ಮೈಸೂರು: ಸಿಎಂ ಯಡಿಯೂರಪ್ಪಗೆ ಮಳೆಯನ್ನ ನಿಭಾಯಿಸೋ ಶಕ್ತಿ ಇದೆ ಎಂದು ಸಂಸದೆ ಶೋಭಾ ಕರಂದ್ಲಾಜೆ ಹೇಳಿದರು.
ಮೈಸೂರಿನ ಸುತ್ತೂರಿನಲ್ಲಿ ಸುತ್ತೂರು ಜಾತ್ರೆ ಸಮಾರೋಪದಲ್ಲಿ ಅವರು ಮಾತನಾಡಿದರು. 2008ರಲ್ಲಿ ಯಡಿಯೂರಪ್ಪನವರು ಸಿಎಂ ಆಗಿದ್ರು. ಬರದ ಆ ವೇಳೆ ಮಳೆ ಧಾರಕಾರವಾಗಿ ಬಂದಿತ್ತು. ಈ ಬಾರಿ ದೊಡ್ಡ ಪ್ರಮಾಣದಲ್ಲಿ ಮಳೆ ಬಂದು ಬರ ದೂರವಾಯ್ತು. ಆದರೆ ನೆರೆಯಿಂದ ಜನರ ಮನೆಗಳಿಗೆ ಹಾನಿ ಉಂಟಾಯಿತು ಎಂದು ಹೇಳಿದರು.
ಪ್ರವಾಹ ಪರಿಹಾರವಾಗಿ ಎನ್.ಡಿ.ಆರ್.ಎಫ್ ತಂಡ 94 ಸಾವಿರ ಕೊಡುತ್ತೆ. ಅದಕ್ಕೆ 4 ಲಕ್ಷದ 6 ಸಾವಿರ ಸೇರಿಸಿ ಮನೆ ಕಟ್ಟಲು ಹಣ ನೀಡುತ್ತಿದ್ದಾರೆ. ಸಮಸ್ಯೆಗೆ ಪರಿಹಾರ ಕೊಟ್ಟ ಮೊದಲ ಮುಖ್ಯಮಂತ್ರಿ ಅಂದ್ರೆ ಯಡಿಯೂರಪ್ಪನವರು ಎಂದು ಸಿಎಂ ಯಡಿಯೂರಪ್ಪರನ್ನು ಶೋಭಾ ಕರಂದ್ಲಾಜೆ ಹಾಡಿ ಹೊಗಳಿದರು.
