‘ವಜ್ರಕಾಯ’ (Vajrakaya) ಸಿನಿಮಾ ಮೂಲಕ ನಭಾ ನಟೇಶ್ ಬಣ್ಣದ ಬದುಕಿಗೆ ಎಂಟ್ರಿ ಕೊಟ್ಟರು. ಬಳಿಕ ಟಾಲಿವುಡ್‌ನತ್ತ ನಭಾ ಮುಖ ಮಾಡಿದ್ದರು. ಆಕ್ಸಿಡೆಂಟ್ ಬಳಿಕ ವಜ್ರಕಾಯ ಸುಂದರಿಗೆ ಅವಕಾಶ ಕಮ್ಮಿಯಾಗಿದೆ. ಸದ್ಯ ನಯಾ ಫೋಟೋಶೂಟ್‌ನಿಂದ ನಭಾ ಮಿಂಚ್ತಿದ್ದಾರೆ.
ಫ್ಲೋರಲ್ ಡ್ರೆಸ್ ನಲ್ಲಿ ಕ್ಯೂಟ್ ಆಗಿ ಕಾಣುತ್ತಿರುವ ನಭಾ, ಫುಲ್ ಸ್ಲೀವ್ ಕಟೌಟ್ ಡ್ರೆಸ್ ನಲ್ಲಿ ಮಿರಿಮಿರಿ ಮಿಂಚುತ್ತಿದ್ದಾರೆ. ಕಾಸ್ಟ್ಯೂಮ್ ವಿನ್ಯಾಸವೇ ಹೊಸದಾಗಿದೆ. ಹಾಗಾಗಿ ನೋಡುಗರ ಗಮನ ಸೆಳೆಯುತ್ತಿದೆ. ಇದನ್ನೂ ಓದಿ:‘ಸಂಜೆ ಮೇಲೆ ಸುಮ್ನೆ ಹಂಗೆ’ ಅಂತಿದ್ದಾರೆ ನೀನಾಸಂ ಸತೀಶ್: ಮ್ಯಾಟ್ನಿ ಹಾಡು ವೈರಲ್
ಇಂಡಸ್ಟ್ರಿಯಲ್ಲಿ ಶ್ರೀಲೀಲಾ (Sreeleela), ರಶ್ಮಿಕಾ ಮಂದಣ್ಣ(Rashmika Mandanna), ಮೃಣಾಲ್ ಜಮಾನ ನಡೆಯುತ್ತಿದೆ. ಇದರ ಮಧ್ಯೆ ‘ಇಸ್ಮಾರ್ಟ್ ಶಂಕರ್’ (Ismart Shankar) ಬ್ಯೂಟಿ ನಭಾ ಕಡೆ ನಿರ್ಮಾಪಕರು ಕ್ಯಾರೇ ಅನ್ನುತ್ತಿಲ್ಲ. ಕನ್ನಡದ ವಜ್ರಕಾಯ ಚಿತ್ರ ಶಿವಣ್ಣಗೆ ನಾಯಕಿಯಾಗಿ ಅದ್ದೂರಿಯಾಗಿ ನಭಾ ನಟೇಶ್ (Nabha Natesh) ಎಂಟ್ರಿ ಕೊಟ್ಟರು. ಬಳಿಕ ರಾಮ್ ಪೋತಿನೇನಿ, ರವಿತೇಜಾಗೆ ನಾಯಕಿಯಾಗಿ ನಭಾ ಮಿಂಚಿದ್ದರು.
ಶಿವರಾಜ್‌ಕುಮಾರ್‌ಗೆ (Shivarajkumar) ನಾಯಕಿಯಾಗುವ ಮೂಲಕ ಸ್ಯಾಂಡಲ್‌ವುಡ್‌ಗೆ (Sandalwood) ಪರಿಚಿತರಾದ ನಟಿ ನಭಾ ಅವರು ಮೊದಲ ಚಿತ್ರದಲ್ಲೇ ತನ್ನ ಅಭಿನಯದ ಮೂಲಕ ಸೈ ಎನಿಸಿಕೊಂಡರು. ಕನ್ನಡದ ಒಂದೆರೆಡು ಚಿತ್ರಗಳಲ್ಲಿ ನಟಿಸಿದ ಈ ಶೃಂಗೇರಿ ಬೆಡಗಿ, ಟಾಲಿವುಡ್‌ನತ್ತ ಮುಖ ಮಾಡಿದ್ರು.
‘ಇಸ್ಮಾರ್ಟ್ ಶಂಕರ್’ ಚಿತ್ರದಲ್ಲಿ ರಾಮ್ ಪೋತಿನೇನಿಗೆ ನಭಾ ಜೋಡಿಯಾಗಿ ನಟಿಸಿ ಗಮನ ಸೆಳೆದಿದ್ದರು. ಇದಾದ ಬಳಿಕ ‘ಡಿಸ್ಕೋ ರಾಜಾ’ ಸಿನಿಮಾದಲ್ಲಿ ರವಿ ತೇಜಾ(Ravi Teja) ಜೊತೆ ನಟಿಸಿದ್ದರು. ಭಿನ್ನ ಪಾತ್ರಗಳ ಮೂಲಕ ಗಮನ ಸೆಳೆದಿರೋ ನಟಿ ನಭಾ ಅವರು ಹೊಸ ಬಗೆಯ ಪಾತ್ರದ ಹುಡುಕಾಟದಲ್ಲಿದ್ದಾರೆ.
ಕಳೆದ ವರ್ಷ ತಮಗೆ ಆದ ಆಕ್ಸಿಡೆಂಟ್‌ನಿಂದ ಈಗ ಚೇತರಿಕೊಂಡಿದ್ದೇನೆ ಎಂದು ನಟಿ ನಭಾ ಸೋಷಿಯಲ್ ಮೀಡಿಯಾದಲ್ಲಿ ತಿಳಿಸಿದ್ದರು. ಈ ಮೂಲಕ ಮತ್ತೆ ಸಿನಿಮಾ ಮಾಡೋದಾಗಿ ಹೇಳಿದ್ದರು. ಸಾಲು ಸಾಲು ಫೋಟೋಶೂಟ್‌ನಿಂದ ನಭಾ ಹಾಟ್ ಪೋಸ್ ಕೊಡ್ತಿದ್ದಾರೆ. ಆದರೆ ಅವರಿಗೆ ಯಾವುದೇ ಸಿನಿಮಾ ಚಾನ್ಸ್ ಸಿಗುತ್ತಿಲ್ಲ.
ಸದ್ಯ ಬಿಳಿ ಬಣ್ಣದ ಉಡುಗೆಯಲ್ಲಿ ಹೊಸ ಫೋಟೋಶೂಟ್ ಮಾಡಿಸಿದ್ದಾರೆ. ಹಾಟ್ ಲುಕ್‌ನಿಂದ ಪಡ್ಡೆಹುಡುಗರ ದಿಲ್ ಕದ್ದಿದ್ದಾರೆ. ಇನ್ನಾದರೂ ನಭಾಗೆ ಸಿನಿಮಾ ಚಾನ್ಸ್ ಸಿಗುತ್ತಾ? ಶ್ರೀಲೀಲಾ, ರಶ್ಮಿಕಾ, ಮೃಣಾಲ್‌ಗೆ ನಭಾ ಸಿನಿಮಾ ಚಾನ್ಸ್ ಗಿಟ್ಟಿಸಿಕೊಂಡು ಠಕ್ಕರ್ ಕೊಡ್ತಾರಾ ಎಂಬುದೇ ಸದ್ಯದ ಪ್ರಶ್ನೆಯಾಗಿದೆ.
2021ರಲ್ಲಿ ಕಡೆಯದಾಗಿ ನಿತಿನ್ ನಾಯಕಿಯಾಗಿ ‘ಮೇಸ್ಟೋ’ ಸಿನಿಮಾದಲ್ಲಿ ನಟಿಸಿದ್ದರು. ನಿತಿನ್, ತಮನ್ನಾ ಜೊತೆ ನಭಾ ನಟೇಶ್ ಕೂಡ ಸಾಥ್ ನೀಡಿದ್ದರು. 2 ವರ್ಷಗಳಿಂದ ನಭಾ ಯಾವುದೇ ಸಿನಿಮಾದಲ್ಲಿ ನಟಿಸಿಲ್ಲ. ಹೀಗಿರುವಾಗ ಮತ್ತೆ ಕನ್ನಡ ಸಿನಿಮಾಗೆ ಕಮ್‌ ಬ್ಯಾಕ್‌ ಆಗ್ತಾರಾ ಕಾಯಬೇಕಿದೆ.
Web Stories
