ಮೈಸೂರು: ಶ್ರೀಚಾಮರಾಜೇಂದ್ರ ಒಡೆಯರ್‌ ಮೃಗಾಲಯದಲ್ಲಿಂದು ಹಬ್ಬದ ವಾತಾವರಣ ಮನೆ ಮಾಡಿತ್ತು. ಮೃಗಾಲಯದ ಹೊಸ ಅತಿಥಿ ಡೆಂಬಾ ಹೆಸರಿನ ಗೊರಿಲ್ಲಾದ ಹುಟ್ಟುಹಬ್ಬ ಸಂಭ್ರಮದಿಂದ ಜರುಗಿತು.
ಹ್ಯಾಪಿ ಬರ್ತ್ ಡೇ ಡೆಂಬ ಎಂದು ಹುಲ್ಲಿನ ಮೇಲೆ ತಿನಿಸಿನ ಮೂಲಕ ಬರೆದು ಮೃಗಾಲಯದ ಸಿಬ್ಬಂದಿ ಡೆಂಬಾಗೆ ವಿಶೇಷ ತಿನಿಸುಗಳನ್ನು ತಿನ್ನಿಸುವ ಮೂಲಕ ಹುಟ್ಟುಹಬ್ಬವನ್ನು ಆಚರಿಸಿ ಸಂತಸಪಟ್ಟರು. ಡೆಂಬ ಹುಲ್ಲಿನ ಮೇಲಿದ್ದ ತಿನಿಸುಗಳನ್ನು ನೋಡಿ ತಿನ್ನಲಾರಂಭಿಸಿತು. ಇದೀಗ ಡೆಂಬ ಹುಟ್ಟುಹಬ್ಬದ ವೀಡಿಯೋ ವೈರಲ್ ಆಗುತ್ತಿದೆ. ಇದನ್ನೂ ಓದಿ: ಜಲ್ಲಿಕಟ್ಟು ಕ್ರೀಡೆಗೆ ಕೊರೊನಾ ಮಾರ್ಗಸೂಚಿ ಜಾರಿಗೊಳಿಸಿದ ತಮಿಳುನಾಡು ಸರ್ಕಾರ
ಕೆಲದಿನಗಳ ಹಿಂದೆ ಚೀನಾದ ಹುನಾನ್ ಪ್ರಾಂತ್ಯದ ಚಾಂಗ್‍ಶಾದ ಕ್ಸಿಯಾಂಗ್‍ಜಿಯಾಂಗ್ ನದಿ ಬಳಿ ಪ್ರಾಣಿಪ್ರೇಮಿ ತನ್ನ ಸಾಕುನಾಯಿಯ 10ನೇ ವರ್ಷದ ಹುಟ್ಟುಹಬ್ಬವನ್ನು ಆಚರಿಸಲು ಸುಮಾರು 1,00,000 ಯುವಾನ್(ರೂ. 11 ಲಕ್ಷ) ರೂ. ಖರ್ಚು ಮಾಡಿದ್ದಾಳೆ. ಈ ಹುಟ್ಟುಹಬ್ಬಕ್ಕೆ 520 ಡ್ರೋನ್‍ಗಳನ್ನು ಬಾಡಿಗೆಗೆ ತೆಗೆದುಕೊಂಡಿರುವ ಸುದ್ದಿ ಎಲ್ಲರ ಹುಬ್ಬು ಏರಿಸುವಂತೆ ಮಾಡಿತ್ತು. ಇದನ್ನೂ ಓದಿ: ನಾಯಿ ಹುಟ್ಟುಹಬ್ಬ ಆಚರಿಸಲು 11 ಲಕ್ಷ ರೂ. ಖರ್ಚು ಮಾಡಿದ ಮಹಿಳೆ
