ದಾವಣಗೆರೆ: ಯುವತಿಯರಿರುವ ಪಿಜೆಗೆ ಸಂಪೂರ್ಣ ಬೆತ್ತಲಾಗಿ ಅನಾಮಿಕ ವ್ಯಕ್ತಿಯೊಬ್ಬ ನುಗ್ಗಿದ ಘಟನೆ ದಾವಣಗೆರೆಯಲ್ಲಿ ನಡೆದಿದೆ.
ನಗರದ ಪಿಜೆ ಬಡಾವಣೆಯಲ್ಲಿರುವ ಮಹಿಳಾ ಪಿಜಿಯೊಳಗೆ ಭಾನುವಾರ ಮಧ್ಯಾಹ್ನ 1:30ರ ಸುಮಾರಿಗೆ ರಾಜರೋಷವಾಗಿ ಅನಾಮಿಕನೊಬ್ಬ ಬೆತ್ತಲೆಯಾಗಿ ನುಗ್ಗಿದ್ದಾನೆ. ಬೆತ್ತಲೆಯಾಗಿ ಪಿಜಿಯೊಳಗೆ ನುಗ್ಗಿದ ತಕ್ಷಣ ಯುವತಿಯರೆಲ್ಲ ಹೆದರಿ ಕಿರಿಚಿಕೊಂಡಿದ್ದಾರೆ. ಕೆಲ ಯುವತಿಯರು ರೂಂ ಬಾಗಿಲು ಹಾಕಿಕೊಂಡರೆ ಕೆಲ ಯುವತಿಯರು ಪಿಜಿಯಿಂದ ಹೊರ ಓಡಿ ಬಂದಿದ್ದಾರೆ.
ನಗ್ನವಾಗಿ ಪಿಜಿಯೊಳಗೆ ಅನಾಮಿಕನೊಬ್ಬ ಹೋದ ದೃಶ್ಯ ಸಿಸಿ ಕ್ಯಾಮರಾದಲ್ಲಿ ಸೆರೆಯಾಗಿದ್ದು, ಪಿಜಿಯೊಳಗೆ ನುಗ್ಗಿದ ತಕ್ಷಣ ಅನಾಮಿಕ ವ್ಯಕ್ತಿಯನ್ನು ರೂಂ ನೊಳಗೆ ಕೂಡಿಹಾಕಿ ಪೊಲೀಸರಿಗೆ ಕರೆ ಮಾಡಿದ್ದಾರೆ.
ತಕ್ಷಣ ಪೊಲೀಸರು ಪಿಜಿಗೆ ಆಗಮಿಸಿ ನಗ್ನ ವ್ಯಕ್ತಿಯನ್ನು ಬಂಧಿಸಿದ್ದಾರೆ. ವ್ಯಕ್ತಿ ಮಾನಸಿಕ ಅಸ್ವಸ್ಥನಾಗಿದ್ದಾರೆ ಎಂದು ತಿಳಿದುಬಂದಿದೆ. ಖಾಸಗಿ ಪಿಜೆಗಳಿಗೆ ಭದ್ರತೆ ಇಲ್ಲದಿರುವುದೇ ಈ ಎಲ್ಲಾ ಬೆಳವಣಿಗೆಗೆ ಕಾರಣವಾಗಿದೆ. ನಾಯಿ ಕೊಡೆಯಂತೆ ಬೆಳೆದು ನಿಂತಿರುವ ಪೇಯಿಂಗ್ ಗೆಸ್ಟ್ ಗಳಿಗೆ ಕಡಿವಾಣ ಹಾಕಿ ಭದ್ರತೆಯ ಬಗ್ಗೆ ಕಟ್ಟು ನಿಟ್ಟಿನ ಕ್ರಮ ಕೈಗೊಳ್ಳುವಂತೆ ಸಾರ್ವಜನಿಕರು ಒತ್ತಾಯಿಸಿದ್ರು.
https://www.youtube.com/watch?v=rysz0NVEehg
