಮಾನಿಗಳು ಮತ್ತೊಮ್ಮೆ ಹ್ಯಾಂಗೋವರ್ ನಲ್ಲಿ ತೇಲುವಂತೆ ಮಾಡಿದ್ದಾರೆ ನವೀನ್ ಸಜ್ಜು.
